Waanjoñak

Ñan Jino Katak Baibõl̦ ilo Jãdede eo M̦oktata ilo Jul̦ae

“Kwõnañin ke kar kajjitõk kõn kajjitõk in: ‘Ta eo ej wal̦o̦k ñan juon armej ñe ej mej?’ [Roñjake an uwaak.] Kwõj l̦õmn̦ak ke bwe jemaroñ jel̦ã ta eo ej wal̦o̦k ñan er? Elõñ armej Baibõl̦ eo ear uwaake jabdewõt aer kajjitõk kõn ro remej. Ñan waanjoñak, eoon ko ilo Baibõl̦ eo rej lukkuun kalikkar etke ro remej rejjab maroñ jipañ ak ko̦kkure kõj ilo jabdewõt wãween.” Riit Ekklisiastis 9:5, 10. Ãlikin lel̦o̦k ñan armej eo Imõniaroñroñ an Jul̦ae-Jeptõmba, innem riit im kõmel̦el̦eik katak eo ej pãd ilal̦ in kajjitõk eo ilo peij 16. Kajjitõk el̦aññe ekõn̦aan bõk an bok, im karõk ippãn bwe kwõn bar jepl̦aak im etale uwaak eo an kajjitõk eo jinointata ilo peij 7.

Imõniaroñroñ Eprõl̦-Juun 2011

“Kwõj l̦õmn̦ak ke bwe Anij ej kea kake kõj kajjojo? [Roñjake uwaak eo an.] Lale ta eo naan in Anij ej ba kõn men in. [Riit Sam 147:11.] Bok in ej kam̦ool jãn Baibõl̦ eo bwe Anij ej lukkuun kea kake kõj kajjojo, im ej kwal̦o̦k ewi wãween jemaroñ ruwaakl̦o̦k ñan e.” Kwal̦o̦k katak eo ej jino ilo peij 24.

Imõniaroñroñ Jul̦ae-Jeptõmba 2011

Riiti Sam 37:10-11, innem kajjitõk: “M̦õttan jidik jenaaj ke lo an jejjet kitien kanaan in? [Roñjake an uwaak.] Bok in ej kõm̦el̦el̦e kõn kanaan ko jiljino ilo Baibõl̦ eo me jej lo aer jejjet kitieir kiiõ. Men in ej kalikkar bwe m̦õttan wõt jidik enaaj jejjet kitien kanaan in.”