Kõmmõn Bible Study ko Me Rej Wõnmanlok
1 Ta eo juõn nurse ilo Tanzania, juõn jodikdik ilo Argentina, juõn jinen ilo Latvia ear wor ibbeir aolep? 1997 Yearbook eo (pp. 8, 46, im 56) ej report bwe irjil rar kõmmõn wõnmanlok ilo mõkaj ilo air katak Bible, kamolol kin mõnõnõ eo air ñõn katak elõñlok jen juõn alen ilo juõn week. Kar rejañ kij bwe ñe emaroñ, ri kwalok ro ren kajeoñ in kadedelok air katak juõn katak ilo book eo ilo kajjojo ien air katak. Bõtab, jet rej lo bwe ebin air kõmmõne. Meñe elap ej atartar ion maroñ eo im wãwen ko an kajjojo ri katak, ri kaki ro ewor air iminene rar lo tõbrak ilo air kajerbale nan in rejan kein tok.
2 Ej juõn men in aikwij ñõn kaminene ri katak ro am ñõn kabojak ñõn katak eo. Ilo jinoin, emõn ñõn kamelele im kwalok kilen air kõmmõne. Kwalok ñõn ir copy eo am kin book eo Mour Indrio. Keboje katak eo kein kajuõn ibben don. Jibañ ri katak eo ñõn lo nan ko relap me rej uak kajitõk eo ilo kajju inem kakkõleiki. Jet ri kwalok ro rar lelok ñõn ri katak ro air juõn highlighting maker (juõn pen in kakkõle) ñõn kajerbale. Rejañ ir ñõn bukõt im read aolep eon ko ñe rej kaboje katak eo. Ilo air kõmmõne men in, kwonaj bareinwõt kamineneik ir ñõn kabojak ñõn Congregation Book Study im Katak in Imõniaroñroñ eo.—Luke 6:40.
3 Juõn ri kaki emõn enaj rejañ ri katak eo ñõn uak im jab e wõt ej konono. Ejjab mad kin point ko redik. Ejeja an bõkmantak katak ko jen book ko jet. Ijellokin men in, ej kalikar point ko relap ilo katak eo. Jet rar lelok ñõn ri katak ro book ko jet ñõn jibañ ir lo uak ko ñõn kajitõk ko air. Bareinwõt, ro rej itoklimo renaj bõk melele ko jet ikijen air bed ilo kwelok ko an congregation eo.
4 Emaroñ jab juõn men in aikwij ñõn bukõt aolep eon ko ededelok air jei ilo katak eo. Jet point ko relap remaroñ kameleleik jen nan ko emwij kwaloki ilo paragraph eo. Ilo ien elij, kalikar eon ko relap me kar etali im rejañ ri katak eo ñõn kememeji.
5 En Ewi Aetokin Kajjojo Ien Katak?: Ien katak eo ejjab aikwij in wõt ñõn juõn awa. Jet ri katak ro ewor air ien im remaroñ kõnan bwe ien katak eo en aetoklok. Ak ri katak eo emaroñ kõnan katak elõñlok jen juõn alen ilo juõn week. Men in enaj wor tokjen ñõn ro remaroñ kõmmõn eindein.
6 Einwõt Isaiah 60:8 ej kwaloke, rainin elõñ buki thousand ri nebar ro rekãl an Jehovah rej “kãki einwõt juõn kõro, im einwõt muli ko ñõn windo ko air” ilo congregation ko an armij ro an. Jen aolep kõmmõn ijo kwunad ñõn jerbal ebak ibben Jehovah ñe ej kamõkajlok an aini ro rej einwõt sheep.—Ais. 60:22.