“Ro Ettã Bũrueer Renaaj Jolõt Ãneo”
Enañin kõj aolep em̦õj ad lo an wal̦o̦k wãween ko relukkuun nana im an ro ejjel̦o̦k rueer eñtaan jãn rinana ro. En jem̦l̦o̦k ke an wõr jab ekajet jim̦we im an wal̦o̦k men ko renana?
Bokin Sam 37 jebta ej letok juon uwaak em̦m̦an im bareinwõt naanin tõl ko kõn ta eo jej aikuj kõm̦m̦ane kiiõ. Jouj im lale ta eo Baibõl̦ ej kwal̦o̦k ñan uwaaki kajjitõk kein.
Ta eo jen kõm̦m̦ane ñe ro jet rej kõm̦m̦ani men ko renana ñan kaeñtaan kõj?—Eoon 1, 2.
Ta eo enaaj wal̦o̦k ñan ro renana?—Eoon 10.
Ta ilju im jekl̦aj eo an ro rej kõm̦m̦ani men ko rem̦m̦an?—Eoon 11, 29.
Ta eo jej aikuj in kõm̦m̦ane kiiõ?—Eoon 34, UBS.
Elukkuun alikkar an eoon kein ilo bokin Sam 37 jitõñl̦o̦k ñan juon mour ilju im jekl̦aj ñan ro rej “kõjatdikdik ilo Irooj [Jeova] im pokake kien ko an.” Ri Kõnnaan ro an Jeova renaaj lukkuun m̦õn̦õn̦õ in katak Baibõl̦ ippam̦ im jipañ eok ñan am̦ jel̦ã ta eo kwõn kõm̦m̦ane bwe kwe im baam̦le eo am̦ kom̦win maroñ mour indeeo ilju im jekl̦aj.