Watchtower ONLINE L̦ÃIBRÃRE
Watchtower
ONLINE L̦ÃIBRÃRE
Kajin M̦ajel̦
O̦
  • N̦
  • n̦
  • M̦
  • m̦
  • L̦
  • l̦
  • O̦
  • o̦
  • BAIBÕL̦
  • BOK IM KEIN KATAK
  • KWEILO̦K KO
  • w08 10/1 p. 24-25
  • Samuel Ear Wõnmanlok Wõt im Kõmõni Men Ko Remõn

Ejjañin wõr pija in ilo tõre in.

Jol̦o̦k bõd, ewõr juon problem ej kõm̦m̦an an jab jo̦ pija in.

  • Samuel Ear Wõnmanlok Wõt im Kõmõni Men Ko Remõn
  • Imõniaroñroñ Ej Kwalok kin Ailiñ eo an Jeova—2008
  • Katak ko Jet
  • Samuel Ear Kõm̦m̦ane Wõt Men eo Ejim̦we
    Katakin Ajri Ro Nejũm̦
  • Juõn Ladrik Erik Ej Jerbal Ñõn Anij
    Aõ Buk in Bwebwenato Ko Jen Baibel
  • “Ear Rũttol̦o̦k ilo An Jerbal” ñan Jeova
    Kajjioñe Tõmak eo Aer
  • Ear “Ridtolok Iman Jeova”
    Imõniaroñroñ Ej Kwalok kin Ailiñ eo an Jeova—2011
Ebar Wõr
Imõniaroñroñ Ej Kwalok kin Ailiñ eo an Jeova—2008
w08 10/1 p. 24-25

Katakin Ajiri Ro Nejõm

Samuel Ear Wõnmanlok Wõt im Kõmõni Men Ko Remõn

KWO nañin lo ke men ko renana armij ro rej kõmõni?​—a Samuel ear loe. Ear jokwe ilo juõn jikin me juõn eban kõtõmene bwe men ko renana renaj walok. Jikin in kar imõn kaber eo an Anij ak jikin eo armij rej kabuñ ie, ilo jikin kwelok eo etan Shailo. Jen lale ewi wãwen Samuel ear jino im jerbal ilo imõn kaber eo enañin 3,000 yiõ ko remotlok.

Moktalok jen an kar Samuel lotak, jinen etan Hanna, ear lukkun kõnan bwe en or nejin. Ke ear lolok imõn kaber eo, Hanna ear jar ñõn Anij kin men in. Joñõn an lap an inebata kake men in ear jar ñõn Jeova ilo ejelok ainiken ak tien wõt ear makõtkit. Men in ear kõmõn an Pris eo elap, Eli, lemnok bwe e kadõk. Bõtab ke ej kab jela bwe unin lio ej eindeo, ej kinke einebata im ejjab kadõk, inem Eli ear kejerammõn e, ilo an ba: “Anij in Israel en lewoj men in kajitõk eo kwar kajitõk iben.”​—1 Samuel 1:​17.

Tokelik, Samuel ear lotak, im joñõn an kar Hanna lukkun mõnõnõ bwe ear jiroñ leo belen etan Elkena: ‘Ilo ien eo enaj bwijrõk an likitit, inaj ãñinlok e ñõn imõn kaber eo bwe en korijer ñõn Anij ijo.’ Im eñin men eo ear kõmõne. Ilo ien in, bwelen Samuel emaroñ emen ak lailim yiõ ridtõn.

Eli ear bwijwõlã, im ladik ro nejin, Hopnai im Pinehas rar jab korijer ñõn Jeova ilo jime. Rar lũñ iben kõra ro ke rar lolok imõn kaber eo! Ewi wãwen am lemnok, ta eo jemeir en kar aikwij in kõmõne?​— Aet, en kar aikwij in kajeik ir im jab kõtlok air kõmõni men ko renana.

