Box In Kajitõk

◼ Ta eo jemaroñ kõmmõne ñõn jibañ kakõmõnmõnlok an keie kwelok ko ad?

Jet remaroñ eñjake bwe elder ro im ministerial servant ro wõt rej bõk eddon tõbrak ko kin kwelok ko an congregation eo kinke rej tel im kõmmõne enañin aolep mõttan ko. Emol, kij aolep kajjojo emaroñ wor kwunad ñõn kõmmõn bwe en kaitoktoklimo im wor tokjen kwelok ko. Jemaroñ jibañ ñõn kõmmõn bwe en bo lok lemen kwelok ko ilo wãwen kein joñoul:

Kabojak lok iman. Ñe ej emõn ad kabojak, kwelok ko renaj kaitoktoklimoid. Ñe kij aolep jej kõmmõne men in, kwelok ko renaj laplok an emourur im kõketak. Keini am bed ilo kwelok ko. Ñe elõñ rej kwelok enaj laplok an kõketak ro rej bed, im kakajurlok kamolol kin aorõkin ad bed ilo kwelok ko. Mõkajlok am itok. Elañe jej jijet mokta jen ej jino program eo, jemaroñ koba ilo al in kabellok eo im jar im ilo wãwen in bõk tokjen eo elaptata jen kwelok eo. Kwon lukkun bojak ñe kwoj itok. Ilo ad bõktok Bible eo ad im book ko jet jej kajerbali ilo kwelok ko, jenaj maroñ lor ir im enaj emõnlok ad melele kin ta eo rej konono kake. Bõprae men in kamad ko. Enaj emõnlok ad roñjake ñe jej jijet iman. Unojidikdik im emakijkij ad etal ñõn mõn kabojak eo emaroñ kõmmõn bwe kij im ro jet en jako ad kalmenlokjen. Kwon juõn eo ej bõk kwunan. Ñe elõñlok iad jej kajutak peid im uak, elõñlok armij ro rej bõk rejañ im kõketak jen nan in tõmak ko. Uak ilo tu-kadu. Men in ej kõmmõn bwe elõñ armij ren maroñ bõk kwunair. Jej aikwij kõmmõn bwe uak ko ad rekadu ren ekkar ñõn men eo jej katak kake. Kajejjet assignment ko. Einwõt ri school ro ilo Theocratic Ministry School ak einwõt ro rej bõk kwunair ilo Service Meeting, en emõn am kebojak, kamelmel lok iman, im kate yuk bwe kwon jab cancel. Nebar ro kar wor kwunair. Jiroñ ro jet kin ewi joñan kwoj kamolol kin jibadbad ko air. Men in enaj kõketak ir im kamakit ir ñõn kõmmõn bwe en emõnlok kwunair ilo ien in tok. Kõketak don. Yokyokwe ko rejoij im bwebwenato ko rej kõketak mokta im elikin kwelok ko rej kalaplok lõñliñ im tokjen ko jej bõke jen ad bed ilo kwelok ko.