Ta Eo Jesus Ear Katakin

Kin Anij eo Emol

Ewõr ke etan Anij?

Jesus ear katakin ro jet bwe ewõr juõn etan Anij. Jesus ear ba: “Inem en wãwen drein ami jar. Jememuij i lõñ, En kwojarjar Etõm.” (Matu 6:9) Bible eo ej kwalok bwe etan Anij ej Jehovah. (Sam 83:​18) Ke ear konono kin ri kalor ro an, Jesus ear ba ilo jar eo an ñan Jemen: “I ar kwalok etõm ñõn ir.”​​—Jon 17:26.

Wõn in Jehovah?

Jesus ear naetan Jehovah “juõn wõt Anij emol” kinke Jehovah ej Ri Kõmanman eo. (Jon 17:3) Jesus ear ba: “Kom ar jab konono ilo buk, Eo e ar kõmõn ir ke ejino, E ar kõmõn ir man im kõra?” (Matu 19:4) Jesus ear bareinwõt ba: “Anij e Jitõb.” (Jon 4:​24) Kin men in jejjab maroñ lo Anij.​​—Exodus 33:​17-​20.

Ta eo Anij ekõnan jen kij?

Ke juõn ear kajitõk ibben Jesus ta kien eo elaptata, ear uak: “Kien elaptata, Komin roñjake, O Israel, Iroij ar Anij, Iroij ej juõn wõt: Im kwon yokwe Iroij am Anij kin aolepen buruõm, im kin aolepen am, im kin aolepen am lolãtãt, im kin aolepen am kajur. Im e in ken ka ruo Kwon yokwe dri turõm im einwõt kwe.”​​—Mark 12:​28-​31.

Ewi wãwen jemaroñ kwalok bwe jej yokwe Anij?

Jesus ear ba: “Ña Ij yokwe Jema.” Ewi wãwen ear kwalok an yokwe? “Einwõt Jema e ar letok kien ñõn Iõ,” ear ba, “ein drein Ij kõmõn.” (Jon 14:​31) Ear bareinwõt ba: “Ien otemjej Ij kõmõn men ko rej kabuñburuen.” (Jon 8:​29) Jemaroñ kabuñburuen Anij ikijen ad katak kin e. Ilo ien eo ej jar kin ri kalor ro an, Jesus ear ba: “Im men in mour in drio, bwe ren jela Kwe juõn wõt Anij emol.”​​—Jon 17:3; 1 Timote 2:4.

Ewi wãwen jemaroñ katak kin Anij?

Juõn wãwen ñan jelã kin Anij ej ikijen ad katak kin men ko ear kõmanmani. Ñan wanjoñok, Jesus ear ba: “Komin kalimjeke bao ko i mejatoto, bwe re jab jeor ak marmir ak aini na iloan imõn ekõn, im Jememiuij i lõñ Ej najirik ir. Kom jab aurõk jen ir ke?” Ta point eo an Jesus ijin? Jen jab kõtlok bwe inebata ko kin aikwij ko ad make ilo kanniek ren kabõjrak kij jen ad karejar ñan Anij.​​—Matu 6:​26-​33.

Wãwen eo emõntata ñan jelã kajjen Jehovah ej ikijen ad katak Nan eo an, Bible eo. Jesus ear naetan Jeje ko ilo Bible eo “nan in Anij.” (Luk 8:​21) Jesus ear ba ñan Anij: “Am in nan mol eo.”​​—Jon 17:17; 2 Piter 1:​20, 21.

Jesus ear jibañ armij ro ñan katak mol eo kin Jehovah. Juõn ian ri kalor ro an Jesus ear ba kin e im ba: “Buruer e jab bwil iloar ke E ar konono ñõn kij ilo ial eo, im ke E ar kemeleleik Jeje ko ñõn kijro ke?” (Luk 24:​32) Ñan katak kin Anij, jej aikwij ettã buru, im mõnõnõ in katak. Jesus ear ba: “Elañe kom jab oktõk im erom einwõt ajiri redrik, kom jamin dreloñ ilo ailiñ in lõñ.”​​—Matu 18:3.

Etke jelãlokjen kin Anij ej bõktok mõnõnõ?

Anij ej kabwe aikwij eo ad ñan melele ta unin ñan mour. Jesus ear ba: “Emõnõnõ ro rejelã ke rej aikwiji men ko an Jitõb.” (Matthew 5:3) Jehovah ej katakin kij kin mour eo emõntata. “Elaplok an mõnõnõ ro rej eoroñ nan in Anij, im kejbãrok e,” Jesus ej ba.​​—Luk 11:28; Aiseia 11:9.

Ñan bõk kamelele ko jet, lale katak 3 ilo book eo Jelãlokjen Eo Ej Tellok ñan Mour Indio*

[Kamelele eo itulal]

Jeje in Ri Kennan ro an Jehovah.

[Pija eo ilo peij 30]

“I ar kwalok etõm ñõn ir.”​—Jon 17:26

[Pija ko ilo peij 30, 31]

Jemaroñ katak kin Jehovah jen menin kõmanman ko im jen Bible eo