“Menin Letok Ko Ilo Emaan Ro” Ñan Kejbãrok Sheep Ro An Jehovah

“Ke ear wanliñlok ñan ijo eutiej ear bõklok ri kamakoko ro; ear lelok menin letok ko ilo emaan ro.”​—EPHESIANS 4:8, New World Translation

1. Ta nan ko juõn Christian sister ear ba kaki kin elder ro ilo congregation eo an?

“KOMMOL kin an lap ami kejbãrok kim. Ettõñ dikdik ko ami, okmãnãn eo ami, ami lemnak elap air mol. Aolep ien komij bed ijo ñan ami letok nan in eoroñ im bõk kunami ilo nan ko jen Bible me rej lõñaj jitõb ko am. Ij jar bwe in jamin ãlikinjepjepe kom.” Eindein an kar juõn Christian sister jeje ñan elder ro ilo congregation eo an. Ealikar, yokwe eo an Christian shepherd ro rar kwalok ear uñũr buruen.​—1 Piter 5:2, 3.

2, 3. (a) Ekkar ñan Aiseia 32:1, 2, ewi wãwen an elder ro rej kwalok air yokwe kejbãrok sheep ro an Jehovah? (b) Ñããt eo remaroñ watõk juõn elder bwe ej juõn menin letok?

² Elder ro rej juõn menin letok jen Jehovah ñan kejbãrok sheep ro an. (Luk 12:32; Jon 10:16) Sheep ro an Jehovah rej jitenburu ñan e​—ilo mol, kin air jitenburu, ear wiaik ir kin bõtõktõk eo eaorõk bõtõktõk in Jesus. Inem, jejjab bwilõñ, bwe Jehovah ej buñburuen ñe elder ro rej kõmman ñan bwij eo an ilo joij. (Jerbal 20:28, 29) Lale wãwen kanan eo kin elder rein, ak “iroij ro”: “Im juõn emaan e naj einwõt jikin tilekek jen kõto, im juõn Kien tõrak jen lañ eo, einwõt river in dren ilo jikin e mõra, im einwõt lurin juõn deka elap ilo juõn ene in mõk.” (Aiseia 32:1, 2) Aet, rej ñan kejbãrok, kaemololo, im kainemõn sheep ro an. Elder ro rej lale bwij eo an ilo yokwe im ilo wãwen in rej kate ir mour ñan men eo Anij ej watõk ir kake.

³ Elder rot in rej jitõñlok ñan ir ilo Bible einwõt “menin letok ko ilo emaan ro.” (Ephesians 4:8, NW) Ñe kwoj lemnak kin juõn menin letok, kwoj lemnak kin juõn men eo rej letok ñan kõtõbrak juõn aikwij ak ñan bõktok mõnõnõ ñan eo ej bõke. Juõn elder jemaroñ lemnak kake juõn menin letok ñe ej kajerbal maroñ ko an ñan letok jibañ eo ej menin aikwij im ñan bõk kunan ñan mõnõnõ eo an bwij eo. Ewi wãwen an maroñ kõmmane menin? Uak eo, jej loe ilo nan ko an Paul ilo Dri Epesõs 4:7-16, ej kalikar yokwe im lemnak eo an Jehovah kin sheep ro an.

“Menin Letok ko ilo Emaan ro”​—Jen Ia?

4. Ilo kajejjet kitien Psalm Ko 68:18, ilo wãwen et eo Jehovah ear ‘wanliñlok ion ijo eutiej,’ im wõn ro rar “menin letok ilo wãwen emaan ro”?

⁴ Ke Paul ear kajerbal kajin in “menin letok ko ilo emaan ro,” ear eliji nan ko an Kiiñ David, eo ear ba ñan Jehovah: “Emwij am wanliñlok ion ijo eutiej; emwij am bõklok dri kamakoko ro; emwij am bõk menin letok ko ilo wãwen emaan ro.” (Psalm 68:18, NW) Elikin an ri Israel ro bed ilo Enen Kallimur eo iumin jet yiõ ko, Jehovah ilo nan in kõkkar ear “wanliñlok” ñan Tol Zion im kõmmane Jerusalem jikin kwelok eo an ailiñ in Israel ibben an David einwõt king eo an. Ak wõn ro rar “menin letok ko ilo wãwen emaan ro”? Ir kar emaan ro kar bõk ir im ri kamakoko ilo ien eo kar nitbwili ene eo. Jet ian ri kamakoko rein tokelik rar bed ñan air jibañ ri Levi ro kin jerbal eo ilo imõn kabbed eo.​—Ezra 8:20.

