Box In Kajitõk
◼ Etke ewõr tokjen bwe ri kwelok ro ren lale eon ko me ri kwalok katak eo ej rejañ ir ñan lale ilo katak eo an?
Un ko einwõt men eo katak eo ej konono kake im elañe ekoba juõn etale eon-lok-eon kin juõn mõttan in Nan eo an Anij enaj kalikar oran eon ko ri kwalok katak eo enaj rejañ ri kwelok ro bwe ren lali.
Eaorõk bwe kwon kememej bwe juõn un eo unin ñan lale eon ko ej ñan kamol bwe men eo rej konono kake ej jen Bible eo. (Jerbal 17:11) Bar juõn unin ej ñan etale men in kamol eo ekkar ñan Jeje Ko ilo jurake men eo rej konono kake bwe tõmak eo an aolep en kajurlok. Ilo am lo ta eo Bible ej ba ke rej readi juõn eon point eo enaj let im bin ilo lemnak eo am. Ijellokin am lale eon ko, jeje note ko im lemnak wõt kin point ko rej kwalok kaki ej lap an wõr tokjen.
Ke Society ej kõlajrak elõñ eon ko ilo outline eo an ñan kõmmane juõn katak, eon kein rej litoki ñan tokjen eo an ri konono eo, ñan jibañ e keboje katak eo an. Eon kein rej letok bedbed in melele ko im rej jibañ e ñan lukkun jelã kin kien ko ekkar ñan Jeje Ko im ñan melele kin ejaak in katak eo. Ri kwalok katak eo ej beek eon ta ko raorõk ñan ejaakin katak eo im ej kir ri kwelok ro ñan lale eon kein ilo Bible ko air ke ej readi im kameleleiki. Emaroñ kwalok im elij jidik kin eon ko jet me rej jurake katak eo, ak ri kwelok ro rejjab aikwij in lale eon kein.
Ke ri kwalok katak eo ej readi eon ko ear kãleti, ej kõmmani kajju jen Bible eo, jab jen juõn paper ear copyiki eon ko jen computer eo. Ñe ri kwalok katak eo ej rejañ ri kwelok ro ñan lale juõn eon, ej ba ilo alikar book in Bible eo, katak eo, im eon ko. Ilo an bõjrak jidik ñan bõkmantak juõn kajitõk ak ñan kameleleik jidik kin taunin jenaj readi eon eo, ej kõmman ien bwe ri kwelok ro ren maroñ bukõt eon eo. Ilo an bar eliji eon eo men in enaj jibañ ri kwelok ro ñan kememej eon eo. Bõtab, ejjab juõn men in aikwij ñan kwalok number in peij eo, bwe remaroñ oktak ekkar ñan ukok in Bible eo me armij eo ej kajerbale. Lale eon ko ñe rej rejañ kij ñan kõmmane enaj jibañ ri kwelok ro ñan bõk tokjen jen kajur in Nan eo an Anij ke rej kameleleiki ilo katak eo.—Hib. 4:12.