Komin Ri Konono Ro Remõnõnõ Kin Book In Revelation

“Emõnõnõ eo ej konono ilo buk in im ro rej roñjake nan ko an kũr in, im kejbãrok men ko emwij jeji ilo e.”​—REVELES̃ÕN 1:3.

1. Ilo wãwen et ko ri jilek John ear lo emake ke ear jeje Revelation, im etke ear likit vision kein ilo jeje?

“ÑA JON . . . jeõmi im dri bõk mõtõn ibemi ilo iñtan im ailiñ im kijenmij rej ilo Jisõs, I ar ber i ailiñ eo etan Patmos, kin nan in Anij im kennan an Jisõs.” (Reveles̃õn 1:9) Erkein kar wãwen ko ke ri jilek Jon ear je book in Apocalypse, ak Revelation. Emaroñ kar bed ilo kamakoko ilo Patmos ilo ien iroij eo an ri Rom eo Domitian (81-96 C.E.), eo ear iun armij ñan kabuñ ñan iroij eo an Rome im ear matõrtõre ri Christian ro. Ke ear bed ilo Patmos, Jon ear bõk elõñ vision ko im ear jei ilo letter. Ear konono kake, jab ñan kamijak ri Christian ro, ak ñan kakajur, kainemõn, im rejañ ir ñe rar jelmae melejoñ ko rar jelmaiki im ko rej bed imair.​—Jerbal 28:22; Reveles̃õn 1:4; 2:3, 9, 10, 13.

2. Etke wãwen eo John im ri Christian ro mõttan rar bed ie ej juõn men ekaitoktoklimo ñan ri Christian ro rainin?

² Wãwen ko kar walok ie ke ear jeje book in Bible in rej jerbali ñan ri Christian ro rej mour ilo ran kein. Rar matõrtõre John kinke ear juõn ri kennan an Jehovah im Nejin, Christ Jesus. E im ri Christian ro mõttan rar mour ilo ien lej kinke, ke rar kate wõt ir ñan mour jimwe, rar jab maroñ kabuñ ñan juõn armij eo ej juõn iroij. (Luk 4:8) Ilo jet ailiñ ko, ri Christian ro remol rainin rej lo ir ilo ejja wãwen eo wõt, ijo ailiñ eo ej bõk eddo eo ñan kalikar ta eo “ejimwe ilo kabuñ.” Inem, nan ko ilo book in Reveles̃õn, elap an kainemõn kij, ke ej ba: “Emõnõnõ eo ej konono ilo buk in im ro rej roñjake nan ko an kũr in im kejbãrok men ko emwij jeji ilo e bwe ebaktok ien eo.” (Reveles̃õn 1:3) Aet, ri konono ro rej liñõri im bokake Revelation remaroñ lo mõnõnõ eo emol im elõñ jerammõn ko.

3. Wõn eo ej Unjen book in Revelation eo ear lelok ñan John?

³ Wõn eo ej unjen Revelation eo, im ta ial eo ej kajerbale ñan kwalok e? Eon eo jinoin ej jiroñ kij: “Reveles̃õn jen Jisõs Kraist eo Anij e ar lelok ñõn E bwe En kwalok e ñõn ro korijeran aet men ko re naj mõkõjtok im e ar jilkinlok im bakajen e kin enjel eo An ñõn Jon korijeran.” (Reveles̃õn 1:1) Ñan kabidodo melelen nan kein, unjen Revelation ej Jehovah Anij, eo ear leloke ñan Jesus, im ikijen enjel eo Jesus ear kwaloke ñan John. Juõn etale emũlallok ej kalikar bwe Jesus ear bareinwõt kajerbale jitõb kwojarjar eo Nan kwalok ennan ko ñan congregation ko im lelok vision ko ñan John.​—Reveles̃õn 2:7, 11, 17, 29; 3:6, 13, 22; 4:2; 17:3; 21:10; keidi Jerbal 2:33.

