Ewi Wãwen Ro Uan Juõn Family Rej Jerbal Ibben Don Ñan Bõk Kunair—Ilo Kwelok ko an Congregation eo
1 Family ko an Christian rej aikwij bokake kien eo ñan koba ibben don ilo kwelok ko an congregation eo. (Hib. 10:24, 25) Ilo air jerbal ibben don ilo emõn, aolep renaj maroñ in lo tõbrak ñan kebojak kin, bed ilo, im bõk kunair ilo kwelok ko. Wãwen ko ilo family eo remaroñ oktak jen don, ak ewõr men ko me juõn Christian leo ri belele, juõn lio ri belele ri tõmak, ak juõn jemen ak jinen emaroñ kõmmane ñan kowõnmanlok ibben don eo an family eo ikijen men ko lor jitõb, jekdon joñan oran ajiri ro ilo family eo ak rittair.—Ken. 1:8.
2 Bõk Ien ñan Kebojak: Ro uan family eo rej jerbal ibben don ñan lale bwe kajjojo uan ej bojak ñan kwelok ko an congregation eo. Elõñ rej etale ibben don katak eo kajjojo week ilo Katak in Imõniaroñroñ eo. Jet rej kebojak ñan Congregation Book Study eo ak konono lajrak in read Bible kajjojo week einwõt juõn family. Mejenkajjik eo ej ñan bõk ilo lemnak eo am point ko relap mokta jen kwoj bed ilo kwelok ko. Ilo wãwen in, aolep renaj bõk elaplok tokjen ko jen ta eo rej roñjake im renaj bojak in bõk kunair ñe ewõr ien emõn.—1 Tim. 4:15.
3 Karõk ñan Bõk Kunam: Aolep ro uan family eo en wõr mejenkajjik eo ñan kwalok kejatdikdik eo air iman ro jet ilo air uak ilo kwelok ko. (Hib. 10:23) Ewõr ke juõn uan family eo ej aikwiji jibañ ak nan in rejañ ñan kõmmane men in? Ta jibañ eo kajjojo rej aikwiji ñan kebojak kin katak ko ilo Theocratic Ministry School eo? Limaro ri belele rej kamolol ñe lõmaro ibbeir rej kwalok air itoklimo im bõlen kwalok juõn lemnak kin juõn wanjoñok ejejjet ak juõn setting ekeie. Ro jemen im jinen rejjab aikwij eñjake bwe rej aikwij keboje men ko kunan ro nejiir redik. Ilo air kõmmani remaroñ jibed kõnan eo an ajiri eo ñan an make kõmmane. Ak ro jemen im jinen remaroñ jibañ ro nejiir redik im roñjake ñe rej kamelmel men eo kunair ilo juõn ainikien elaj.—Ep. 6:4.
4 Karõk ñan Bed ilo Kwelok ko: Jemaroñ katakin ajiri ro jen ien eo redik ñan air bojak in etal ñan kwelok eo ilo juõn ien kar karõke. Ro uan family eo ren jerbal ibben don ilo lale jerbal ko ilo mweo bwe en ejelok juõn men en karumij ir.—Lale nan in rejañ ko ilo book ko Mour in Famili, peij 165, paragraph 10, im Young People Ask, peij 316-17.
5 Ro jemen im jinen im ajiri ro jimor remaroñ lemnak kin nan ko an Joshua eo etto, eo ear ba: “A kin ña im ro nuku, kim naj jerbal ñõn Jeova.” Inem kwon beek ñan jerbal ibben don ñan bõk elap kunam ilo kwelok ko an congregation eo.—Josh. 24:15.