“Gospel” Eo Jen Apocalypse Eo

“I ar lo bar juõn enjel ej kãki i mejatoto, im iben gospel ej in drio, bwe en kwalok e ñõn ro rej jokwe ion lõl.”​—REVELES̃ÕN 14:6.

1. Meñe Ri Kennan ro an Jehovah rej tõmak bwe book in Apocalpyse eo kar juõn book in kakõrmol, etke rejjab juõn “kabuñ in apocalpyse”?

EINJUÕN jen nan in ba nae ko nae ir, Ri Kennan ro an Jehovah rejjab “jar in apocalypse eo” ak “jar in ekajet eo”. Bõtab, rej tõmak ilo Apocalypse eo, ak book in Revelation eo, einwõt mõttan Nan in kakõrmol eo an Anij. Emol, elõñ ennan in ekajet ko nae ri nana ro rej bed ilo book in Revelation eo. Ak ilo air jerbal in kwalok, elaplok an ri karejar ro an Anij kwalok nan kin kejatdikdik eo eaibujuij ilo Bible eo, ekoba eo ej bed ilo Apocalypse, ak Revelation eo. Ilo wãwen in, rejjab kobaiklok ak bõk jabdewõt men jen nan in kanan ko iloan.​—Reveles̃õn 22:18, 19.

Kwalok kin News Ko Remõn

2. Ta jet ian eon ko ekkã an Ri Kennan ro an Jehovah kajerbali ilo jerbal eo air ñan kwalok nan?

² Juõn bedbed in Bible eo ekkã an Ri Kennan ro an Jehovah kwalok kin jerbal in kwalok ej nan ko an Jesus: “Im naj kwalok gospel in an ailiñ in lõñ i aolepen lõl kin men in kennan ñõn ailiñ otemjelok ilo ien eo enaj itok jemlokõn.” (Matu 24:14, footnote) Im ta in “gospel in an ailiñ” eo? Elõñ Ri Kennan ro renaj kar uak ilo air kwalok eon ko jen Revelation chapter 20 im 21 ko rej konono kin Juõn Thousand Yiõ Iroij eo an Christ im Ailiñ eo an im jukjuk im bed in armij eo me mij, jañ, im eñtan renaj “joko.”​—Reveles̃õn 20:6; 21:1, 4.

3. Jemaroñ keidi jerbal eo an Ri Kennan ro an Jehovah ñan jerbal et eo?

³ Einwõt ri kwalok ro kin news kein remõn, Ri Kennan ro an Jehovah rej einwõt kein konono eo ñan ri keañ in kõkkar eo ilañ eo me book in Revelation ej konono kake. “I ar lo juõn enjel ej kãki i mejatoto, im iben gospel ej in drio, bwe en kwalok e ñõn ro rej jokwe ion lõl, im ñõn ailiñ im bwij im konono im driloabjen otemjelok.” (Reveles̃õn 14:6) “Gospel [eo] ej in drio” ej koba nan in kejelã eo bwe “ailiñ [ak iroij] an lõl” emwij an erom “ailiñ an [ad] Iroij im an Kraist” im bwe “ien” eo emwij karõklok iman an Jehovah ear itok ñan “kokkure ro rej kokkure lõl.” (Reveles̃õn 11:15, 17, 18) News in ejjab ke juõn news emõn?

Ta Eo Revelation Eo Ej Letok Nan Kij

4. (a) Ta mol ko emwij an kõlajraki ilo Revelation chapter 1 ej kalikari? (b) Ta eo ro rekõnan bõk tokjen jen news eo emõn rej aikwij kõmmane?

⁴ Chapter eo jinoin book in Revelation ej kwalok Jehovah einwõt “Alpa im Omega, . . . Eo ej kiõ im Ej mokta im Ej itok, Dri Kajur otem kajur.” Im kwalok Nejin, Jesus Christ, einwõt “Dri Kennan etiljek,” “Dri lotak mokta jen ro remij,” im “Iroij ion kiñ ro an lõl.” Bareinwõt ej kwalok Jesus einwõt “Eo e ar yokwe kij, im kõtlok kij jen jerawiwi ko ad kin bõtõktõkin.” (Reveles̃õn 1:5, 8) Inem, jen jinoin, Revelation kwalok mol ko rej lomoren armij. “Ro rej jokwe ion lõl” rejjab maroñ bõk tokjen jen news eo emõn rar bõklok ñan ir elañe rejjab kile utiejtata eo an Jehovah, tõmak ilo bõtõktõkin Jesus eo emwij katorloke, im tõmak bwe Jehovah ear kajerkakbijik e im bwe Christ ej Iroij eo an lal Anij ear kãlete kiõ.​—Sam Ko 2:6-8.