4. Ta eo Jehovah ej kajerbale rainin ñan tel armij ro an ion lal?

⁴ Jehovah ej kajerbale wõt Nejin, eo ej “bõran eklisia,” ñan katakin ro ri karejaran ion lal. (Dri Epesõs 5:23; Aiseia 54:13; Jon 6:45) Jehovah ej kajerbale jitõb eo an bareinwõt ñan katakin armij ro an. (Jon 15:26; 1 Dri Korint 2:10) Im einwõt ke Jesus ear kajerbal ri korijeran Jon” ñan lelok ekan ko lor jitõb ñan congregation ko ilo ebeben eo kein kajuõn, eindein ilo ran kein ej kajerbal “ri karejar eo etiljek im meletlet,” ro “jatin” emwij kabit ir ion lal, ñan lelok ñan ri karejar ro an im ro mõttair “ekan ko lor jitõb ilo ien eo ejejjet.” (Matthew 24:45-47; 25:40, New World Translation) Emõnõnõ ro rej kile Unjen ‘men in letok ko remõn’ jej bõke einwõt mõñã ilo jitõb im ial eo Ej kajerbale.​—Jemes 1:17.

Congregation Ko Christ Ej Tel

5. (a) Congregation ko an Christian im overseer ro air rar einwõt ta? (b) Meñe jejjab wãppen, ta eo emaroñ kamõnõnõik kij?

⁵ Ilo chapter ko ilo jinoin book in Revelation, congregation ko an Christian rar einwõt lamp ko. Overseer ro air rar einwõt enjel ro (ri keañ ro) im iju ko. (Reveles̃õn 1:20)a Ke ear konono kin emake, Christ ear jiroñ John ñan je: “Ñõn enjel an eklisia i Epesõs, kwon jeje Eo ej drebij jiljilimjuõn iju ko ilo pein anbijmaroñõn, Eo ej etetal iolapin jiljilimjuõn jikin lamp ko gold.” (Reveles̃õn 2:1) Ennan ko jiljilimjuõn rar jilkinloki ñan congregation ko jiljilimjuõn ilo Asia rej kwalok bwe ilo ebeben eo kein kajuõn C.E., congregation ko im elder ro air rar kajur ilo jet wãwen im mõjno ilo wãwen ko jet. Ej eindein ilo ran kein bareinwõt. Inem, enaj laplok ad mõnõnõ elañe jejjab meloklok bwe Christ, eo ej Bõrad, ej bed ibwiljin congregation ko. Elukkun jelã kin ta eo ej walok iloair. Ilo kõkkar overseer ro rej bed ilo lobedin “pein anbwijmaroñõn,” melelen, iumin kajur im tel eo an im rej aikwij uak ñan e kin wãwen air shepherde congregation ko.​—Jerbal 20:28; Dri Hibru 13:17.

6. Ta eo ej kwalok bwe ejjab overseer ro wõt rej aikwij uak ñan Christ?

⁶ Bõtab, jenaj mone kij make elañe jar lemnak bwe overseer ro wõt rej aikwij uak ñan Christ kin kõmman ko air. Ilo juõn ian ennan ko an, Christ ear ba: “eklisia otemjej re naj jela bwe Ña eo ej kabukot buruen armij im lemnok ko air im I naj lewoj ñõn kom kaju iami ekar ñõn jerbal ko ami.” (Reveles̃õn 2:23) Ilo iriñ men in ej juõn nan in kakkõl im juõn nan in rejañ​—juõn nan in kakkõl bwe Christ ej jelã tu mũlalin buruõd, juõn nan in rejañ kinke ej kallimure kij bwe Christ ej jelã kin maroñ ko ad im enaj kajerammõn kij elañe jej kamaat ad maroñ.​—Mark 14:6-9; Luk 21:3, 4.

7. Ewi wãwen ri Christian ro ilo Philadelphia rar ‘drebij nan in kijenmij eo’ an Jesus?

⁷ Ennan eo an Christ ñan congregation eo ilo jikin kwelok eo Philadelphia ilo Lydia kar ejelok nan in kaje, ak ej kwalok juõn kallimur jekõnan itoklimo kake. “Bwe kw’ar drebij nan in kijenmij eo Aõ, inem I naj bareinwõt drebij yuk jen auõ in kabo eo e naj itok ion aolepen lõl, im naj melejoñ ro otemjej rej jokwe ion lõl.” (Reveles̃õn 3:10) Nan in Greek eo “drebij nan in kijenmij eo Aõ” emaroñ melelen “debij nan eo Iar ba kin kijenmij” bareinwõt. 8 eon ej kwalok bwe ri Christian ro ilo Philadelphia rar jab bokake ilo kien ko an Christ wõt ak rar lor nan in kakabilek eo an ñan tiljek bareinwõt.​—Matu 10:22; Luk 21:19.

