Jab Meloklok Ro Me Rej Inactive
1. Etke jej aikwij bõk kunad ñan rejañ ro me rar oktak im inactive?
1 Kwo jelã ke kajjen jabdewõt eo me ej inactive (juõn eo ejjab kobatok ibben congregation eo ak ear bõjrak jen an kwalok nan iumin jiljino ak elõñlok alliñ ko)? Bõlen ear bõjrak jen an kobalok ibben congregation eo im ear jebwãbwe. Kwo maroñ kar iion juõn armij rot in ke kwar kwalok nan jen em ñan em. Jej aikwij kememej wõt bwe armij in ej juõn ian ro jeid im jatid meñe ej inactive. Jej aikwij kalikar yokwe eo ad kin e im jibañ e ñan jeblak ñan congregation eo im ñan ‘S̃eperd eo im Dri lale aad.’—1 Pit. 2:25.
2. Ewi wãwen jemaroñ lelok nan in kõketak ñan eo ej inactive?
2 Kwalok am Itoklimo: Ilo am telephone lok ak lolok e emaroñ kamol ñan armij eo me ear oktak im inactive bwe jej jab meloklok e. Ta eo jenaj ba? Jemaroñ kõketak e ilo ad ba bwe jaar lemnak kake. Kõmman bwe bwebwenato eo en emõn im kalek. (Pil. 4:8) Jemaroñ kwalok juõn point ear emõn ibbed me jaar roñjake ilo juõn kwelok ej kab motlok. Jemaroñ bareinwõt kirtok e ñan juõn kwelok ak assembly eo ej bojak in kõmman im ba bwe jemõnõnõ in naj keboj juõn an jea ak ektake ñe ej aikwij ial ñan jikin eo.
3. Ewi wãwen an kar juõn sister eo ear inactive oktak im bar jino an kwalok nan?
3 Juõn jeid im jatid kõrã eo me ear inactive iumin elõñlok jen 20 yiõ kar loe ilo territory eo. Meñe ear jab kõnan bar katak kin Bible eo, sister eo me ear lo kõrã in ear jab bõjrak jen an bar jeblak ibben, im likit magazine ko rekãl. Elikin district convention eo, ri kwalok eo ear bwebwenato kin jet ian katak ko relap jen convention eo ibben kõrã eo me ear inactive, im ejjab to kõrã in ear oktak im bar jino an kwalok nan.
4. Ewi wãwen ad aikwij kõmman ñan juõn eo me ej bar kobatok ilo an itok ñan kwelok ko?
4 Ñe Juõn ej Jeblak: Ñe juõn jeid im jatid emaan ej inactive im ej jino an bar itok ñan kwelok ko, ewi wãwen ad naj kõmman ñane? Eokwe, ewi wãwen an kar Jesus kõmman ñan ri kalor ro an elikin air kar etal jen e? