Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Okõj

“Enañin aolep armej rekõn̦aan bwe en aetok aer mour im ren m̦õn̦õn̦õ. Kwõl̦ak baj lale ewõr ke juon iien me jaintiij ro im taktõ ro renaaj loe juon uno me enaaj kõm̦m̦an bwe jen mour ñan indeeo? [Kõtl̦o̦k an uwaak.] Lale m̦õk ta eo bok in ej ba.” Kwal̦o̦k peij eo ãliktata ilo Naan in Keeañ eo an Jul̦ae, im etale kõmel̦el̦e ko ium̦win kajjitõk juon im riiti juon ak ruo eoon. Lel̦o̦k ñane bok eo, im kõm̦m̦an karõk ñan am̦ bar jepl̦aak im etale kajjitõk eo tok juon.

Naan in kakeememej: Jouj im kõm̦m̦ane waanjoñak in ilo naaj iien kweilo̦k in kwal̦o̦k naan eo ilo Okõj 3.

Naan in Keeañ Jul̦ae 1

“Elõñ iaan armej ro me kõmij bwebwenato ippãer ewõr make aer kabuñ. Bõtab, jet armej rej ba bwe ejako aer tõmak ilo kabuñ. Ta baj l̦õmn̦ak n̦e am̦ kõn kabuñ? [Kõtl̦o̦k an uwaak.] Jijej ear kwal̦o̦k ñan kõj ewi wãween jemaroñ etale kabuñ ko. [Riit Luk 6:44.] Bok in ej kwal̦o̦k jet iaan men ko renana me kabuñ ko rej kõm̦m̦ani. Ej bareinwõt uwaake kajjitõk in, Kwõj aikuj ke baj tõmak im lõke jabdewõt kabuñ?”