8. (a) Ta kallimur eo Jesus ear lelok ñan ri Christian ro ilo Philadelphia? (b) Wõn eo “auõ in kabo eo’ ej melejoñe rainin?

⁸ Jesus ear ba bareinwõt bwe enaj kejbãrok ir jen “auõ in kabo eo.” Jejjab jelã kin ta kar melelen men in ñan ri Christian ro ilo ien eo. Meñe kin jidik wõt ien ekar wõr kakije jen matõrtõr eo elikin mij eo an Domitian ilo 96 C.E., bar juõn ien matõrtõr ear jinoe iumin iroij eo an Trajan (98-117 C.E.), im ejelok bere bwe ear bõktok melejoñ ko jet. Ak ien eo elap “auõ in kabo” eo ej walok ilo “ran eo an Iroij” ilo “ien jemlokin,” tõre eo jej bed ie kiõ. (Reveles̃õn 1:10; Daniel 12:4) Ri Christian ro emwij an jitõb eo kabit ir rar deloñ ilo ien melejoñ eo ilo ien eo im elikin wõt Tarinae eo an Lal kein Kajuõn. Ak, “auõ in kabo” eo ej kiõ im manlok. Ej jelet “aolepen lõl,” ekoba elõñ million ro uan jar eo elap, ro rej kejatdikdik in mour im ellã jen eñtan eo elap. (Reveles̃õn 3:10; 7:9, 14) Jenaj mõnõnõ elañe jej ‘debij nan eo Jesus ear ba kin kijenmij’: “Eo e naj kijinmij ñõn jemlokõn e naj mour.”​—Matu 24:13.

Am Mõnõnõ in Kõttaik Yuk ñan Iroij eo an Jehovah

9, 10. (a) Ilo wãwen et ko vision eo kin throne eo an Jehovah ej jelet kij? (b) Ewi wãwen ad konono book in Revelation emaroñ kamõnõnõik kij?

⁹ Vision eo kin throne eo an Jehovah im jikin ekajet eo ilañ ilo chapter 4 im 5 ren kar kalelñoñ kij ilo jimwe. Jen kar mõnõnõ kin nan in nebar ko jen buruen enjel ro rekajur ilañ ke rej kõttãik ir ilo mõnõnõ ñan iroij eo an Jehovah. (Reveles̃õn 4:8-11) Ro rej bed ibbed renaj kar roñjake an ainikied ba: “Ñõn Eo ej jijõt ion tron eo im ñõn Lam eo, en wijtak im nebar im aibujuij im kajur in drio im in drio.”​—Reveles̃õn 5:13.

¹⁰ Ilo juõn wãwen ekeie, ej melelen jej aikwij mõnõnõ in kõttãik kij ilo mõnõnõ Nan kõmanmõn ankil an Jehovah ilo men otemjej. Ri jilek Paul ear je: “Men ko jabrewõt komij kõmõnmõni, ilo nan ak ilo jerbal, komin kõmõn otemjej ilo etan Iroij Jisõs, im kamolol Anij Jemer kin E.” (Dri Kolosse 3:17) Ad konono kin book in Revelation enaj kamõnõnõik kij elañe jej lukkun kile iroij eo an Jehovah ilo lemnak ko ad im buruõd im kõmanmõn ankil an ilo wãwen otemjej in ad mour.

11, 12. (a) Ewi wãwen jukjuk im bed eo an Satan ion lal enaj makitkit im jako? (b) Ekkar ñan Revelation chapter 7, wõn ro renaj “jutak” ilo ien eo?

¹¹ Mõnõnõ in kõttãik kij ñan iroij eo an Jehovah ej bedbed in mõnõnõ eo ñan kij make im ijoko otemjej ilañ im ion lal. Mõttan jidik juõn makitkit lal elap enaj kamakit jukjuk im bed eo an Satan jen bedbed ko an im kokkure e. Enaj ejelok jabdewõt jikin kone ñan armij ro rejjab kõnan kõttãik ir ñan kien eo an Christ ilañ, eo ej jutak kin iroij eo an Anij. Kanan eo ej ba: “Kiñ ro an lõl, im iroij rõn, im kapen relap, im ro dri mweie, im ro re kajur, im dri kamakoko otemjej im dri anemkwoj otemjej r’ar tilekek iloan roñ ko im ilo dreka in tol ko. Im rej ba ñõn tol ko im ñõn dreka ko, komin buñ iom in noj kim jen mejen Eo ej jijõt ion tron eo, im jen illu an Lam eo, bwe ran elap ran in illu eo An e mottok im wõn ej maroñ in jutõk?”​—Reveles̃õn 6:12, 15-17.