5. (a) Ewi wãwen an Paul kwalok bwe Psalm 68:18 ewõr juõn kitien eo ejejjet ilo congregation eo an Christian? (b) Ilo wãwen et eo Jesus ear ‘wanliñlok ion ijo eutiej’?

⁵ Ilo letter eo an ñan ri Epesõs ro, Paul ej kwalok bwe nan ko an ri jeje Psalm elaplok an jejjet kitieir ilo congregation eo an Christian. Ilo an bar eliji Psalm 68:18 [NW], Paul ej je: “Kiõ ñan kajjojo iad joij im yokwe kar letok ekkar ñan wãwen eo Christ ear joñwe men in letok eo ejelok wõnãn. Kin unin ej ba: ‘Ke ear wanliñlok ñan ijo eutiej ear bõklok ri kamakoko ro; ear lelok menin letok ko ilo emaan ro.’” (Ephesians 4:7, 8, NW) Ijin Paul ej kajerbal Psalm in ñan Jesus einwõt eo ej itok ikijen Anij. Jesus ear “bõk anjo ion lõl” kin ialin tiljek eo an. (Jon 16:33) Ear bareinwõt anjo ion mij im ion Satan ikijen an Anij kajerkakbiji e jen mij. (Jerbal 2:24; Dri Hibru 2:14) Ilo 33 C.E., Jesus eo kar jerkakbiji ear wanliñlok ñan “ijo eutiej jen aolepen lõñ ko”​—utiejlok jen aolep menin kõmanmõn ko jet otemjej ilo lañ. (Dri Epesõs 4:9, 10; Dri Pilippai 2:9-11) Einwõt juõn ri bõk anjo, Jesus ear bõk “ri kamakoko ro” jen ri kijirãt eo. Ewi wãwen?

6. Jino ilo Pentecost 33 C.E., ewi wãwen an kar Jesus eo ear wanliñlok jino rupe, kokkure mweo imõn Satan, im ta eo ear kõmmane kin “ri kamakoko ro”?

⁶ Ke ear bed ion lal, Jesus ear kalikar kajur eo an ion Satan ilo an kar kõtlok ro kar lukwõj ir ilo kamakoko ñan demon ro. Ear einwõt ñe Jesus ear deloñe mweo imõn Satan, liãbe, im bõk men ko mweien. (Matu 12:22-29) Baj lemnak, ke kar kajerkakbiji e im kamaroñe kin ‘kajur ko otemjej i lõñ im lõl,’ inem ta eo Jesus emaroñ kar rakimi! (Matu 28:18) Jino ilo Pentecost 33 C.E., Jesus eo ear wanliñlok, einwõt eo ej itok ikijen Anij, ear jino rupe mweo imõn Satan ilo an ‘bõklok ri kamakoko ro’​—emaan ro etto air bed ilo kamakoko ñan jerawiwi im mij im iumin maroñ eo an Satan. “Ri Kamakoko” rein rar mõnõnõ im oktak einwõt ro “Ri karejaran Christ, im kõmanmõn ankil an Anij kin aolepen-air.” (Ephesians 6:6, NW) Ilo wãwen in, Jesus, ear kõtlok ir jen maroñ eo an Satan im, ilo etan Jehovah, lelok ñan congregation eo einwõt “menin letok ko ilo emaan ro.” Kalmenlokjen kin mõjno eo an Satan ke rar kõtlok ir jen kajur eo an ke ej bed wõt ijo!

7. (a) Ewi joñan maroñ ko “menin letok ko ilo emaan ro” rej jerbal ilo congregation ko? (b) Ta ien eo emõn Jehovah ear letok ñan kajjojo emaan ro rej jerbal einwõt elder?

