Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Allõñ in Jãnwõde

“Enañin aolep armej ro rekõn̦aan bwe en wõr juon kien em̦m̦an ñan tõl er. Ak kwe, kain kien rot emaroñ kõm̦adm̦õdi aolep apañ ko an armej ro? [Kõtl̦o̦k an uwaak.] Lale ta eo ej ba ilo bok in.” Lel̦o̦k Naan in Keeañ an Tijem̦ba im komiro lale kõmel̦el̦e ko ium̦win kajjitõk eo kein kajuon ilo peij 10 im riiti juon iaan eoon ko ie. Kõm̦m̦an karõk ñan jepl̦aak im bwebwenato kõn kajjitõk eo juon.

Naan in Keeañ Tijem̦ba 2012

“Jemaroñ ke kajjitõk ippam̦ juon kajjitõk? El̦aññe kwõmaroñ kar kwal̦o̦k juon kajjitõk ippãn Anij, ta eo kwõnaaj kajjitõk ippãn kake? [Kõtl̦o̦k an uwaak.] Jijej ear ba bwe ekkar im ejim̦we ñe juon armej ej kwal̦o̦k kajjitõk ko an im tokãlik pukot uwaakier. [Riit Matu 7:7.] Ilo bok in ej kwal̦o̦k kõn jilu kajjitõk ko reaorõk kab uwaakier me rej itok jãn Baibõl̦.” Kwal̦o̦k kajjitõk ko me rej wal̦o̦k ilo peij 3.