Jibañ Congregation Book Study Overseer eo Am
1 Kij kajjojo jej bõk elõñ tokjen ko jen Congregation Book Study eo. Ilo alliñ eo lok jaar bwebwenato kin ewi wãwen Congregation Book Study overseer eo ej kajejjet jerbal eo an. Ak ta eo jemaroñ kõmmane ñan jibañ e im ilo wãwen in bõk tokjen ñan kij make im ro jet?
2 Kwelok Kajjojo Week: Ke rej kõmman bwe en dik kumi in book study ko, bed eo am ilo kwelok eo eaorõk. Kõmman bwe en mejenkajjik eo am ñan kwelok ilo kajjojo week. Kwomaroñ jibañ bareinwõt ilo am mõkaj tok ñan kwelok eo, ke men in ej kõtlok bwe overseer eo en jino kwelok eo ilo juõn wãwen ekwon.—1 Kor. 14:40.
3 Uak ko Rekõketak: Bar juõn wãwen kwomaroñ jibañ ej ñe ej emõn am kebojak im kwoj kõmman uak ko rekõketak. Uak ko me rej kwalok kin juõn wõt point ekkã an emõntata, im men in ej rejañ ro jet ñan air uak bareinwõt. Bõprae am uak kin aolep point ko ilo juõn paragraph. Elañe juõn point ilo katak eo ej jelet buruõm, kwomaroñ kobaik ibben bwebwenato eo ilo am uak im kwalok lemnak eo am.—1 Pit. 4:10.
4 Elañe kwoj bõk jerammõn eo ñan read paragraph ko ñan tokjen eo an kumi eo, kwon tiljek in kajejjet eddo eo. Read ilo emõn ej kalaplok emõnin katak eo.—1 Tim. 4:13.
5 Kwalok Nan Einwõt Juõn Kumi: Kwelok ko ñan kwalok nan rej walok ilo elõñ jikin book study ko, im ilo am jurake karõk kein men in ej jibañ overseer eo ke ej tel ilo jerbal in evanjel eo. Kwon watõk karõk kein einwõt ien ko remõn ñan ruaklok ñan ro jeõm im jatõm im ñan kõketak ir.
6 Report ko kin Jerbal in Kwalok Nan: Bar juõn wãwen ñan jibañ overseer eo ej ilo am kadeloñ report in kwalok nan eo am ilo mõkaj. Kwomaroñ lelok report eo am kajju ñan e ak likiti ilo box eo rar karõke ñan report in kwalok nan ko ilo Kingdom Hall eo. Secretary eo emaroñ kajerbal box eo ñan kadeloñ report ko kin kwalok nan me book study overseer ro rar aini.
7 Am jerbal ibben Congregation Book Study overseer eo enaj lap kamolol kake. Ilõñin men otemjej, kwomaroñ liki bwe Jehovah enaj ‘ber ilo am.’—Pil. 4:23.