¹² Kin kajitõk in, ilo chapter eo jeltokin, ri jilek John ej kalikar ro rej jar eo elap, ro rej itok jen eñtan eo elap, im rej “jutõk iman tron eo im Lam eo.” (Reveles̃õn 7:9, 14, 15) Air jutak iman throne eo an Anij ej kwalok air kile throne eo im rej kõttãik ir ñan iroij eo an Jehovah kin aolepen burueir. Inem rej jutak einwõt ro emwij air kabuñburuen.

13. (a) Enañin aolep ri jokwe ro an lal rej kabuñ ñan ta, im ta eo kakõlle eo ion deman ak pein armij ej kõkkar kake? (b) Inem etke kijenmij ej juõn men in aikwij?

¹³ Ilo tu rãjet, chapter 13 ej kalikar kin an ri lal in kabuñ ñan jukjuk im bed eo epolitic an Satan, eo me kiru awia eo ear kõkkar kake. Rej bõk kakõlle eo ion “dremair” ak “peir,” im men in ej kwalok air lelok lemnak im kanniekir ñan rejtak jukjuk im bed eo. (Reveles̃õn 13:1-8, 16, 17) Inem, chapter 14 ej kobaiklok: “Elañe jabrewõt armij ej kabuñ ñõn kiru eo, im men in e an, im bõk kakõllan eo ion dremõn ak pein, e naj irak wain in illu an Anij emwij kapoj im jab kãreike ilo kõp in illu eo An . . . Ijin kijenmij ñõn ro remõn, ro rej kejbãrok kien ko an Anij im tõmak Jisõs.” (Reveles̃õn 14:9, 10, 12) Ñe ien ej wõnmanlok, kajitõk eo enaj einwõt in: Wõn eo kwoj rejetak? Jehovah im iroij eo an ke ak jukjuk im bed in politic eo ejjab tõmak ilo Anij eo me kiru awia eo ej kõkkar kake? Emõnõnõ ro rej kejbãrok ir jen air bõk kakõllan kiru awia eo im ro rej kijenmij ilo tiljek im kõttãik ir ñan iroij eo an Jehovah.

14, 15. Ta ennan eo ej kabõjrak kamelele eo kin Armageddon, im ta melelen men in ñan kij?

¹⁴ Iroij ro “iaolepen lõl” rej bed ilo juõn ial eidaptõk, renaj jelmae Jehovah kin kajitõk eo kin wãwen iroij eo an. Ien eo ealikar enaj walok ilo Armageddon, “tõrinae eo ilo ran eo elap an Anij Eo Eutiejtata.” (Reveles̃õn 16:14, 16) Juõn nan ej walok ibwiljin nan ko rej kamelele kin aintok eo an king ro an lal ñan tarinaik Jehovah. Jesus ej kabõjrak vision eo im ba: “Lo ij iwij einwõt dri kwot. Emõnõnõ eo ej ekil im drebij nuknuk ko an, bwe en jab etetal im kelwan im rej lo an jok.” (Reveles̃õn 16:15) Nan in emaroñ jerbal ñan ri Levi ro rej lale temple eo ak rar kakelwane ir im kajook ir elañe rar kiki jen air jerbal in waj.

¹⁵ Ennan eo ej alikar: Elañe jekõnan mour im ellã jen Armageddon, jej aikwij ekkõl wõt ilo jitõb im kejbãrok nuknuk in kõkkar ko me rej kile kij einwõt ri kennan ro retiljek an Jehovah Anij. Jenaj mõnõnõ elañe jej kejbãrok kij jen ad mijki ilo jitõb im wõnmanlok wõt, im ilo kijejeto bõk kunad ñan kajededlok “gospel eo ej in drio: kin Ailiñ eo an Anij emwij an jutak.​—Reveles̃õn 14:6.