5. Ilo jerbal et eo Christ ej kõmmane ekkar ñan Revelation chapter 2 im 3?

⁵ Chapter ko ruo jeltokin rej kwalok Christ Jesus einwõt Overseer eo eyokwe jen lañ ñan congregation ko an ri kalor ro an ion lal. Book lemlem eo ñan Christian congregation ko jiljilimjuõn rar bed ilo Asia Minor ilo ebeben eo kein kajuõn C.E. kar wõr nan in rejañ im nan in kakabilek eo rej jerbali wõt ñan ran kein. Emakijkij an ennan ko rar jilkinlok ñan congregation ko jinoe kin nan kein “I jela kõmõn ko am” ak “I jela am jorran.” (Reveles̃õn 2:2, 9) Aet, Christ ear jela kin ta eo ear walok ilo congregation ko an ri kalor ro an. Ear nebar jet iair kin yokwe, tõmak, im jerbal ko air ilo jerbal eo an Anij, air kijenmij, im tiljek ñan etan im nan eo an. Ear kauweik ro jet kin air kaemololoik yokwe eo air kin Jehovah im Nejin, ak kõmman lũñ, kabuñ ñan ekjap, ak kabuñ wan ko.

6. Ta eo vision eo ilo chapter 4 ej jibañ armij ro bwe ren melele kake?

⁶ Chapter 4 ej kwalok juõn vision ekabwilõñlõñ kin throne eo an Jehovah Anij ilañ. Ej kwalok ilo tukaduin bed eo eaibujuij an Jehovah im dolul in iroij eo ilañ ej kajerbali. Iroij ro emwij air bõk belin ko beliir, im throne ko air rej kabole throne eo elap ilañ, rej kõttãik ir ñan Jehovah im ba: “O Iroij im am Anij, bwe kwon bõk aibujuij im nebar im kajur, bwe kw’ar kõmõnmõn men ko otemjej, im kin ankil am r’ar ber im emwij kõmõnmõni.​—Reveles̃õn 4:11.

7. (a) Ta eo enjel eo ej jiroñ armij ro an lal bwe ren kõmmane? (b) Ta mõttan jerbal in ekkatak eo ad ej aorõk?

⁷ Men in ewõr ke melele ñan armij ro ran kein? Ewõr. Elañe rekõnan mour iumin Ailiñ eo kin Juõn Thousand Yiõ, rej aikwij bokake ta eo “enjel eo ej kãki imejatoto” ej ba: “Komin mijõk Anij im lelok aibujuij ñõn E, bwe auõ in ekajet eo An e mottok.” (Reveles̃õn 14:6, 7) Juõn ian un ko raorõk unin jerbal in katak Bible eo Ri Kennan ro an Jehovah rej kõmmane ej ñan jibañ “ro rej jokwe ion lõl” bwe ren jelã im kabuñ ñan Jehovah, kile kajjen maroñ in Kõmanmõn eo an, im kõttãik ir ilo mõnõnõ ñan wãwen iroij eo an ewãnik.

Lamb Eo Ej Tellokin Bõk Nebar

8. (a) Chapter 5 im 6 ej kwalok Christ einwõt ta? (b) Ta eo aolep ro rej eoroñ news eo emõn rej katak kake jen vision in?

⁸ Chapter ko ruo, 5 im 6, rej jeltok, rej kwalok Jesus Christ einwõt juõn Lamb eo ej tellokin bõk maroñ eo ñan kabellok juõn book lemlem eo ewõr jiljilimjuõn seal ko, im ej kalikar ilo juõn kajin in kõkkar men ko rej walok ilo ran kein ad. (Keidi Jon 1:29.) Ñan Lamb in kõkkar in, ainikien ko ilañ rej ba: “Ekar ñõn Kwe bwe kwon bõk buk eo, im kebellok sil ko an, bwe emwij mõn Yuk, im Kw’ar wiaik ñõn Anij ilo bõtõktõktõm jen bwij otemjej, im konono otemjej, im driloabjen otemjej, im ailiñ otemjej.” (Reveles̃õn 5:9, 10) Vision in ej katakin bwe kin torlok in bõtõktõkin Christ, jet ian armij ro jen driloabjen otemjej kar kir ir bwe ren bed ibben ilañ im ‘iroij einwõt kiñ ro ion lõl.” (Keidi Reveles̃õn 1:5, 6.) Tokelik Revelation enaj kalikar orair.

