Ta eo Baibõl̦ Ej Ba?
Ta in Aelõñ eo an Anij?
JET ARMEJ REJ TÕMAK bwe ej kõkkar kõn an Anij tõl ilo bũruon kajjojo armej; ro jet rej l̦õmn̦ak bwe Aelõñ eo an Anij ej mel̦el̦ein lañ. Ta l̦õmn̦ak eo am̦?
EKKAR ÑAN BAIBÕL̦
“Anij in lañ enaaj kajutak juon aelõñ eo eban jako indeeo. . . . Enaaj kapedakilkil im ko̦kkure aolep aelõñ kein.” (Daniel 2:44) Aelõñ eo an Anij ej kien eo an Anij.
TA MEN KO JET BAIBÕL̦ EJ BA?
Aelõñ eo an Anij ej pãd ilañ im ej tõl jãn lañ.—Matu 10:7; Luk 10:9.
Anij ej kõjerbal Aelõñ ak kien in an ñan kajejjet ankilaan ilañ im ijin ioon lal̦.—Matu 6:10.
Ñããt eo Aelõñ eo an Anij enaaj itok?
TA L̦ÕMN̦AK EO AM̦?
Ejjel̦o̦k juon ejel̦ã
M̦õttan jidik
Eban
EKKAR ÑAN BAIBÕL̦
“Naaj kwal̦o̦k gospel in an aelõñ in lañ iaolepen lal̦ kõn menin kõnnaan ñan aelõñ otemjel̦o̦k, ilo iien eo enaaj itok jem̦l̦o̦kin.” (Matu 24:14) Ñe gospel eo ak ennaan eo em̦m̦an epãdjake aolepen lal̦ in, Aelõñ eo an Anij enaaj itok im jol̦o̦k jukjukun pãd in enana.
TA MEN KO JET BAIBÕL̦ EJ BA?
Ejjel̦o̦k juon ilo lal̦ in ejel̦ã raan eo Aelõñ eo an Anij enaaj itok.—Matu 24:36.
Kanaan ko ilo Baibõl̦ rej kwal̦o̦k bwe m̦õttan jidik Aelõñ eo an Anij enaaj itok.—Matu 24:3, 7, 12.