Waanjoñak ko kõn Kilen Lel̦o̦ke Bok In

Ñan Jino Kõm̦m̦an Baibõl̦ Study ko ilo Jãdede eo M̦oktata ilo Mãe

“Aolep ri pãlele ro rekõn̦aan lo m̦õn̦õn̦õ ilo mour in m̦are eo aer. Ilo am̦ l̦õmn̦ak, Baibõl̦ eo emaroñ ke jipañ er ilo men in? [Roñjake an uwaak.] Bok in ej kwal̦o̦k juon men ekaitoktoklimo kake men in.” Riiti ippãn doon pãrokõrããp eo kein karuo ium̦win wãween eo kein ka 4 ilo peij  6 ilo Imõniaroñroñ eo an Eprõl̦-Juun. Innem riiti Matu 20:25-28. Likũt bok in ippãn im kõm̦m̦an karõk ñan bar jepl̦aak.

Imõniaroñroñ Eprõl̦-Juun 2011

“Elõñ armej rej l̦õmn̦ak bwe ejjel̦o̦k jorrããn ilo iukkure kõn jããn im ejjab nana. Ro jet rej ba bwe iukkure kõn jããn ej bõktok jorrããn ñan baam̦le eo im ñan ro jet. Ilo am̦ l̦õmn̦ak, Baibõl̦ eo ej ke letok naan in kakapilõk ko kõn men in? [Roñjake an uwaak, innem riit 2 Timote 3:16, 17.] Ewõr eoon ko ilo bok in im ej letok naan in kakapilõk ko kõn iukkure kõn jããn.” Kwal̦o̦k kõn katak eo me ej jinoe ilo peij 28.

Imõniaroñroñ Eprõl̦-Juun 2011

“Kwõj ke errã bwe epenl̦o̦k an ro jemen im jinen ajri ro katakin ro nejier kõn kien ko an Anij kõn mour jim̦we? [Roñjake an uwaak.] Ewõr naan in rõjañ ko relukkuun em̦m̦an ilo Baibõl̦ ñan ro ewõr nejier. [Riit Jabõn Kõnnaan 22:6.] Bok in ej kwal̦o̦k kõn wãween ro jemen im jinen ajri ro remaroñ kajerbale Baibõl̦ eo ñan katakin ro nejier kien ko an Anij kõn mour jim̦we.” Kwal̦o̦k kõn katak eo me ej jinoe ilo peij 19.