Etke Jej Bar Jeblak?
1 Kwo nañin kajitõkin ke kwe make kin kajitõk en, bõlen ke kwar kabojak kin jerbal in kwalok nan? Ilo jet jikin ko ilo territory eo ad me ekkã ad jerbal ie, ri mweo ro remaroñ kile kij im mõkaj in jilkinlok kij. Jet wõt remaroñ uak ilo juõn wãwen emõn. Ak, ewor un ko relap kin taunin jej bar jeblak.
2 Moktata, kar kakien kij ñõn wõnmanlok ilo jerbal in kwalok kin ennan in Ailiñ eo mae ien ej itok jemlokin. (Mat. 24:14; 28:19, 20) Ri kanan Isaiah ear kajitõk ewi aetokin ear aikwij wõnmanlok ilo jerbal in kwalok nan eo an. Uak eo ear bõke kar jeje ilo Isaiah 6:11. Ejelok kajitõk kin men in—kar jiroñ e ñõn bar jeblak ñõn armij ro kin ennan eo an Anij. Eindeinlok wõt ilo ran kein, meñe elõñ rej jilkinlok kij, Jehovah ej kõtmene ñõn ad wõnmanlok im lolok wõt armij ro rej jokwe ilo territory eo ad. (Ezek. 3:10, 11) Men in ej juõn eddo ekwojarjar kar letok ñõn kij.—1 Kor. 9:17.
3 Bar juõn unin ñõn ad jeblak wõt ej bwe men in ej letok ñõn kij juõn ien emõn ñõn kwalok joñan mwilõl in tiljek eo ad ñõn Jehovah. (1 John 5:3) Ijellokin men in, ñe jej lemnak kin ta eo enaj walok ñõn armij ilo ran ko rebak renaj itok, ewi wãwen jemaroñ debij kij make jen ad kakkil ilo yokwe ro ri turud? (2 Tim. 4:2; Jem. 2:8) Ad tiljek ñõn kajejjet jerbal eo ad ej lelok ien ko remõn ñõn air uak ñõn ennan in lomor eo an Anij, bwe ren jamin maroñ ba kar jab kakkil ir.—Ezek. 5:13.
4 Koba ibben men in, jejjab jela ñãt enaj oktak buruen jet armij. Emaroñ walok kinke ear oktak wãwen ko ilo mour eo air make, juõn jorrãn ear walok ilo family eo air, ak wãwen ko ilo lõl in ear kamakit ir ñõn lemnak kin ilju eo air. Bareinwõt, juõn men jej ba ñõn ir emaroñ kamakit ir ñõn uak ilo emõn. (Ekl. 9:11; 1 Kor. 7:31) Bareinwõt, armij rej emmakit. Jemaroñ lo armij ro rekãl ilo territoy eo ad me renaj uak ilo emõn ñõn news eo emõn—bõlen jodikdik ro rej kiõ make lok iair im rej lemnak kin unin mour eo air.
5 Jenaj ke bar jeblak? Aet! Jeje ko rej letok bwe in nan in rejañ ko ñõn jeblak im bar jeblak ibben armij. Ilo jemlokin, ñe ededelok jerbal in kwalok nan in, Jehovah enaj kajerammõn kij kin ad kate kij ilo jerbal in, im enaj kajerammõn ro rar uak ilo kamolol ñõn news eo emõn kin Ailiñ eo.—1 Tim. 4:16.