Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Tijem̦ba

“Armej ro jãn kajjojo aelõñ ko im kabuñ ko rej jar aolep raan. Kwõj l̦õmn̦ak ke bwe Anij ej roñjake im uwaake aolep jar ko?” Roñjake uwaak eo an. Innem lel̦o̦ke Imõniaroñroñ eo an Oktoba-Tijem̦ba 2011. Im kõnono ippãn doon kõn kõmel̦el̦e ko ium̦win kajjitõk eo kein kajuon ilo peij 16 im lale juon ak ruo eoon ko jãn katak eo. Lel̦o̦k bok eo im kõm̦m̦an kon̦ ippãn ñan am̦ bar jepl̦aak im kõnono ippãn kõn kajjitõk eo tok juon.

Imõniaroñroñ Oktoba-Tijem̦ba 2011

“Ewi am̦ l̦õmn̦ak, ta eo emaroñ jipañ l̦eo im lio bwe en em̦m̦an aerro kõnnaan ippãn doon? [Roñjake an uwaak.] Jouj im lale ta eo Baibõl̦ ej rõjañ er bwe ren kõm̦m̦ane. [Riit Jabõn Kõnnaan 18:13.] Baibõl̦ eo ej ba bwe l̦eo im lio rej aikuj roñjake m̦okta jãn aer kõnnaan.” Kwal̦o̦k katak eo ilo peij 10, innem ba “Katak in emaroñ jipañ ro em̦õj aer m̦are bwe ren kile etke ri pãlele ro rej aikuj kwal̦o̦k kautiej ñan doon.”

Imõniaroñroñ Oktoba-Tijem̦ba 2011

“Ajri ro rej aikuj ke katak kõn Anij jãn ke rej dik, ak em̦m̦anl̦o̦k ke kõttar aer rũttol̦o̦k bwe ren make kããlõt tõmak eo aer? [Roñjake an uwaak.] Lale m̦õk ta eo Baibõl̦ eo ej rõjañ ro jemen baam̦le ko ñan aer kõm̦m̦ane. [Riit Epesõs 6:⁠4.] Bok in ej kwal̦o̦k jet wãween ko rũtto ro remaroñ katakin ajri ro nejier kõn Anij.”