Overseer Ro Rej Tel—Service Overseer Eo
1 Service overseer eo ej itoklimo ilo men otemjej rej ekejel ñan wõnmanlok eo an jerbal in kwalok nan ilo territory eo kar karõke ñan congregation eo. Kin men in ej kõmman juõn jerbal eaorõk ñan jibañ kij kajejjet eddo eo ad ñan kwalok news eo emõn. Einwõt juõn ri kwalok nan ekijejeto, ej tel ilo karõke men otemjej rej ekejel ñan jerbal in kwalok nan. Einwõt juõn ri kaki eo ewõr an maroñ, ej jibañ kajjojo ri kwalok ro ñan kakõmõnmõnlok air bolemen ilo jerbal in kwalok nan.—Ep. 4:11, 12.
2 Elder in ej lolorjake jerbal eo an ministerial servant ro rej lale book, magazine, im territory. Ej bõk eddon ñan lale bwe en bwe book, magazine, im service form ko ñan ad jerbale ilo kajjojo alliñ. Juõn alen ilo juõn yiõ ej etale territory file eo kin aolep address in em ko ijo rejjab kõnan bwe jen kwalok nan ie, im ej jitõñ juõn brother eo ewõr an maroñ ñan lolok mõkein.
3 Service overseer eo ej bõk eddon ñan lolorjake oktak in wãwen ko ñan kwalok nan, ekoba kwalok nan ilo jikin business, turin ial, im ilo kajerbal telephone. Ej bojak ñan kõmman karõk ko kin kwalok nan ilo aolepen week eo, ekoba ran in kakije ko. Ej kwalok itoklimo eo emol ilo jerbal in kõmman Bible study. Ej bukõt wãwen ko ñan lelok jibañ ko ilo jitõb ñan ro rej jakkeini ak jowan. Ej itoklimo ilo jerbal eo an pioneer ro, im ej lolorjake program in Pioneer ro Rej Jibañ Ro Jet.
4 Einwõt juõn ian uan Congregation Service Committee eo, service overseer eo ej bõkmantak jabdewõt oktak ko rej aikwij kõmmani ilo kumi in Congregation Book Study ko. Ñe ej lolok kumi eo am, kõmman bwe kwon bed im bõk kunam ibben ilo jerbal in kwalok nan.
5 Aolep ro ilo congregation eo ren mõnõnõ in jerbale nan in tel eo an service overseer eo. Men in enaj jibañ kij ñan kalaplok ad bolemen ilo jerbal in kõmman ri kalor ro im lo elaplok lañliñ ilo jerbal in kwalok nan eo ad.