Kwomaroñ Lo Ke Ainemõn eo Ilo Lemnak im Jitõb?

Ilo kar 1854, ri jeje eo ilo America Henry Thoreau ear je: “Armij ro rej mour im ilo ikõñ im ber ilo air ebwer wõt.”

Alikar, ilo ran eo an enañin aolep armij rar jab lo ainemõn eo ilo lemnak im jitõb. Bõtab, men in ear walok enañin 150 yiõ ko remotlok. Wãwen ko rej oktak ke ilo ran kein? Ak nan ko an Thoreau rej ke jerbal wõt? Ak kwe? Kwoj ke ainemõn wõt? Ak kwojjab ke jokane, im jab jelã kin ran ko rej bedotok, einwõt nan ko an Thoreau ba ‘ilo ikõñ kwoj ebwer wõt’?

EKABURUMÕJMÕJ, bwe elõñ men ko ilo lal in rej kwote ainemõn eo ilo lemnak im jitõb jen armij. Jen kwalok kin jejjo iair. Ilo elõñ ailiñ ko kin an lõñ armij ejelok air jerbal im jidik wõt wõnãir wãwen kein rej bõktok jeramel im ekoba inebata kin wõnãn mour. Ilo ene ko jet elõñ armij rej kamaat air kajur ñan jibadõk mweie im mweiuk ko ilo kanniek. Bõtab, ekkã an walok bwe jitõb in aitwerõk don ej bõktok buromõj, jab ainemõn. Nañinmij, tarinae, kowadoñ, jab ekajet jimwe, im iun armij ñan kõmman juõn men nae bõklikit eo air ej kwote ainemõn jen armij bareinwõt.

Rar Bukõt Ainemõn ilo Lemnak im Jitõb

Elõñ armij rejjab rejetak wãwen ko ilo lal in. Antônioa kar juõn ri tel in jerbal eo ilo juõn factory ekilep ilo São Paulo, Brazil. Ilo kejatdikdik eo ñan kakõmõnmõnlok wãwen mour ilo jikin eo, ear bõk kunan ilo jumae im keojaljal ko, ak men in ear jab kainemõn e.

Jet rej kejatdikdik bwe mour in belele enaj bõktok juõn joñan ainemõn im jokane ilo mour eo air, ak remaroñ buromõj ñe ejjab walok. Marcos kar juõn ri business eo emõn an tõbrak. Ear bõk kunan ilo politic im erom juõn mayor ilo juõn jikin kwelok eo elõñ business ko ie. Bõtab, elap an likjap ilo family eo an. Ke ajiri ro nejin rar ilok jen mweo, e im lio belen rar jebel kinke abañ ko rar jab maroñ kamadmõdi.

Gerson, juõn armij eo ej homeless ilo Salvador, Brazil, ear kõnan bed ilo jabdewõt jikin ear lo mõnõnõ ie. Ear itoitak jen jikin kwelok eo ñan jikin kwelok eo juõn, im ear uwe ibben ri kattõr truck ko. Ejjabto ear juõn ri kadõk kin uno ko rekajur, kwot jen armij ro ñan kõllã kin wõnãn uno ko an rekajur. Elõñ alen policeman ro rar kalbuj e. Bõtab, meñe ear lej, Gerson ear kijoror kin ainemõn eo ilo lemnak im jitõb. Emaroñ kar loe ke?

Ke Vania ear dik wõt, jinen ear mij, im Vania ear bõk eddo eo ñan lale mweo, im wõnake ledik eo jatin eo ear nañinmij. Vania ear etal ñan mõn jar ak ear eñjake bwe Anij ear ilok jen e. Emol ear ejelok ainemõn ilo lemnak eo an.

Inem kar Marcelo. Marcelo ear kõnan wõt ien mõnõnõ. Ear kõnan party ibben jodikdik ro jet​—eb, idak, im bõk uno ko rekamõnõnõ. Juõn ien ear ire im mõn bar juõn jodikdik. Tokelik, ear buromõj kin ta eo ear kõmmane im jar ñan Anij bwe en jibañ e. Ear kõnan bõk ainemõn eo ilo lemnak bareinwõt.

Bwebwenato kein rej kwalok kin jet wãwen ko remaroñ kokkure ainemõn eo ilo lemnak. Kar wõr ke jabdewõt wãwen ri tel in jerbal eo, ri politic eo, leo ej homeless, ledik eo eboub kin jerbal, im likao dikdik eo ekõnan party maroñ bõk ainemõn eo ilo lemnak im jitõb? Men ko kar walok ñan ir rej katakin kij ke kin jabdewõt men? Uak eo ñan kajitõk kein ruo ej aet, ñe jenaj lale ilo katak eo tok juõn.

[Kamelele eo itulal]

[Pija ilo page 3]

Kwoj kijoror ke in bõk ainemõn eo ilo lemnak im jitõb?