⁷ Jej lo ke kain men kein “menin letok ko ilo emaan ro” ilo congregation eo rainin? Emol, jej! Jej lo air jerbal einwõt elder ro, rej kate ir jerbal einwõt ‘ri evanjel, shepherd ro, im ri kaki ro’ ilo elõñlok jen 87,000 congregation ko an armij ro an Anij ibelakin lal. (Dri Epesõs 4:11) Ejelok men emõnlok Satan ekõnan ñan ir ak bwe en jab emõn air kõmman ñan bwij eo. Ak ejjab un eo in unin an Anij ikijen Christ kar lelok ir ñan congregation eo. Ak, Jehovah ear letok emaan rein ñan emõn eo an congregation eo, im rej bõk eddo ñan e kin sheep ro emwij lelok kejbãrok eo air ioir. (Dri Hibru 13:17) Elañe kwoj jerbal einwõt juõn elder, Jehovah emwij an lewõj ñan yuk juõn ien emõn ñan am kamol yuk make juõn menin letok, ak jerammõn ñan ro jeõm im jatõm. Kwo maroñ kõmman eindein ilo am kajejjet kitien emen eddo ko elap tokjeir.

Ñe Ej Wõr Juõn Aikwij ñan “Kajimwe”

8. Ilo ta wãwen ko kij otemjej jej aikwij kajimwe ilo jet ien?

⁸ Moktata, “menin letok ko ilo emaan ro” kar litok “kin juõn lemnak ñan kajimwe eo an ro rekwojarjar,” Paul ej ba. (Ephesians 4:12, NW) Nan in Greek eo ej ukõt “kajimwe” ej jitõñlok ñan likit juõn men “ñan loan men eo emwij kajimwe im ejejjet.” Einwõt armij jab wãppen, kij aolep jej aikwij kõmman kajimwe jen ien ñan ien​—bwe lemnak eo ad, mwil, ak manit ren itok “ñan loan men eo emwij kajimwe im ejejjet” ibben lemnak eo an Anij im ankil an. Jehovah ear letok ilo yokwe “menin letok ko ilo emaan ro” ñan jibañ kij kõmman kajimwe ko rej menin aikwij. Ewi wãwen air kõmman menin?

9. Ewi wãwen an juõn elder maroñ jibañ ñan kajimwe juõn sheep eo ej bwid?

⁹ Jet ien, juõn elder remaroñ kiri ñan an jibañ juõn sheep eo ear bwid, eo bõlen ear ‘bõk jet buñten nee eo ebwid mokta jen an jelã kake.’ Ewi wãwen an juõn elder maroñ jibañ? “Kajeoñ kajimwe juõn armij eo einwõt in ilo juõn jitõbõn inemõn,” Galetia 6:1, NW, ej ba. Eindein, ñe ej lelok nan in kakabilek, juõn elder ejamin lui eo ear bwid, kajerbal nan ko relej. Kakabilek eo ej aikwij kakajur, jab “kalelñoñ,” eo ej bõke. (2 Dri Korint 10:9; keidi Job 33:7.) Armij eo emaroñ dedelok an eñjake an jook, inem juõn shepherd eo ej yokwe ej bõprae an ubrare jitõb eo an armij in. Ñe ej kakabilek, meñe kauwe eo ebin, ej alikar an emmakit kake im lelok ilo yokwe, ej einwõt ñan kajejjete lemnak im mwilin eo ej bwid, im ilo wãwen in bar kajeblak e.​—2 Timote 4:2.

10. Ta eo ekoba ilo kajimwe ro jet?

¹⁰ Ilo letok “menin letok ko ilo emaan ro” ñan kajimwe eo ad, Jehovah ear bed ilo lemnak eo an bwe elder ro ren kaemololo ilo jitõb bwe en tellokin an armij ro an anõk ir. (1 Dri Korint 16:17, 18; Dri Pilippai 3:17) Kajimweik ro jet ekoba ejjab kajimwe wõt ro rej etal ilo juõn ial ebwid ak bareinwõt jibañ ro retiljek bwe ren bin wõt ilo ial eo ejimwe.a Rainin, kin an lõñ abañ ko rej iten kõmman ebwer, elõñ rej aikwij kakajur ñan air debdeb wõt. Jet remaroñ aikwij jibañ eo rej lelok ñan ir ñan air kajejjet lemnak eo air ibben eo an Anij. Ñan wanjoñok, jet Christian ri tõmak ro rej kate ir kin eñjake ko remũlal kin jabwe ak jab aorõk. “An ko remõjno” einwõt kein remaroñ eñjake bwe Jehovah ejamin maroñ yokwe ir im bwe meñe elap jibadbad ko air ñan jerbal ñan Anij rejamin emõn ñan e. (1 Dri Tessalonika 5:14) Ak lemnak ilo wãwen in ejjab jejjet ibben wãwen eñjake eo emol an Anij kin ri kabuñ ro an.

