Wõnmanlok im Kwalok Nan!
1 Ej ankil an Anij bwe en “lomoren armij otemjej, im bwe ren item jela mol.” (1 Tim. 2:4) Kin un in, ear letok ñan kij jerbal eo ñan kwalok kin news eo emõn. (Mat. 24:14) Elañe jej kile un eo unin jej aikwij wõnmanlok im kwalok nan, jabdewõt men in kabwerer ak men in kamad jej jelmaiki rejamin kabõjrak kij.
2 Etke Jen Kate? Elõñ men in kamad ko ilo lal in rej kõmman bwe armij ren meloklok ak kajettokjen men ko jej jiroñ ir kaki. Inem jej aikwij kakememej wõt ir kin ennan in lomor eo an Anij. (Mat. 24:38, 39) Bareinwõt, aolep ien wãwen mour ko an armij rej oktak. Wãwen ko ilo lal in remaroñ lap air oktak iumin juõn wõt boñ. (1 Kor. 7:31) Ilju, week in lal, ak alliñ in lal, armij ro jej kwalok nan ñan ir remaroñ jelmaik abañ ak inebata ko rekãl me remaroñ kamakit ir ñan lemnak kin news eo emõn me jej bõklok ñan ir. Kwojjab kamolol ke bwe ri Kennan eo ear katakin yuk mol eo ear kate wõt?
3 Ñan Kajeoñe Tiriamokake eo an Anij: Ilo meanwõd Jehovah ear kõtlok ien bwe en ella mokta jen an ekajete ro renana. Ikijen kij ear wõnmanlok im akwelap ibben armij ro emõn burueir bwe ren oktaklok ñan e im bõk lomor. (2 Pit. 3:9) Enaj wõr ruõd kin bõtõktõk elañe jaar jab keañ kin ennan in tiriamokake an Anij ñan armij im kakkõl ir kin itok in ekajet an Anij nae aolep ro rejjab oktaklok jen wãwen ko air renana. (Ezek. 33:1-11, New World Translation) Meñe ejjab aolep ien armij rej mõnõnõ in roñjake ñe jej kwalok nan, jejjab aikwij kadiklok jibadbad ko ad ñan jibañ ro emol burueir ñan lo tokjen tiriamokake in elap an Anij.—Jerbal 20:26, 27; Rom 12:11.
4 Ñan Kwalok Yokwe eo Ad: Ej Jehovah Anij, ikijen Jesus Christ, eo ear kakien bwe ren kwalok kin news eo emõn ibelakin lal. (Mat. 28:19, 20) Meñe armij rej makoko in roñjake, eien ñan ad kwalok ad yokwe im tiljek ñan Anij ilo ad kate kij in kõmman emõn.—1 Jon 5:3.
5 Jen beek ilo buruõd ñan wõnmanlok im kwalok nan! Jen kõmmane ilo kijejeto ke ejja “ran in lomor” eo wõt an Jehovah.—2 Kor. 6:2.