Box In Kajitõk
◼ Ewi wãwen jemaroñ jibañ juõn armij eo etto an kar inactive (jowan) bwe en bar tellokin an juõn ri kwalok kin news eo emõn?
Ñe juõn armij eo ej inactive ej kalikar an kõnan karejar ñan Jehovah, men in ej juõn unin lañliñ. (Luk 15:4-6) Bõlen armij eo ear kõtlok bwe jumae ak ijjibed ko an mour ren kõmman bwe en ejelok ien ñan an katak ibben make, bed ilo kwelok ko, im bõk kunan ilo jerbal in kwalok nan. Ewi wãwen jemaroñ lelok jibañ eo emõntata bwe en maroñ kõmman wõnmanlok ilo jitõb?
Kij aolep aikwij kamol yokwe in Christian eo ad ñan e. Elder ro rej aikwij mõkaj im lale aikwij ko an ilo jitõb. (Jem. 5:14, 15) Elañe ear jab to an kar inactive, jibañ jen juõn ri kwalok eo ewõr an iminene emaroñ men eo wõt ej aikwiji ñan kõmman bwe armij eo en bar kijejeto ilo jerbal in kwalok nan. Bõtab, elañe etto an kar armij eo jab koba ibben congregation eo, emaroñ laplok an aikwij jibañ. Ñan kalek tõmak im kamolol eo an, katak Bible ibben make ilo book eo ejejjet emaroñ men eo ej aikwiji. Elañe eindein, service overseer eo enaj karõk bwe juõn ri kwalok eo ewõr an maroñ en kõmmane katak eo. (Hib. 5:12-14; lale December 1998 Ad Jerbal Ñan Ailiñ Eo Box in Kajitõk.) Elañe kwoj jelã kin juõn eo ej aikwiji jibañ rot in, konono ibben service overseer eo ilo congregation eo am.
Mokta jen am kir juõn armij eo etto an kar inactive bwe en bar bõk kunan ilo jerbal in kwalok nan, emõn elañe ruo elder ro ren kwelok ibben ñan lale elañe ej tellokin wõt an jerbal einwõt juõn ri kwalok kin Ailiñ eo. Renaj lor juõn kõl einlok wõt eo rej kajerbale ñe rej kwelok ibben ro rekãl me rekõnan jerbal einwõt juõn ri kwalok kin Ailiñ eo. (Lale November 15, 1988, Watchtower ilo kajin English, peij 17.) Armij eo ej inactive ej aikwij kõnan jaketo-jaketak news eo emõn ibben ro jet. Bareinwõt ej aikwij kajejjet men in aikwij ko emwij kõlajraki ilo peij 98-9 ilo Our Ministry book eo im ej aikwij keini an bed ilo kwelok ko an congregation eo.
Ilo an lor juõn manit emõn kin men ko lor jitõb men in enaj lap an jibañ eo ekõnan jeblak ñan kakajurlok im kejbãrok kõtan eo an eaorõk ibben Jehovah im ñan etetal wõt ilo ial eo ej tellok ñan mour indio. (Mat. 7:14; Hib. 10:23-25) Ilo an “kanuij kate” e im ilo an kaddeklok kadkad ko kadkadin Christian me renaj to air bed men kein renaj kejbãrok Christian ri kalor eo jen an bar “jowõn im jowa” an jerbal.—2 Pit. 1:5-8.