11. Ta eo elder ro remaroñ kõmmane ñan jibañ ro rej kate ir kin eñjake ko in an ejelok aorõkiir?

¹¹ Elder ro, ta eo kom maroñ kõmmane ñan jibañ kain armij rot in? Joij im bõk kunami ibbeir kin kamol eo ilo Jeje ko bwe Jehovah ej Key kin kajjojo ro ri karejaran im kamol ñan ir bwe eon kein ilo Bible rej jerbal ñan ir kajjojo. (Luk 12:6, 7, 24) Jibañ ir ñan air lo bwe Jehovah ear ‘bõk’ ir ñan air karejar ñan e, inem emol ej aikwij lo aorõk eo ilo ir. (Jon 6:44) Kamol ñan ir bwe rejjab make iair​—elõñ ri karejar ro retiljek an Jehovah ear wõr ibbeir eñjake ko eierlok wõt kein. Ri kanan Elijah juõn ien joñan an lap an kar mõjno ilo eñjake ear kõnan mij. (1 Kiñ Ro 19:1-4) Jet Christian ri kabit ilo ebeben eo kein kajuõn rar eñjake an burueir make ‘liakelok’ ir. (1 Jon 3:20) Ewõr kainemõn ilo jelã bwe ri tõmak ro ilo ien Bible ko ear wõr air “eñjake einwõt ko ad.” (Jemes 5:17, NW) Kwo maroñ bareinwõt elij bwebwenato ko rej kakajur ilo Imõniaroñroñ eo im Awake! ibben ro erup burueir. Jibadbad ko am rej menin yokwe ñan kajeblak liki eo an rein ejamin ittino an Anij loe eo ear lewõj ñan yuk “menin letok ko ilo emaan ro.”​—Dri Hibru 6:10.

“Kalek” Bwij eo

12. Ta eo ej walok ilo kajin in “kalek enbwinin Kraist,” im ta key eo ñan kalek bwij eo?

¹² Kein karuo, “menin letok ko ilo emaan ro” rej litok kin juõn lemnak ñan “kalek enbwinin Kraist.” (Dri Epesõs 4:12) Ijin Paul ej kajerbal juõn wãwen kennan. “Kalek” ej kakememej kij kin jerbal in ekkal, im “enbwinin Kraist” ej jitõñlok ñan armij ro​—ri kabit ro uan congregation eo an Christian. (1 Dri Korint 12:27; Dri Epesõs 5:23, 29, 30) Elder ro rej aikwij jibañ ro jeiir im jatiir ñan air rittolok im kajur ilo jitõb. Mejenkajjik eo ej ‘ñan kalek kom im jab kin kokkure’ bwij eo. (2 Dri Korint 10:8) Key eo ñan kalek bwij eo ej yokwe, bwe “yokwe ej kalek.”​—1 Dri Korint 8:1.

13. Ta melelen eñjake in lemnak, im etke elap tokjen ñan elder ro ñan air kwalok eñjake in lemnak?

¹³ Juõn wãwen yokwe eo ej jibañ elder ro ñan kalek bwij eo ej eñjake ilo lemnak. Ñan eñjake ilo lemnak melelen eñjake ilo lemnak kin ro jet​—ñan kile kin lemnak ko im eñjake ko air, etale joñan maroñ ko air. (1 Piter 3:8) Etke elap tokjen bwe elder ro en wõr air eñjake ilo lemnak? Ilañin men otemjej kinke Jehovah​—eo ej letok “menin letok ko ilo emaan ro”​—ej juõn Anij in eñjake ilo lemnak. Ñe ro ri karejaran rej eñtan ak metak, ej eñjake kin ir. (Exodus 3:7; Aiseia 63:9) E ej etale joñan maroñ ko air. (Sam Ko 103:14) Inem, ewi wãwen an elder ro maroñ kwalok eñjake in lemnak?