9. Ewi wãwen chapter 6 ej kwalok kin Christ?

⁹ Ilo ejja vision in wõt, ej kõkkar Christ einwõt juõn ri ettõr emwij an bõk belin bareinwõt im ej uwe manlok ion juõn horse mouj ñan “bõk anjo im wõnmanlok bwe En bõk anjo.” Emenin mõnõnõ, bwe enaj anjo ion men ko renana me ri ettõr ro jilu ion horse ko air an Apocalypse eo rej kõkkar kake, im ettõr eo air elej ear bõktok tarinae, ñitta, im mij ñan armij ro jen yiõ eo eaorõk 1914. (Reveles̃õn 6:1-8) Jerbal eo ejej uan an Christ, Lamb eo an Anij, ñan lomoren armij im kajejjet kitien karõk ko raibujuij an Jehovah ej unleplep in jerbal in katak-Bible eo an Ri Kennan ro an Jehovah.

10. (a) Ta katak eo eaorõk ej bed ilo chapter 7? (b) Ewi wãwen an kar Christ konono kin ro rej bõk Ailiñ eo?

¹⁰ Chapter 7 ewõr news ko remõn. Ilo book in Revelation wõt jej lo elõñ ian ro me Jesus kar naetair “bwij erik” ro me Jemen Lamb eo ear lelok Ailiñ eo ñan ir. (Luk 12:32; 22:28-30) Ikijen jitõb eo an Jehovah ear seale ir. (2 Dri Korint 1:21, 22) Ri jilek Jon, eo ear bõk Revelation eo, ear ba: “I ar roñ oran ro emwij sil ir, jibuki eñoul im emen tausan.” (Reveles̃õn 7:4) Juõn chapter eo tokelik ear kabin oran in einwõt ro “emwij wiaik ir jen lõl” ñan iroij ibben Lamb eo ion Tol Zion ilañ. (Reveles̃õn 14:1-4) Meñe kabuñ ko an Christendom rejjab kalikar ilo kamelele ko air kin oran in, emenin kaitoktoklimo bwe, ri etale Bible eo E. W. Bullinger ear ba kin men in: “Ej juõn nan ejejjet: juõn bwinbwin ejejjet ñe jej keidi ibben bwinbwin eo juõn ejjab jejjet ilo ejja chapter in wõt.”

11. (a) Ta news eo emõn ej bed ilo chapter 7? (b) Ta jerammõn ko rej bellok iman ro uan “jar eo elap”?

¹¹ Ñan bwinbwin et eo ejjab jejjet Bullinger ear konono kake? Ilo 9 eon, ri jilek Jon ear je: “Elikin men kein I ar lale, im lo, jar elap, eo ejelok armij ej maroñ in bwinir jen ailiñ otemjej, im ian bwe otemjej, im driloabjen otemjej, im konono otemjej.” (Reveles̃õn 7:9) Wõn ro rej mõttan jar in elap, ewi kõtan eo air ibben Anij kiõ, im ta ilju eo air? Uak in apocalypse eo ej news eo emõn ñan ro rej jokwe ion lal. Jej konono: “Rein ro r’ar itok jen iñtan eo elap, im r’ar kwoli im kamour nuknuk ko air ilo bõtõktõkin Lam.” Ilo tõmak eo kin bõtõktõkin Christ eo emwij katorlok, enaj kejbãrok ir ilo “iñtan eo elap.” Christ enaj “tel ir ñõn unin dren ko dren in mour im Anij e naj kõmõraik dren in kemjãlãl otemjej jen mejeir.” (Reveles̃õn 7:14-17) Aet, elõñ million armij rej mour rainin remaroñ erom mõttan jarlepju in im ejjab alikar oran in ro renaj mour im ellã jen jemlokin jukjuk im bed in enana. Einwõt ro rej kõttãik ir ñan King eo Jesus Christ ilo ien Iroij eo an iumin Juõn Thousand Yiõ ko, enaj tel ir ñan mour indio ion lal. Men in ejjab ke juõn news emõn?

“Ekajet Ko An Rej Mol im Wãnik”

12, 13. (a) Ta eo ej bed ilo chapter 8 lok ñan 19? (b) Etke ro emol burueir rejjab aikwij inebata kin nan in kanan kein?

