Mour An Armij Ej Bed ilo Kauwatata!
1 Bible eo ej kalikar bwe ej ankil an Anij bwe en “lomoren armij otemjej.” Bõtab, ej bareinwõt mol bwe kejatdikdik in mour an billion armij ro ion lal ej wawa ion lemnak eo air kin Jehovah Anij im Ailiñ eo an ikijen Jesus Christ. Juõn lemnak emõn emaroñ bedbed wõt ion air “jela mol.” (1 Tim. 2:3, 4) Ijellokin ad kejelã bwe mõttan wõt jidik Anij enaj karreoik nana jen lal in bwe en najikin lal eo ekãl ewãnik, kar bareinwõt kakien kij ñan kõtõbrak juõn jerbal in lomor eaorõk.—Mat. 24:14; 28:19, 20; Rom 10:13-15.
2 Etke Jej Aikwij Kakaiuriur? Jesus ear kakkõl “bwe ilo ien eo enaj elap iñtan, eo e jañin einwõt jen jinoin lõl ñõn ien in.” (Mat. 24:21) Ien eñtan eo enaj tõbar bwiltõñtõñ eo an ilo Armageddon. (Rev. 16:16) Jarlepju in armij ro rej jelmae air jorrãn elañe rejjab uak ilo emõn ñan news eo emõn re koba ro nukid rejjab tõmak, ro ri turid, ri jerbal ro mõttad, ri school ro mõttad, im ro jerad. Ak itoklimo eo ad ej ñan tõbar “armij otemjej” ilo kajeoñe Anij, eo ear kwalok an yokwe ñan armij otemjej ion lal ilo an lelok Nejin, Jesus Christ, einwõt juõn binmour ñan aolep. (Jon 3:16) Jej aikwij kijejeto ilo jibadbad eo ad ñan kir aolep ñan ko ñan jikin kone eo an Anij. Ilo ad kajejjet jerbal in kwalok nan eo ad, jemaroñ bõprae an wõr ruõd kin bõtõktõk.—Ezek. 33:1-7, New World Translation; 1 Kor. 9:16.
3 Ta Mejenkajjik eo Ad? Ilo aolepen Nan eo an Anij ej kalikar aorõkin jerbal in kwalok nan. Einwõt ri jilek Paul ear kwaloke, “bwe yokwe an Kraist e relel ilo buruem” ñan mour ekkar ñan wãwen ko an Anij. (2 Kor. 5:14) Bareinwõt, Imõniaroñroñ eo ekkã an kalikar eddo eo ad ñan kwalok nan. Ad Jerbal Ñan Ailiñ Eo ej wõnmanlok im letok nan in tel kin ewi wãwen jemaroñ kõtõbrak jerbal in kwalok nan eo. Elder ro rej karõke jerbal eo im rejañ kij ñan bõk kunad. Ri kwalok ro mõttad rej kir kij ñan bõk kunad ibbeir ilo jerbal in kwalok nan. Elap ad roñ kin keboje ennan eo ad, lelok magazine im book ko jet, kõmman bar jeblak ko, kõmman Bible study ko, im kortokjen jabdewõt ien ko remõn ñan kwalok nan. Men kein aolep rej jibañ kij ñan kõtõbrak mejenkajjik eo ad ñan lomoren mour an armij.—1 Kor. 9:22, 23; Ep. 1:13.