Kwoj Keini ke Am Keañ kin Ailiñ eo?
1 Kij aolep jaar lañliñ in jelã bwe United States ear tõbar juõn laplok in 1,040,283 ri kwalok ro ilo August 1998. Emol ekar juõn tõbrak elap rar kõtõbrake ibben don! Alikar ilo alliñ ko tokelik, jet ri kwalok ro rar lo an bin air keini air keañ kin Ailiñ eo, bwe average in ri kwalok ro ilo kajjojo alliñ kar 940,000 jen ien eo. Men in ej kalikar bwe 1 ri kwalok jen 12 ear jab bõk kunan ilo jerbal in kwalok nan kajjojo alliñ. Kimij kejatdikdik bwe nan in rejañ in tok enaj jibañ kamadmõde wãwen eo.
2 Kamolol kin Jerammõn eo: En mũlal kamolol eo ad kin jerammõn eo ebed ibbed ñan jaketo-jaketak news eo emõn kin Ailiñ eo ibben ro jet. Jerbal in ej kamõnõnõik buruen Jehovah im ej jibañ ro emol burueir ñan katak kin ial eo ñan mour. (Ken. 27:11; 1 Tim. 4:16) Keini ad kwalok nan ej kalaplok iminene eo ad ilo jerbal in kwalok nan im ej walok ilo juõn eñjake in lañliñ im ewõr tõbrak.
3 Report kin Jerbal eo: Jet ro rar kwalok nan rar likjap in kadeloñ report in kwalok nan eo air ilo mõkaj. Jen jab bõk juõn eñjake bwe jibadbad ko ad ejelok tokjen report e. (Keidi Mark 12:41-44.) Ilo mol, jej aikwij report ta eo jaar kõmmane! Elañe ewõr juõn system ak wãwen ilo mweo, einwõt kajerbal juõn calendar, ñan je awa ko jaar kajerbali ilo jerbal in kwalok nan men in enaj jerbal einwõt juõn kein kakememej ñan kõmman juõn report eo ejimwe ilo mõkaj ilo jemlokin kajjojo alliñ.
4 Lelok Jibañ eo Rej Aikwiji: Bõlen jej aikwij kakõmõnmõnlok karõk ko ilo bukwon eo ñan lelok jibañ ñan ro rej aikwij jibañ ñan keini air bõk kunair ilo jerbal in kwalok nan. Congregation secretary eo im ro rej tel book study ko ren karõk bwe ri kwalok ro ewõr air iminene ren lelok jibañ. Elañe ewõr ro nejõm ak ri katak Bible ro jet me rej ri kwalok ro rejañin baptais, kamineneik ir ñan report kin jerbal eo air kajjojo alliñ.
5 Kememej bwebwenato eo, “Grateful for a Long Life in Jehovah’s Service,” ilo October 1, 1997, Watchtower ilo kajin English. Sister Ottilie Mydland ilo Norway ear erom juõn ri kwalok kin news eo emõn mokta jen ear baptais ilo 1921. Jiljilimjuõnñoul jiljino yiõ ko tokelik, ke ear 99 yiõ ridtan, ear ba: “Ij mõnõnõ bwe I maroñ keini wõt aõ kwalok nan.” Ej juõn lemnak elap an emõn bwe aolep ri karejar ro an Jehovah ren kajeoñe!