Overseer Ro Rej Tel—Secretary eo
1 Congregation secretary eo ej kõmman juõn jerbal eaorõk ilo an kõmman bwe “ren kõmõn men otemjej ekar im ilo lajrõk.” (1 Kor. 14:40) Einwõt juõn uan Congregation Service Committee eo, ej lolorjake communication ko an congregation eo im record ko raorõk. Meñe eddo ko an rejjab alikar an aolep loi einwõt ko an elder ro jet, jerbal ko an elap aikwiji im kamolol kaki.
2 Ñe rej bõk juõn letter jen Society eo ak jen ro jet, secretary eo ej lale im uake ñe ewõr juõn aikwij. Ej kõmman bwe elder ro jet ren lo letter eo rej bõke inem file e bwe ren maroñ bar lale tokelik. Ej lale order form ko an magazine im book ko im jilkinloke ñan Society eo. Ej lolorjake ro rej lale account im subscription ko im bareinwõt aolep men ko kin convention ko.
3 Kinke secretary eo ej aikwij jilkinlok report in kwalok nan ilo kajjojo alliñ an congregation eo ñan Society eo mokta jen ran eo kein kajiljino in alliñ eo, ej aorõk bwe kajjojo iad jen kadeloñ report in kwalok nan eo ad ilo mõkaj ilo jemlokin kajjojo alliñ. Inem ej je service report eo ion Congregation’s Publisher Record card ko. Jabdewõt ri kwalok ro remaroñ kajitõk ñan lo record in kwalok nan ko air make.
4 Ñe juõn ri kwalok ej emmakit tok ñan ak lok jen congregation eo, secretary eo ej kajitõk jen ak jilkinlok ñan elder ro ilo congregation eo juõn kin juõn letter in kwalok kajjen armij eo kab Congregation’s Publisher Report card ko an.—Our Ministry, pp. 104-5.
5 Secretary eo ej lale makitkit ko an pioneer ro, im kõmman bwe elder ro, im elaptata service overseer eo, ren jelã kin jabdewõt abañ ko me pioneer ro rej iioni. Ej kejelãik ri tel in Congregation Book Study ko kin ri kwalok ro rej jakkeini air kwalok nan. Secretary im Service overseer jimor rej tel ilo jibadbad ko ñan lale ro rej jowan.—Our Kingdom Ministry, November 1987, p. 1.
6 Ilo an wõr juõn kamolol emõnlok kin eddo ko an secretary eo, jen kõmman joñan eo jemaroñ ñan jibañ kõmman bwe en bidodolok an kajejjet jerbal ko an.—1 Kor. 4:2.