¹² Chapter 8 ñan 19 rej unin air ba bwe book in Apocalypse, ak Revelation, ej juõn book eo ear kanan kin jorrãn ko rekamijak. Ewõr ennan in ekajet ko rekajur (rar kõkkar kin ainikien jilel ko, men in kaeñtan ko, im jãbi in illu ko rekwojarjar) nae elõñ kain mõttan ko an jukjuk im bed eo an Satan. Bebe in ekajet kein renaj jejjet kitieir, mokta nae kabuñ wan (“Babylon eo Elap”), inem nae kien ko an lal, kidu ko rawia rar kõkkar kake.​—Reveles̃õn 13:1, 2; 17:5-7, 15, 16.a

¹³ Chapter kein rej kwalok kin ien karreoik lañ ko, im Satan im demon ro an rar jolaltak ir ñan lal. Eñin wõt kamelele eo kin unin abañ ko jejañin kar loi moktalok jen yiõ eo 1914. (Reveles̃õn 12:7-12) Bareinwõt rej kamelele, ilo kajin in kõkkar eo, kin jeebeplok eo an jukjuk im bed eo an Satan ion lal. (Reveles̃õn 19:​19-21) Armij ro emol burueir ren kar ilbõk ke kin men kein rej walok? Jaab, bwe ilo ien kajejjete ekajet ko an Anij, jar eo elap ilañ rej lamõj: “Lomor im aibujuij im kajur rej an amuij Anij bwe remol im rewãnik ekajet ko An bwe E ar ekajet kõra ekijoñ eo elap eo e ar kakõt lõl kin an lũñ im E ar kajitõk bõtõktõkin ro dri korijeran jen pein kin irenwõne.”​—Reveles̃õn 19:1, 2.

14, 15. (a) Ewi wãwen jemlokin jukjuk im bed in enana enaj walok ilo wãnik? (b) Etke mõttan Apocalpyse in en juõn unin lañliñ ñan ro emol burueir?

¹⁴ Jehovah ejamin kadeloñtok jukjuk im bed eo ewãnik im jab jolok ro rej kokkure lal in. (Reveles̃õn 11:17, 18; 19:11-16; 20:1, 2) Bõtab, ejelok an armij ak ailiñ in politic maroñ ak kajur ñan kõtõbrak men in. Jehovah im King im Ri Ekajet eo an emwij an kãlete, Jesus Christ wõt remaroñ kõmman men in ilo wãnik.​—2 Dri Tessalonika 1:6-9.

¹⁵ Einwõt Apocalypse eo ej kwalok ilo alikar, bwe Jehovah enaj kajemlok jukjuk im bed in enana. Mol in en kar unin an maan im kõrã ro rej “buromõj im liãjlol kin men ko rekajõjõ rej walok” lañliñ kake.” (Ezekiel 9:4, New World Translation) Men in en kar kamakit ir bwe ren kile aikwij in likjerjer eo ñan bokake nan in kir eo jen enjel eo ej kwalok news eo emõn, im ba: “Mijõk Anij . . . bwe auõ in ekajet eo An e mottok, im komin kabuñ ñõn Eo e ar kõmõnmõn lõñ, im ene.” (Reveles̃õn 14:7) Jej kejatdikdik bwe armij rein ren kabuñ im karejar ñan Jehovah ibben Ri Kennan ro an, “ro rej kejbãrok kien ko an Anij” im jerbal in “kennan an Jisõs ibeir.”​—Reveles̃õn 12:17.

Iroij Eo Eaibujuij Iumin Juõn Thousand Yiõ

16. (a) Etke kabuñ ko an Christendom rar karmijeteik kejatdikdik in Ien Iroij Iumin Juõn Thousand Yiõ Ko ak Millennium? (b) Etke Ri Kennan ro an Jehovah rej tõmak enaj wõr juõn uak ñan jar eo an iroij?

¹⁶ Chapter 20 ñan 22 ilo book in Revelation ewõr bedbed in Bible eo ñan kejatdikdik kin ien Iroij eo Iumin Juõn Thousand Yiõ ak Millennium. Ijo dein wõt ilo Bible im ej kamelele kin tõre eo juõn thousand yiõ im enaj walok lok iman tõre eo mõnõnõ indio ilañ im ion lal. Kabuñ ko an Christendom rar karmijeteik kejatdikdik in Iroij eo Iumin Juõn Thousand Yiõ. Kinke katak ko an kabuñ rej ba bwe ro rewãnik renaj etal ñan lañ im ro ri nana renaj etal ñõn lal, ejelok jikin kin juõn paradise ion lal. Jar eo an Iroij, ej kajitõk bwe “ren kõmõnmõn ankil [an Anij] einwõt i lõñ, bareinwõt ion lõl,” kar luji melelen ñan enañin aolep ro uan kabuñ ko an Christendom. (Matthew 6:10, New International Version) Ak men in ejjab eindein ibben Ri Kennan ro an Jehovah. Rej lukkun tõmak bwe Jehovah Anij ear kõmanmõn lal “im jab kõmõne wan,” ak “nawãwen bwe ren jokwe ie.” (Aiseia 45:12, 18) Inem, kanan eo etto, jar eo an iroij, in kejatdikdik in apocalpyse eo kin Iroij eo iumin Juõn Thousand Yiõ rej errã ibben don. Ilo tõrein Iroij eo an iumin Juõn Thousand Yiõ, Christ enaj lale bwe ankil an Jehovah en jejjet kitien ion lal, einwõt ear kõmman eindein ilañ.