Ladrik eo Samuel ear ridtolok ilo imõn kaber eo im ejelok bere bwe ear jela kin men ko renana ro nejin Eli rar kõmõni. Samuel ear anõk ke joñok ko air renana?​— Jaab, ear kate wõt e bwe en kõmõni men ko remõn, ilo wãwen eo jemen im jinen rar katakin e. Eñin unin Jeova ear illu iben Eli. Ear jilkinlok dri kanan eo an ñõn kejelãik Eli bwe enaj kaje baamle eo an, elaptata lõmaro nejin renana.​—1 Samuel 2:​22-​36.

Samuel ear wõnmanlok im jerbal iben Eli ilo imõn kaber eo. Tokelik ke Samuel ear kiki juõn boñ, juõn ainiken ear kir e. Inem, Samuel ear ettõrlok ñõn iben Eli, ak Eli ear ba bwe ear jab kir e. Inem, elikin an bar kir e ien eo kein ka jilu, Eli ear jiroñ Samuel bwe en ba: “Kwon konono, bwe korijerõm ej roñ.” Ke Samuel ear ba nan kein, Jeova ear konono iben. Kwo jela ke ta eo Jeova ear jiroñ Samuel kake?​—

Anij ear kwalok ñõn Samuel karõk eo an ñõn kajeik baamle eo an Eli. Ilo jiboñ in ran eo juõn Samuel ear mijõk in ba ñõn Eli kin men ko Jeova ear jiroñ e. Ak Eli ear akwelap ñõn Samuel ilo an ba: “Kwon jab noje jen ña.” Inem, Samuel ear kwalok ñõn Eli aolep men ko Jeova ear ba bwe enaj kõmõni, einwõt dri kanan eo an Jeova ear kwalok ñõn Eli mokta. Eli ear uak: “Ej Jeova, En kõmõn men eo emõn iben.” Tokelik, Hopnai im Pinehas rar mij, im bareinwõt Eli ear mij.​—1 Samuel 3:​1-​18.

Ejjabto tokelik, “Samuel ej ridtolok, im Jeova ej ber iben.” Ilo ien in, bwelen Samuel ear juõn jodikdik wõt, ej juõn ien eaurõk ilo mour an aolep jodikdik ro. Kwoj lemnok ke bwe ear biruru iben Samuel ñõn kõmõni men ko remõn meñe ro jet ibelakin rar jab?​— Meñe ear jab biruru iben ak Samuel ear korijer wõt ñõn Jeova ilo tiljek mae ien ear mij.​—1 Samuel 3:​19-​21.

Ak kwe? Kwonaj einwõt Samuel ke, ñe kwonaj rittolok? Kwonaj drebij ke am kõmõni men ko remõn im jime? Kwonaj wõnmanlok ñõn bokake ke katak ko ilo Baibel im lor men ko jemõm im jinõm rej jiroñ yuk kaki? Elañe aet, kwonaj kamõnõnõik Jeova im jemõm im jinõm jimor.

[Kamelele Eo Itulal]

a Elañe kwoj riit kiõ iben ajiri eo nejõm, kakõle in (—) ej juõn menin kakememej ñõn bwijrõk im bõkmantak kajitõk eo iben.

Kajitõk Ko:

○ Ewi wãwen Samuel ear jino korijer ñõn Jeova ilo imõn kaber eo?

○ Kain aituerõk rot ko Samuel ear jelmae ijo?

○ Joñok rot eo Samuel ear likit ñõn jodikdik ro rainin?

    Bok im Kein Katak ilo Kajin M̦ajel̦ (1983-2026)
    Log Out
    Log In
    • Kajin M̦ajel̦
    • Share
    • Preferences
    • Copyright © 2025 Watch Tower Bible and Tract Society of Pennsylvania
    • Kilen Kõjerbale
    • Privacy Policy
    • Privacy Settings
    • JW.ORG
    • Log In
    Share