Congregation Book Study—Etke Jej Aikwiji
1 Ilo 1895, kumi in katak ko an Bible Student ro, einwõt kar naetan Ri Kennan ro an Jehovah ilo ien eo, kar jelã kajjiir einwõt Dawn Circles for Bible Study (Dawn Circle ro ñan Katak Bible). Kar kajerbal book ko kin Millennial Dawn einwõt bedbed in katak. Tokelik, kar naetan kumi kein Berean Circles for Bible Study (Berean Circle ro ñan Katak Bible). (Jerbal 17:11) Ekkã an juõn kumi edik kwelok ibben don ilo juõn em ilo juõn ien emõn ibbeir aolep. Eñin kar wãwen eo karõk in Congregation Book Study eo ear jinoe.
2 Bõk Kõketak im Jibañ: Kinke rej karõk bwe kumi in book study ko ren dik wõt, elaplok ien ko remõn rej bellok ñan ro rej kwelok ñan kwalok tõmak eo air ikijen air uak. Tokjen men in jej “[kõketak don, NW] . . . , kij otemjej kin tõmak an dron.”—Rom. 1:12.
3 Ilo ad lale kilen katakin eo an book study overseer eo emaroñ jibañ kij bwe en ‘jimewõt ad katakin kin nan in mol.’ (2 Tim. 2:15) Lale wãwen eo ej kalikar bwe Jeje ko rej bedbedin katak eo. Elañe ekkar book eo rej etale, emaroñ kalikar point ko relap ikijen juõn elij ilo jemlokin katak eo, ilo an kajerbal Bible eo wõt. Wanjoñok eo an emõn emaroñ jibañ kij ñan kakõmanmanlok wãwen ad katakin ilo jerbal in kwalok nan eo an Christian.—1 Kor. 11:1.
4 Ijellokin an kõmmane katak eo kajjojo week, book study overseer eo ej bareinwõt tel ilo jerbal in kwalok nan. Ilo an jerbal ibben service overseer eo, ej kõmman karõk ko rekeie kin jerbal in kwalok nan. Ej kate e ñan jibañ aolep ilo kumi eo ñan kajejjet eddo in Christian eo air ñan kwalok kin news eo emõn im kõmman ri kalor ro.—Mat. 28:19, 20; 1 Kor. 9:16.
5 Book study overseer eo ej itoklimo kin emõnin mour in jitõb eo an kajjojo armij ilo kumi eo an. Ej kwalok itoklimo in ilo kwelok ko an congregation eo im ilo an jerbal ibben ro jet ilo jerbal in kwalok nan. Ej bareinwõt karõk ien ñan an lolok ro jein im jatin ilo moko imwiir ñan kõketak ir ilo jitõb. Aolep ren anemkwoj in kebak book study overseer eo ñan bõk jibañ ko ilo jitõb ilo jabdewõt ien ewõr air aikwij.—Ais. 32:1, 2.
6 Kakajur Don: Ilo ailiñ ko ijo ebin air kõmmani makitkit ko an armij ro an Anij, ro jeid im jatid ekkã air kwelok ilo kumi ko redik. Juõn brother ej kememej: “Meñe rar kemo makitkit in Christian ko am, jabdewõt ien ke emõn kimij kõmmani kwelok ko am kajjojo week ilo kumi ko ewõr 10 ñan 15 armij ro ie. Jen kwelok kein kimar bõk kakajur ilo jitõb, jimor jen ad katak Bible im ad kamao ibben don elikin katak eo. Kim kijoñ keidi experience ko am ibben don, im men in ear jibañ kim ñan kile bwe kim kajjojo kimij kate kin ejja men eo wõt.” (1 Pit. 5:9) Jen, bareinwõt, kakajur don ilo ad jurake karõk in Congregation Book Study eo.—Ep. 4:16.
[Kajjitõk ko]
1. Ewi wãwen karõk in Congregation Book Study ear jinoe?
2. Ewi wãwen emaroñ wõr ijo kunad ñan “kõketak don” ilo book study eo?
3, 4. Ewi wãwen karõk in book study eo ej jibañ kij ñan kõtõbrak jerbal in kwalok nan eo ad?
5. Ta jibañ eo jemaroñ bõke ikijen book study eo?
6. (a) Ewi wãwen ro jeid im jatid ilo jet ailiñ ko rar bõk kakajur jen air kwelok ilo kumi ko redik lok? (b) Ewi wãwen kwar make bõk tokjen jen karõk in book study eo?