Waanjoñak ko kõn Kilen

Jino Katak Baibõl̦ Ippãn Armej ro ilo Jãdede eo M̦oktata ilo Okõj

“Kwõnañin ke l̦õmn̦ak kõn kajjitõk in: ‘Ta eo ej wal̦o̦k ñan juon armej ñe emej?’ [Kõtl̦o̦k bwe en uwaak.] Kwõj l̦õmn̦ak ke bwe jej aikuj jel̦ã m̦ool eo kõn kajjitõk in? Elõñ armej ro Baibõl̦ eo ear uwaake kajjitõk ko aer kõn ro remej, im bõlen jej bar kajjitõkin kõj ejja kajjitõk kein wõt. Ñan waanjoñak, eoon ko ilo Baibõl̦ eo rej kalikkar etke ro remej rejjab maroñ jipañ kõj ak ko̦kkure kõj.” Riiti Ekklisiastis 9:​5, 10. Ãlikin, lel̦o̦k juon an ri m̦weo Imõniaroñroñ eo an Jul̦ae-Jeptõmba. Bareinwõt etale ippãn katak eo ium̦win kajjitõk eo kein karuo ilo peij peij 16. Lel̦o̦k ñan e Imõniaroñroñ eo, im karõk ippãn bwe kwõn bar jepl̦aak kom̦iro etale uwaak in kajjitõk eo ilo peij 17.

The Watchtower Jul̦ae-Jeptõmba 2011

Riit Sam 37:​10, 11. Ãlikin am̦ riiti, kwõn ba naan kein: “Kwõj l̦õmn̦ak ke bwe m̦õttan wõt jidik jenaaj lo an jejjet kallim̦ur in? [Kõtl̦o̦k bwe en uwaak.] Bok in ej kõmel̦el̦e kõn kanaan ko jiljino ilo Baibõl̦ me jej lo aer jejjet kitieer kiiõ. Kanaan kein rej kalikkar bwe m̦õttan wõt jidik enaaj jejjet kallim̦ur eo ilo eoon in.”

The Watchtower Jul̦ae-Jeptõmba 2011

“Elõñ iaad jaar luuji baam̦le ko ad ak ro m̦õttad ilo mej. Kwõj kõjatdikdik ke im kõn̦aan bar lo er? [Kõtl̦o̦k bwe en uwaak.] Jen lale ta eo ej ba ilo Job 14:​14, 15.” Ãlikin, etale ippãn katak eo ium̦win kajjitõk eo m̦oktata ilo peij 16 ilo Imõniaroñroñ eo an Jul̦ae-Jeptõmba. Lel̦o̦k ñan e Imõniaroñroñ eo, im karõk ippãn bwe kwõn bar jepl̦aak kom̦iro wõnm̦aanl̦o̦k im bwebwenato kake men n.