Kwõmaroñ Kããlõt Ilju im Jekl̦aj eo Am̦

Enañin 3,500 iiõ ko remoottok, Jeova Anij ekar jiroñ armej ro rar kabuñ ñane kõn ta eo rar aikuj kõm̦m̦ane bwe ren lo juon ilju im jekl̦aj em̦m̦an: “Em̦õj aõ kwal̦o̦k ñan eok mour im mej, kõjeraam̦m̦an im kõjerata. Innem kwõn kããlõt mour bwe kwõn mour wõt, kwe im ro ineõm̦.”—Duteronomi 30:19.

Bwe armej rein ren lo juon ilju im jekl̦aj em̦m̦an, rar aikuj kããlõt pepe eo ejim̦we. Rainin, jej bar jelm̦ae ejja kããlõt kein wõt. Baibõl̦ eo ej kõmel̦el̦eik ewi wãween jemaroñ kããlõt juon ilju im jekl̦aj em̦m̦an ilo an ba: “Kwõn yokwe Jeova am̦ Anij, [ilo am̦] pokake ainikien.”​—Duteronomi 30:20.

EWI WÃWEEN AD MAROÑ YOKWE JEOVA IM POKAKE AINIKIEN?

KATAK JÃN BAIBÕL̦ EO: Ñan yokwe Jeova kwõj aikuj m̦oktata katak kõn e jãn Baibõl̦ eo. Ilo am̦ kõm̦m̦ane men in, kwõnaaj lo bwe ej juon Anij el̦ap an yokwe im ekõn̦aan men ko rem̦m̦antata ñan kwe. Ej kũrtok eok ñan am̦ jar ñane ‘kõnke ej kaorõk kwe.’ (1 Piter 5:7) Baibõl̦ eo ej kallim̦ur bwe ñe kwõj kate eok ñan am̦ epaakel̦o̦k Anij, ‘enaaj epaakewaj kwe.’—Jemes 4:8.

JERBALE MEN KO KWÕJ KATAK KAKI: Roñjake Anij ej mel̦el̦ein l̦oore naanin tõl ko an remãlõtlõt ilo Baibõl̦ eo. Ñe kwõj kõm̦m̦ane men in “kwõnaaj kõm̦m̦an bwe en em̦m̦an ial̦ eo am̦, im kwõnaaj jeraam̦m̦an.”​—Joshua 1:8.