Kajitõk kin Jibañ
1 Nan in kakõrmol kein “ien ko renana” rejejjet an kwalok kin ran ko ad. (2 Tim. 3:1) Inem, ta eo kwomaroñ kõmmane ñe kwoj iion melejoñ ko rebin nae mour in jitõb eo am me kwoj eñjake am jabojak in jelmaiki?
2 Kwoj mõnõnõ ke in konono ibben juõn eo ekajur ilo jitõb ilo congregation eo? Jet remaroñ abwin kõmmane kinke rejook, rejjab kõnan kabañ ro jet, ak rej bere bwe jabdewõt remaroñ jibañ. Emol, jej aikwij kate kij ñan lale eddo ko ad make ilo joñan eo jemaroñ ak jen jab ãliklik in kajitõk jibañ ilo men ko rej jelet mour in jitõb eo ad.—Gal. 6:2, 5.
3 Ijo Kwoj Jino Jen E: Kwomaroñ kõnan kebak ri tel ilo book study eo am im kajitõk elañe kwomaroñ jerbal ibben ilo jerbal in kwalok nan. Men in enaj lewõj juõn ien emõn ñan konono ibben kin kõnan eo am ñan eddeklok ilo jitõb. Elañe ej juõn ministerial servant, jiroñ e kin aikwij eo am ñan bõk jibañ eo ilo jitõb im enaj kajitõkin elder ro bwe ren jibañ yuk. Ak kwomaroñ kebak jabdewõt ian elder ro kin men ko kwoj inebata kaki.
4 Kain jibañ rot kwoj aikwiji? Ewõr ke juõn men me ear kabwer yuk? Kwoj juõn jemen ak jinen ej make ian ke im kwoj kajeoñ in kõmman bwe ro nejõm ren ebake congregation eo? Kwoj juõn eo eritto ke im kwoj aikwiji jibañ? Ak ewõr ke juõn abañ eo ej kabwerer? Emaroñ bin jerbale ien kein ad renana—ak ewõr kejatdikdik. Jemaroñ bõk jibañ.
5 Ewi Wãwen Elder ro Rej Jibañ: Elder ro emol air kea kake yuk. Rej mõnõnõ in roñjake kin men ko kwoj inebata kaki. Elañe ri kwalok ro jet rej jelmaik ejja abañ ko wõt, elder ro renaj kememej men in ñe rej shepherd e im katakin congregation eo. Einwõt “joñok ñõn bwij eo,” rebojak ñan jerbal ibbam ilo lañliñ. (1 Pit. 5:3) Ilo am roñjake brother rein ewõr air iminene rej kõmmanwa kin nan in kakabilek ko ilo Bible kwomaroñ kakõmõnmõnlok jerbal in kwalok nan eo am im emaroñ jibañ yuk ilo mour eo am make.—2 Tim. 3:16, 17.
6 Jesus ear letok elõñ “men in letok in armij.” (Ep. 4:8, New World Translation, ftn.) Ej melelen men in bwe elder ro rej aikwij karejar ñan yuk. Rej bojak in jibañ yuk. Rej, ilo juõn wãwen, “ami.” (1 Kor. 3:21-23) Inem, jen am ãliklik, kwon beran in konono. Kajitõk kin jibañ eo kwoj aikwiji.