Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Tijem̦ba

Lel̦o̦k ñan ri m̦weo peba eo ak tract eo etan Kwo Kõnan ke Jelã Mol Eo? im jitõñl̦o̦k ñan kajjitõk ko ilo peij eo m̦oktata. Innem ba: “Erkein ej jet iaan kajjitõk ko me Baibõl̦ eo ej uwaaki. Em̦õj ke am̦ baj l̦õmn̦ak kõn jabdewõt iaan kajjitõk kein?” Ãlikin an armej eo uwaak, komiro en wõnm̦aanl̦o̦k wõt im etale uwaak eo ñan juon iaan kajjitõk kein. Ãlikin, kwõn riiti juon iaan eoon ko me rej wal̦o̦k ilo peba eo. Kõm̦m̦an karõk bwe kwõn bar jepl̦aak im etale bar juon iaan kajjitõk ko ilo peba eo.

Naan in Keeañ Nobõm̦ba 2012

“Kõmij bwebwenato ippãn armej ro im kile bwe el̦ap aer inepata kõn an l̦ap jerbal ko rejjab jim̦we ilo kien im ilo peejnej ko. Ilo am̦ baj l̦õmn̦ak, ewõr ke en̦ emaroñ kabõjrak jerbal kein renana? [Kõtl̦o̦k bwe en uwaak.] Jen lale ta eo Baibõl̦ ej ba bwe Jijej enaaj kõm̦m̦ane ñan armej ro me rej jorrããn itok wõt jãn an wal̦o̦k jerbal ko rejjab jim̦we. [Riit Sam 72:​12-14.] Bok in ej kwal̦o̦k kõn ewi wãween jerbal ko rejjab jim̦we renaaj jem̦l̦o̦k.”

Naan in Keeañ Nobõm̦ba 2012

“Elõñ armej rej kile bwe elukkuun pen mour kõn wõt an wal̦o̦k jerbal ko rejjab jim̦we. Em̦õj ke am̦ baj kile apañ in? [Kõtl̦o̦k an uwaak.] Jen lale juon eoon im ej kwal̦o̦k ewi wãween naaj kajem̦l̦o̦ke juon iaan un ko me rej kõm̦m̦an bwe en wal̦o̦k jerbal ko rejjab jim̦we. [Riit Aiseia 55:⁠7.] Bok in ej bar kwal̦o̦k kõn ruo un ko jet me rej kõm̦m̦an bwe en wal̦o̦k jerbal ko rejjab jim̦we im wãween an Anij naaj kajem̦l̦o̦ki ak jol̦o̦ki.”