Enaj Wõr ke Juõn Alliñ Ekabwilõñlõñ an Wõr Tõbrak?
1 Yiõ eo 1963 kar juõn yiõ ekabwilõñlõñ an wõr tõbrak ñan armij ro an Jehovah. Kwo jelã ke taunin? Kar ien eo ke oran ri kwalok ro ibelakin lal kar tõbar juõn million. Elañe kwar bed ilo mol eo ilo ien eo, kwomaroñ kememej ewi joñan ad kar mõnõnõ bwe elõñ rar bõk kunair ñan kwalok ennan in Ailiñ eo! Ñan kwalok kin ewi joñan jerbal in kwalok nan ear wõnmanlok, United States eo wõt ear kõmman juõn mejenkajjik ñan kõtõbrak juõn laplok kin juõn million ri kwalok ro.
2 Bõk Aitwerõk eo: Ijin ilo Micronesia jej kate wõt kij ñan kõtõbar mejenkajjik eo ad kin 1,300 ri kwalok ro. Elañe jibadbad ko ad renaj tõbrak wõt, emol enaj wõr juõn alliñ ekabwilõñlõñ an wõr tõbrak! Jemaroñ kõmman men in elañe kij aolep jej kõmman ijo kunad.
3 Jenaj boub in bed ilo district convention eo ilo juõn weekend ilo September, inem kõmman bwe en wõr ien am kwalok nan ilo jinoin alliñ in. Im ñe kwoj etal ñan convention eo bõk jet tract ko, brochure ko, ak magazine ko ibbam bwe kwon maroñ kwalok nan ñan armij ro kwoj iion ir ilo ial eo am.
4 Elañe ej jorrãn enbwinõm, emaroñ wõr wõt kunam ilo jerbal in kwalok nan. Kwomaroñ kwalok nan ñan doctor ro, nurse ro, ak ri lotok ro. Bõlen kwomaroñ kwalok nan ilo am jeje letter ko ak ilo am kajerbal telephone.
5 Ejelok bere jet renaj kamolol air bõk jibañ bwe ren maroñ bõk kunair ilo jerbal in kwalok nan ilo August. Elder ro, ministerial servant ro, im ro rej tel ilo katak ko ren kõmman karõk ñan lelok jibañ. Ilo ejelok likjap, jab meloklok in kadeloñ report in kwalok nan eo am ilo mõkaj ilo jemlokin alliñ eo bwe ren maroñ bwini yuk einwõt juõn ri kwalok nan ilo September.
6 Kaorõk Jerammõn eo: Jerbal in kwalok nan ej juõn “men eo emõn.” (2 Tim. 1:14) Jej kamolol kin jerammõn eo ewõr ibbed ñan kwalok nan kin news eo emõn. (1 Tes. 2:4) Ñe jej lemnak kin aolep men ko Jehovah ear kõmmani ñan kij, en kar kamakit kij ñan wõnmanlok im bõk kunad ilo jerbal in eaorõk ilo aolepen yiõ eo. En ejelok juõn men en kabañ kij jen ad keini ad kwalok nan. Jen kõmman bwe September in en juõn alliñ ekabwilõñlõñ an wõr tõbrak ilo jerbal eo an Jehovah im bebe ñan kwalok nan kin e kajjojo alliñ jen ien eo!—Sam 34:1.