Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Jul̦ae

“Kwõl̦ak baj lale, kabuñ ko rej ke kõm̦m̦an bwe armej ren aenõm̦m̦an im yokwe doon? Ak rej kõm̦m̦an bwe armej ren kõjdat im m̦an doon? [Roñjake an uwaak.] Ikõn̦aan kwal̦o̦k ñan kwe juon men ekaitoktoklimo me ej kwal̦o̦k kõn kabuñ ko.” Kwal̦o̦k ñan armej eo Naan in Keeañ eo an Juun 1, im etale ippãn kajjitõk eo kein kajuon ilo peij 26 im riiti juon iaan eoon ko. Lel̦o̦k bok eo, im karõk ñan bar jepl̦aak im etale kajjitõk eo kein karuo ippãn.

Naan in Keeañ Juun 2012

“Elõñ rej tõmak bwe ej juon men em̦m̦an ñe kabuñ ko rej bõk kun̦aaer ilo m̦akũtkũt ko an kien, ak ebar lõñ rej tõmak bwe kabuñ im kien rejjab aikuj ippãn doon. Ta am̦ l̦õmn̦ak kõn men in? [Roñjake an uwaak.] Jen lale ta eo Jijej ear kõm̦m̦ane ke armej ro rar kõn̦aan bwe en bõk kun̦aan ilo m̦akũtkũt ko an kien eo ilo raan ko an. [Riiti Jon 6:15.] Bok in ej kõmel̦el̦e etke Jijej ear kõm̦m̦ane men in im ej bar kwal̦o̦k wãween eo em̦m̦antata Kũrjin ro rej kõm̦m̦ane ñan jipañ jukjuk im pãd ko aer.”

Naan in Keeañ Juun 2012

“Elõñ armej rej l̦õmn̦ak bwe Baibõl̦ ej juon bok bajjek. Ak ta baj am̦ l̦õmn̦ak kõn Baibõl̦, ej Naan in Anij ke ak ej juon bok bajjek? [Roñjake an uwaak.] Jen lale ta eo Baibõl̦ ej ba. [Riiti 2 Piter 1:​21, innem kwal̦o̦k katak eo ilo peij 28.] Katak in ej kwal̦o̦k etke jemaroñ lõke bwe Baibõl̦ eo ej jãn Anij.”