14. Ilo wãwen et ko elder ro rej kwalok eñjake in lemnak kin ro jet?

¹⁴ Ñe juõn eo ej ebwer ej itok ñan ibbeir, rej roñjake, bõk eñjake ko an armij eo. Rej kajeoñ melele bedbed eo, mwil, im wãwen ko ibben ro jeiir im jatiir. Inem ñe elder ro rej lelok jibañ in kalek eo ilo jitõb, sheep ro renaj lo an bidodo air bõke kinke ej itok jen shepherd ro emol air melele im kea kake ir. (Jabõn Kennan Ko 16:23) Eñjake ilo lemnak ej bareinwõt kamakit elder ro ñan air etale joñan maroñ ko an ro jet im eñjake ko remaroñ walok jen menin. Ñan wanjoñok, jet Christian ro rej kalmenlokjen remaroñ eñjake air bwid kinke rejjab maroñ kalaplok air jerbal ilo air jerbal ñan Anij, bõlen kin air ritto ak utame ilo ejmour. Ilo wãwen eo juõn, jet remaroñ aikwij kakajur ñan kõmanmõnlok jerbal in kwalok nan eo air. (Dri Hibru 5:12; 6:1) Eñjake ilo lemnak enaj kamakit elder ro ñan air lo “nan ko remõn” rej kalek ro jet. (Ekklisiastis 12:10) Ñe rej kalek sheep ro an Jehovah im rej emmakit, yokwe eo air ñan Anij enaj kamakit ir ñan air kõmman joñan wõt air maroñ ilo air jerbal ñan e!

Emaan ro Rej Kalaplok Burukuk

15. Ta eo ej alikar ikijen kajin in “juõn wõt ilo tõmak”?

¹⁵ Kein kajilu, “menin letok ko ilo emaan ro” rej litok bwe “kij otemjej jen tõbar juõn wõt ilo tõmak im ilo jelãlokjen eo ejimwe kin Nejin Anij.” (Ephesians 4:13, NW) Kajin in “juõn wõt ilo tõmak” ej kalikar burukuk eo ejjab ilo tõmak ko wõt ak bareinwõt kin ri tõmak ro. Inem, menin, ej bar juõn unin an Anij kar letok ñan kij “menin letok ko ilo emaan ro”​—ñan kalaplok burukuk eo ibwiljin armij ro an. Ewi wãwen air kõmman menin?

16. Etke elap tokjen ñan an elder ro debij wõt burukuk ibwiljiir make?

¹⁶ Ñan jinoe, rej aikwij debij burukuk eo ibwiljiir make. Elañe shepherd ro rej jebel, sheep ro remaroñ eñtan kin kajekdon ir. Ien eo eaorõk im maroñ kar kajerbale ilo shepherd e bwij eo emaroñ jako kin kwelok ko im iakwelel ko eaetok jetñakiir kin men ko ejjab lukkun lap tokjeir. (1 Timote 2:8) Elder ro remaroñ jab errã ilo men otemjej rej konono kaki, bwe ir rej emaan ro ewõr einjuõn ko air jen don. Burukuk ejjab kabõjrak lemnak ko air reinjuõn jen don meñe kalikari ilo juõn wãwen eo jokkin wõt juõn ilo ien air konono im kwalok lemnak ko air ñan don. Elder ro rej kejbãrok burukuk eo air ilo air roñjake ilo kautiej don ilo ejelok bebe lok iman. Im toan wõt an ejelok nan in kaiñi ko ilo Bible rej rupe, kajjojo ej aikwij mõnõnõ in lelok e im rejetak jemlok eo eliktata an jar in enbwinin elder ro. Juõn jitõbõn lelok ej kalikar bwe “meletlet eo jen lañ” ej tel ir, eo ej “ainemõn, joij.”​—Jemes 3:17, 18.

17. Ewi wãwen an elder ro maroñ jibañ kejbãrok burukuk eo ilo congregation eo?

¹⁷ Elder ro rej bareinwõt manjabpopo ñan kalaplok burukuk eo an congregation eo. Ñe ej wõr jab ibben don kin kareelel ko​—einwõt nan in ñiremij ko rekõmmetak, wãwen eo ñan kabwid ro jet, ak juõn jitõb in jumae​—ekauwatata ñan ainemõn, rej bojak in lelok nan in kakabilek ko rej menin jibañ. (Dri Pilippai 2:2, 3) Ñan wanjoñok, elder ro remaroñ jelã kin kajjojo armij ro etarjen joñan air notaiki ro jet ak ro rej itok wõt in irõjlok ro jet kin jerbal ko air, kin menin rej oktak im irõrmij. (1 Timote 5:13; 1 Piter 4:15) Elder ro renaj kajeoñ jibañ kain armij rot in ñan air kile bwe ial in ej nae men eo Anij ear katakin kij kake im bwe kajjojo ej aikwij make “inek kunan.” (Dri Galetia 6:5, 7; 1 Dri Tessalonika 4:9-12) Ilo air kajerbal Jeje ko, elder ro renaj kamelele bwe Jehovah ej likit elõñ men ko ñan bõklikit ko ad kajjojo, im ejelok iad ej aikwij ekajete ro jet ilo kain wãwen kein. (Matu 7:1, 2; Jemes 4:10-12) Ñan jerbal ibben don ilo burukuk, ej aikwij wõr juõn mejatoto in liki im kautiej ilo congregation eo. Ilo lelok nan in kakabilek eo ilo Jeje ko ñe ej menin aikwij, “menin letok ko ilo emaan ro” ej jibañ kij ñan kejbãrok ainemõn im burukuk eo ad.​—Dri Rom 14:19.

