Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Jul̦ae

“Enañin aolep armej rekõn̦aan bwe en wõr aenõm̦m̦an ilo lal̦ in. Bõtab, jej lo wõt an wal̦o̦k tarin̦ae. Ta l̦õmn̦ak eo am̦, etke epen an wõr aenõm̦m̦an?” Kõtl̦o̦k an uwaak. Innem, kwal̦o̦k tulikin Naan in Keeañ eo an Juun 1. Etale ippãn kõmel̦el̦e ko ium̦win kajjitõk eo kein kajuon im juon iaan eoon ko ie. Lel̦o̦ke bok eo im karõk ñan bar jepl̦aak im etale kajjitõk eo tok juon.

Naan in kakeememej: Kwal̦o̦k waanjoñak in ilo iien kweilo̦k in kwal̦o̦k naan ilo Jul̦ae 6.

Naan in Keeañ Juun 1

“Kõmij bwebwenato jidik ippãn armej kõn juon apañ me ekkã an wal̦o̦k. Elõñ armej em̦õj aer iioone an ro jet kwal̦o̦k kalijekl̦o̦k ñan er. Ta l̦õmn̦ak eo am̦, ewõr ke juon jikin me ejjel̦o̦k kalijekl̦o̦k ie? [Kõtl̦o̦k an uwaak.] Kõjro lale ta l̦õmn̦ak eo an Anij kõn aolep armej. [Riit Jerbal 10:34, UBS.] Bok in ej kwal̦o̦k ta eo Anij enaaj kõm̦m̦ane bwe en ejjel̦o̦k bar kalijekl̦o̦k.”

Juon Ennaan Em̦m̦an Jãn Anij!

“Kõmij bwebwenato ippãn baam̦le ko kõn juon ennaan em̦m̦an ilo Baibõl̦. Aolep armej ro kõmar kõnono ippãer rar kõn̦aan jel̦ã etke juon Anij in yokwe ej kõtl̦o̦k an wal̦o̦k eñtaan ilo lal̦ in. Ta l̦õmn̦ak eo am̦, eñin ke kõn̦aan eo an Anij jãn jinoin?” Kõtl̦o̦k an uwaak. Innem, ãlõkl̦o̦k ñan Katak 5 im riit im etale pãrokõrããp ko ruo m̦oktata im eoon ko remeej. Lel̦o̦ke bok eo im karõk ñan bar jepl̦aak im etale kajjitõk eo tok juon.