Report Eo An Ri Keañ Ro An Ailiñ Eo
Tokjen ko Rekamõnõnõ Rej Itok Jen Meanwõd im Kijenmij
JESUS CHRIST ear kanan bwe ilo ran ko eliktata “yokwe an elõñ e naj mololok.” Tokjen men in, ilo elõñ mõttan ko ilo lal in rainin, armij ejelok air itoklimo ilo news eo emõn kin Ailiñ eo. Jet rej bareinwõt kijirãte kabuñ ko.—Matu 24:12, 14.
Meñe eindein, kin tõmak im meanwõd, ri kwalok ro kin Ailiñ eo rej lo tõbrak ke rej iione aitwerõk in, einwõt experience in jen Czech Republic ej kwalok kake.
Ruo Ri Kennan ro rar konono ñan juõn kõrã jen nabõjin juõn kejam ekiilek. Ejjabto, jidik wõt an kar bellok kejam eo, juõn pã ear walok im bõk Watchtower im Awake! magazine ko me Ri Kennan ro rar kwaloki. Juõn ainikien ear ba “komoltata,” im kejam eo ear kiilek. “Jej aikwij ke bar jeblak tok?” Ri Kennan ro rar lemnak. Juõn iair, juõn pioneer, ak juõn ri jerbal full-time, ear bebe ñan bar jeblak, ak ejja men eo wõt ear walok, im men in ear wõnmanlok iumin juõn yiõ.
Pioneer eo ear bebe bwe ej aikwij ukõt wãwen an kebak kõrã eo, im ear jar ñan Jehovah kin jibañ. Trip eo tok juõn ke ear lelok magazine ko, ear kajitõk ibben kõrã eo: “Ej et am mour? E emõn ke magazine ko?” Ilo jinoin, ear ejelok uak, ak elikin an bar jeblak elõñ alen, kõrã eo ear mãnãnlok. Juõn ien ear lukkun kabellok kejam eo, ak ear kadu bwebwenato eo.
Ilo an lemnak kin an kõrã eo abwin konono ilo kejam eo, pioneer eo ear bebe ñan je juõn letter ñan kamelele kin unin an lolok e im ñan tilmaake juõn katak kin Bible. Eliktata, elikin an kijenmij ilo meanwõd im lolok e iumin juõn im jimettan yiõ, pioneer eo ear lo tõbrak ke ear ijjino juõn Bible study ibben kõrã eo. Ear bwilõñ im bõk kõketak ke kõrã eo ear jiroñ e tokelik: “Iar tõmak ilo Anij jen ien eo kwar bõktok magazine ko.”
Emol, meanwõd im kijenmij remaroñ bõktok tokjen ko rekamõnõnõ ilo jerbal in kwalok nan kin Ailiñ eo im kõmman ri kalor ro.—Matu 28:19, 20.