17. Ta eo ej kalikar bwe “juõn tausan yiõ ko” ej lukkun juõn bwinbwin?

¹⁷ Nan eo “tausan yiõ ko” ej walok jiljino alen ilo eon ko jiljilimjuõn ilo jinoin Revelation chapter 20. Juõn mol ej tellokin ad jelã kake bwe rej kajerbal nan in emen alen ibben nan eo juõn “eo,” ñan kwalok bwe ej lukkun juõn thousand yiõ ko, im jab juõn ien aetok bajjek, einwõt an lõñ ri news ro an Christendom kõnan bwe jen tõmak kake. Ta eo enaj walok iumin Juõn Thousand Yiõ in Iroij eo? Moktata, ilo aolepen ien eo Satan ej aikwij bõjrak ilo kõmman ko an. (Reveles̃õn 20:1-3; Keidi Dri Hibru 2:14.) Elap an emõn news in!

18. (a) Etke jemaroñ naetan Millennium ak Ien Iroij Iumin Juõn Thousand Yiõ ko einwõt “ran” in ekajet eo? (b) Ta eo enaj walok ilo jemlokin juõn thousand yiõ?

¹⁸ Ke rar lelok “ekajet ñõn” ro “re naj kiñ iben [Christ] iomin juõn tausan yiõ,” ien in ej, ilo mol, juõn “ran” in ekajet eo ej juõn thousand-yiõ aetokin. (Reveles̃õn 20:4, 6; Keidi Jerbal 17:31; 2 Piter 3:8.) Ro remij renaj jerkakbiji im, koba ibben ro rej mour im ellã jen “iñtan eo elap,” naj ekajete ir ekkar ñan jerbal ko air, ak kõmman ko, rej kõmmani ilo ien eo. (Reveles̃õn 20:12, 13) Ilo jemlokin juõn thousand yiõ ko, naj kõtlok Satan jidik wõt ien bwe en melejoñe armij ro ilo melejoñ eo eliktata im ñe emwij e, im demon ro an, im jabdewõt ri jumae ro ion lal rej lore renaj jako ñan indio. (Reveles̃õn 20:7-10) Armij ro rej ellã jen melejoñ eo naj jeje ãt ko etair im kabine ilo “buk in mour” im renaj bõk mour indio ilo mõnõnõ, im karejar im kabuñ ñan Jehovah ilo paradise eo ion lal.​—Reveles̃õn 20:14, 15; Sam Ko 37:9, 29; Aiseia 66:22, 23.

19. (a) Etke jemaroñ tõmak bwe kallimur ko raibujuij ilo book in Revelation renaj jejjet kitieir? (b) Ta eo jenaj katak kake ilo katak eo tok ilal?

¹⁹ Erkein news ko remõn book in Apocalpyse eo ej kamelele kake. Rejjab kallimur wan ko an armij. Ri jilek Jon ear je: “Eo ej jijõt ion tron eo Ej ba, Lo, Ij kõmõn men otemjej bwe ren ekãl, im Ej ba, Kwoj je: bwe nan kein retiljek im remol.” (Reveles̃õn 21:5) Ta eo jej aikwij kõmmane ñan bõk kunad ilo news kein remõn? Elõñ nan in kakabilek ko ilo book in Revelation kin ro rekõnan kabuñburuen Anij. Nan in kakabilek eo tok ilal enaj bõktok mõnõnõ eo elap ñan kij, kiõ im ñan indio, einwõt katak in tok ilal enaj kwalok e.

[Kamelele eo itulal]

Point ko ñan Eliji

◻ Ta katak ko emwij an kõlajraki ilo Revelation chapter 4 ñan 6 rej mõttan eo eaorõk ñan news eo emõn?

◻ Ta news eo emõn jemaroñ loi ilo Revelation chapter 7?

◻ Etke ro remol burueir rejjab aikwij inebata kin ennan in ekajet ko ilo Revelation?

◻ Ilo wãwen et ko Millennium ak Ien Iroij Iumin Juõn Thousand Yiõ ko renaj juõn “ran” in ekajet eo?

[Pija eo ilo peij 20]

King eo Jesus Christ enaj kõmman bwe tarinae, ñitta, im mij ren jako otem jako jen lal in