Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Mãe

“Elõñ armej rej l̦õmn̦ak bwe Anij ej buñbũruon kake aolep katak im tõmak ko an kabuñ ko. Ewi am̦ l̦õmn̦ak kõn men in? Eaorõk ke katak ta ko jej tõmaki? [Roñjake an uwaak.] Jouj im lale ta eo Baibõl̦ eo ej ba kõn men in.” [Riit Jon 8:32.] Tokãlik, lel̦o̦k ñan ri m̦weo bok eo Naan in Keeañ Eprõl̦ 2012 innem ba, “Bok in ej kwal̦o̦k etke eaorõk bwe jen jel̦ã m̦ool eo. [Riit l̦o̦k pãrokõrããp eo ej wal̦o̦k ãlikin eoon eo ilo Jon 8:32 ilo peij 7.] Baibõl̦ eo ej kwal̦o̦k jilu un ko unin an aorõk katak ta ko jej tõmaki.” Riit ippãn pãrokõrããp eo tok juon im bwebwenato ippãn kake, innem kõm̦m̦an karõk ñan jepl̦aak ippãn bwe komiro en bar bwebwenato kõn katak eo.

Naan in Keeañ Eprõl̦ 2012

“Elõñ kain l̦õmn̦ak ko an armej ro kõn wõn Jijej. Jet rej ba bwe Jijej ej Messaia eo kar kallim̦ur kake. Ro jet rej ba bwe ear baj juon armej em̦m̦an. Bõtab, ro jet rejjab tõmak bwe Jijej ear juon armej me ear lukkuun mour ioon lal̦. Ak baj kwe, ewi l̦õmn̦ak eo am̦ kõn kar wõn Jijej? [Roñjake an uwaak.] Ekkar ñan Baibõl̦ eo, eaorõk bwe jen jel̦ã m̦ool eo kõn Jijej. [Riit Jon 17:⁠3.] Bok in ej kwal̦o̦k uwaak ko ilo Baibõl̦ kõn jet kajjitõk ko me ekkã an armej kajjitõk kake kõn Jijej.”

Jino Katak Baibõl̦ Ippãn Armej ro kõn Peba eo Etan Kwo Kõnan ke Jelã Mol Eo?

Lel̦o̦k ñan ri m̦weo peba eo etan Kwo Kõnan ke Jelã Mol Eo? im kwal̦o̦k ñane kajjitõk ko ilo tum̦aan in peba eo. Innem ba: “Eñin ej jet iaan kajjitõk ko im rekaitoktoklimo me jemaroñ lo uwaak ko rem̦ool jãn Baibõl̦ eo. Em̦õj ke am baj kajjitõk ippam̦ make kõn juon iaan kajjitõk kein?” Ãlikin an ri m̦weo uwaak, komiro etale uwaak in kajjitõk eo an ilo peba eo, im riiti juon iaan eoon ko. Karõk ñan bar jepl̦aak im etale bar juon iaan kajjitõk ko ilo peba eo.