Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Tijem̦ba

“Kõmij lol̦o̦k kajjojo baam̦le ko. Elukkuun lõñ rũtto ro rekõn̦aan bwe ajri ro nejier ren yokwe Anij. Kwõl̦ak lale ej ke juon menin aikuj ñan an rũtto ro katakin ajri ro nejier ñan yokwe Anij? Ke ta, ajri ro rej aikuj make katak ñan yokwe Anij?” Kõtl̦o̦k an uwaak. Kwal̦o̦k itulikin Naan in Keeañ eo an Tijem̦ba 1, im komiro etale kajjitõk eo kein kajuon im kõmel̦el̦e eo an kab riiti juon iaan eoon ko ie. Lel̦o̦k bok eo, im karõk ñan am̦ bar jepl̦aakl̦o̦k im etale kajjitõk eo tok juon.

Naan in Keeañ Tijem̦ba 1

“Kõmij lotok jabdewõt ñan bwebwenato jidik kõn Anij. Kõmij mel̦el̦e bwe eokkõtaktak mel̦el̦e ko an armej kõn Anij. Kwõl̦ak lale ta eo ekkã an armej ro l̦õmn̦ak kake kõn Anij? Rej l̦õmn̦ak bwe ej baj juon jetõb ekajoor ke ak ej juon Anij eo ej yokwe er kajjojo? [Kõtl̦o̦k an uwaak.] Ilo eoon in ej kwal̦o̦k kõn kõn̦aan eo an Anij ñan kõj armej ro. [Riiti Jemes 4:8, tujinoin wõt eoon in.] Bok in ej kwal̦o̦k 3 men ko jemaroñ kõm̦m̦ani bwe jen epaakel̦o̦k Anij.”