‘Emõnõnõ Eo Ej Kejbãrok Nan Kein’

16. Etke chapter in kajemlok ko an Revelation rej kamõnõnõik kij?

¹⁶ Ri konono ro remõnõnõ kin book in Revelation remaroñ lañliñ wõt ñe rej konono chapter ko reliktata rej kamelele kin kejatdikdik eo eaibujuij​—juõn lañ ekãl im juõn lal ekãl, ak, Ailiñ eo ewãnik ilañ eo ej iroij ion juõn jukjuk im bed in armij eo erreo im ekãl, bwe ir aolep ren nebar “Iroij Anij ekajur otem kajur.” (Reveles̃õn 21:22) Ke vision ko remõn rar jemlok, enjel eo ear ba ñan John: Nan kein retiljek im remol, im Iroij Anij an jitõb ro an ro dri kanan E ar jilkintok enjel eo An bwe en kwalok ñõn ro dri korijeran men ko re naj waloktok mõkõj. Im lo Ij iwij mõkõj. Emõnõnõ eo ej kejbãrok nan ko an kũr in buk in.”​—Reveles̃õn 22:6, 7.

17. (a) Ta kallimur eo Reveles̃õn 22:6 ear letoke? (b) Ta eo jej aikwij bojak im bõpraeki?

¹⁷ Ri konono ro remõnõnõ an Revelation renaj kememej bwe ejja nan ko ilo tujinoin “buk limlim” eo. (Reveles̃õn 1:1, 3) Nan kein rej kallimure kij bwe aolep “men ko” emwij kanan kake ilo book eo eliktata ilo Bible renaj “mõkõjtok.” Joñan ebak in ad bed ilo jemlokin ien in bwe mõttan jidik men ko emwij air kanan kake ilo Revelation renaj walok ilo mõkaj. Inem, jabdewõt men in kabin jukjuk im bed eo an Satan en jab karuñijñij kij. Ri konono eo ekkõl enaj kememeje nan in kakkõl ko ilo ennan ko rar jilkinlok ñan congregation ko jiljilimjuõn ilo Asia im enaj im enaj bõpraek e jen an lorak ilo aujiir in arõk mweiuk ko, kabuñ ñan ekjap, mour etton, jitõbõn jab molo im jab bwil, im jar in ri kabuñ ro rejumae.

18, 19. (a) Etke Jesus ej aikwij itok wõt, kejatdikdik et eo an John jej bõk kunad ie? (b) Nan un et eo wõt Jehovah ej aikwij “itok”?

¹⁸ Ilo book in Revelation, Jesus ej kejelã jejjo alen: “I naj iwij mõkõj ñõn kwe.” (Reveles̃õn 2:16; 3:11; 22:7, 20a) Ej aikwij itok ñan kajejjet ekajet eo ion Babylon eo Elap, jukjuk im bed in politic ko an Satan, im ion armij otemjej rejjab kõttãik ir ñan wãwen iroij eo an Jehovah, eo ej waloktok jen Ailiñ eo an Messiah. Jen kobaiklok ainikied ibben ainikien ri jilek John, eo ear ba: “Amen, Kwon itok, Iroij Jisõs.”​—Reveles̃õn 22:20b.

¹⁹ Jehovah ej make ba: “Lo Ij iwij mõkõj im aõ jinekjej ibba, bwe in lelok ñõn armij kajju iair, ekar ñõn jerbal ko an.” (Reveles̃õn 22:12) Ñe jej kõttar jinekjej eo eaibujuij ñõn mour indio einwõt mõttan “lañ eo ekãl” emwij kallimur kake ak “lal eo ekãl,” jej aikwij kijejeto wõt im kobaiklok ainikied ñõn kirtok ro otemjej emol burueir im ba: “Itok, im eo ej roñjake en ba kwon itok, im eo ej maro, en itok, eo e kõnan, en bõk dren in mour ejij wõnan.” (Reveles̃õn 22:17) Renaj erom ri konono ro remõnõnõ kin book in Revelation eo emwij kakõrmole bareinwõt!

[Kamelele eo itulal]

Point ko ñan Elij Kake

◻ Ial et eo Jehovah ear kajerbale ñan letok Revelation eo, im ta eo jemaroñ katak kake kin men in?

◻ Etke jej aikwij konono ennan ko rar jilkinloki ñan congregation ko jiljilimjuõn ilo Asia?

◻ Ewi wãwen jemaroñ kejbãrok kij ilo “auõ in kabo eo”?

◻ Mõnõnõ et eo enaj ad elañe jej bokake nan ko ilo book limlim eo ilo book in Revelation?

[Pija eo ilo peij 25]

Emõnõnõ ro rej kile Unjen news eo emõn

[Pija eo ilo peij 28]

Emõnõnõ eo ej ekkõl wõt