Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Nobõm̦ba

“Elõñ rej tõmak bwe juon raan Anij enaaj ekajete er ekkar ñan kõm̦m̦an ko aer. Ta baj am̦ l̦õmn̦ak, Raan in Ekajet eo ej juon iien em̦m̦an im jej kijoorore an wal̦o̦k ke ak juon iien ekaamijak? [Roñjake an uwaak.] Lale m̦õk ta eo bok in ej ba.” Lel̦o̦k ñan ri m̦weo Naan in Keeañ eo an Oktoba 1, im riiti im etale kajjitõk eo kein kajuon ilo peij 16 im riiti juon ak elõñl̦o̦k eoon ko. Ãlikin men in, karõk ñan bar jepl̦aak im etale kajjitõk eo tok juon.

Naan in Keeañ Oktoba 2012

“Ilo elõñ jikin ko ipel̦aakin lal̦ in, elõñ kõrã ro rej eñtaan kõn an armej ro kalijekl̦o̦k im nana aer kõm̦m̦an ñan er. Ak ekabũrom̦õjm̦õj bwe unin an wal̦o̦k ãindein ej kõn tõmak ko an kabuñ ko. Ta l̦õmn̦ak n̦e am̦, Anij ej ke kaorõk kõrã ro? [Roñjake an uwaak.] Jen lale ta naan in jiroñ ko jãn Baibõl̦ kõn wãween an em̦m̦aan ro kõm̦m̦an ñan kõrã ro pãleer. [Riit Epesõs 5:​28, 29.] Bok in ej kwal̦o̦k ta eo Baibõl̦ ej ba kõn wãween an Anij watõk kõrã ro.”

Naan in Keeañ Oktoba 2012

“Jãn etto in an kõrã ro eñtaan kõn an armej ro kalijekl̦o̦k im nana aer kõm̦m̦an ñan er. Ewi am̦ l̦õmn̦ak, etke ejaam̦ wal̦o̦k ãindein ñan kõrã ro? [Roñjake an uwaak.] Jen lale ta eo Baibõl̦ ej jiroñ em̦m̦aan ro ñan kõm̦m̦ane ñan kõrã ro pãleer. [Riit 1 Piter 3:⁠7.] Bok in ej kwal̦o̦k ta eo Baibõl̦ ej ba kõn wãween an Anij im Kũraij watõk kõrã ro.”