Kejbãrok Bwij eo

18, 19. (a) “Menin letok ko ilo emaan ro” ej kejbãrok kij jen wõn? (b) Jen kauwatata ko jet sheep ro rej aikwij bõk kejbãrok, im ewi wãwen an elder ro kõmman ñan kejbãrok sheep ro?

¹⁸ Kein kemen, Jehovah ej letok “menin letok ko ilo emaan ro” ñan kejbãrok kij jen ad reel “kin jabrewõt kõto im katak, ilo jela mon an armij, ijo etao eo ej tellok ñõn keien bwir.” (Dri Epesõs 4:14) nan in Greek eo kin “mon” rej ba bwe melelen “kwot ilo dice” ak “kabel ilo kamadmõde dice.” Menin ejjab kakememej kij ke kin wãwen meletlet in jerbal eo an ro rar buñ jen tõmak? Ilo air kajerbal nan in akwel ko remeoeo, rej kõketak kin Jeje ko ñan air kajeoñ ane Christian ro remol ñan air ellok jen tõmak eo air. Elder ro rej aikwij kanuij lale kain “kiru wulf ko re kanuij lej”!​—Jerbal 20:29, 30.

¹⁹ Sheep ro an Jehovah rej aikwij bõk kejbãrok jen kauwatata ko jet bareinwõt. Shepherd in etto eo David ilo an jab mijak ear kejbãrok bwij eo an jemen jen ri ankwonak ro. (1 Samuel 17:34-36) Rainin, bareinwõt, emaroñ walok ien ko ñe Christian shepherd ro rej aikwij kwalok beran ñan air kejbãrok bwij eo jen jabdewõt ro remaroñ jerbal nana ak jibed sheep ro an Jehovah, elaptata ro ebidodo air bo. Elder ro renaj mõkaj in kamakit jen congregation eo ri jerawiwi ro rej etal ilo kõnan eo an ro rej karõk air kajerbal kilten, riap, im karõk air ñan kõmman nana.b​—1 Dri Korint 5:9-13; Keidi Sam Ko 101:7.

20. Etke jemaroñ eñjake ad jokane ilo kejbãrok eo an “menin letok ko ilo emaan ro”?

²⁰ Jej kamolol kin “menin letok ko ilo emaan ro”! Ilo yokwe in kejbãrok eo air, jemaroñ eñjake ad jokane, bwe rej kajimwe kij ilo joij, kalek kij ilo yokwe, bojak ilo kejbãrok burukuk eo ad, im ilo beran kejbãrok kij. Ak en ewi wãwen an “menin letok ko ilo emaan ro” lemnak kin jerbal eo air ilo congregation eo? Im ewi wãwen ad maroñ kalikar bwe jej kamolol kake ir? Kajitõk kein naj konono kaki ilo katak in tok juõn.

[Kamelele ko itulal]

Kwoj Kememej Ke?

◻ Wõn ro rej “menin letok ko ilo emaan ro,” im etke Anij ikijen Christ ear lelok ir ñan congregation eo?

◻ Ewi wãwen an elder ro kajejjet kitien eddo eo air ñan kajimwe bwij eo?

◻ Ta eo elder ro remaroñ kõmmane ñan kalek ri tõmak ro mõttair?

◻ Ewi wãwen an elder ro maroñ kejbãrok burukuk eo an congregation eo?

[Pija eo ilo peij 8]

Eñjake im lemnak kin ro jet ej jibañ elder ro ñan kakajur ro rej ebwer

[Pija eo ilo peij 8]

Burukuk ibwiljin elder ro ej kalaplok burukuk eo ilo congregation eo