Riport An Ri Keañ Ro An Ailiñ Eo
“I ar Kõnan Karejar ñan Anij”
“KOMIN diojtok jen e, armij ro Aõ.” Eñin kar juõn lamõj an enjel ri jilek John ear roñ ilo ebeben eo kein kajuõn C.E. Ilo ran kein ad million ro emol burueir emwij air uak im ko jen “Babilõn Elap,” kabuñ wan eo an ailiñ ko an lal. (Reveles̃õn 18:1-4) Ibwiljiir ej Wilner jen Haiti, eo ej kwalok kin jelã eo an.
“I ar lotak ilo 1956 ñan juõn family in Catholic emõn ilo juõn bukwon edik ilo St. Marc, Haiti. Kalmenlokjen kin lañliñ eo an family eo aõ ke rar kãlet iõ, ibben bar ruo jen bukwon eo am, ñan katak ilo juõn school in minister ilo St. Michel de l’Atalaye, Haiti. Inem, ilo 1980, rar jilkinlok kim ñan Stavelot, Belgium, ñan bar katak. Ijin kim ar bareinwõt katak ilo juõn Catholic University.
“Ilo jinoin ear wõr aõ itoklimo in deloñ ilo jerbal in priest. Juõn ran ilo room in mõñã in raelep eo, priest eo ear bõk eddon kumi eo am ear kajitõk ibba bwe in bed wõt iumin jejjo wõt minute kinke ewõr juõn men eo ear kõnan jiroñ iõ kake. Kalmenlokjen kin an lokjen aõ ke ear keañ bwe ear reel ibba ñan mour in emaan ibben don! I ar kajekdon wõnmantak ko an ak I ar kanuij inebata. I ar jeje ñan family eo aõ kin wãwen eo ear walok im I ar ilok jen school eo jejjo alliñ ko tokelik, meñe rar jab mõnõnõ. I ar lo jikin jokwe ilo bukwon eo im jibadõk katak ko ilo bar juõn jerbal in kabel.
“Ke I ar jeblaklok ñan St. Marc, ejako aõ liki jabdewõt ilo Kabuñ in Catholic eo. Bõtab, I ar kõnan karejar ñan Anij, ak I ar jab jelã ta eo in kõmmane. I ar ilok ñan kabuñ eo an Adventist, kabuñ eo an Baptist. Rar lo ilo 1886 ilo United States im rar kalaplok jimwe ko an ri kilmej meñe ear wõr kien ko ñan kajenolok, im kabuñ in Mormon. I ar belok ilo mour in jitõb.
“Inem I ar kememej bwe ke I ar bed ilo school in minister eo ilo Belgium, Ikin read Bible in Crampon. I ar lo ie bwe Anij ewõr juõn etan. Inem ilo aõ kajerbal ãt eo etan I ar jar ilo kijejeto ñan Anij ñan jibañ iõ lo kabuñ eo emol.
“Ejjabto tokelik, ruo ian Ri Kennan ro an Jehovah rar emmakit tok im ebak ñan ijo jikiõ. Rar jab keroro, rar kautiej armij. I ar bwilõñ kin wãwen air mour. Juõn ran, juõn ian Ri Kennan ro ruo, ear kir iõ ñan bed ilo kwojkwoj in Kememej mij eo an Christ yiõ otemjej. I ar lukkun lañliñ kin kwelok eo im errã ñan juõn katak Bible ibben Ri Kennan ro. Ilo enañin jiljino wõt alliñ, I ar oktak im tõmak bwe emwij aõ lo ial eo ejimwe ñan karejar ñan Anij. I ar wujleplok mour eo aõ ñan Jehovah im baptais ilo November 20, 1988.”
Tokelik, Wilner ear bõk jerbal in full-time. Rainin, ej jerbal einwõt juõn congregation elder. E im lio belen, koba ajiri ro ruo nejiir, rej karejar ilo lañliñ ilo congregation eo.
[Pija eo ilo peij 19]
Ikijen an read Bible, Wilner ear lo bwe etan Anij ej Jehovah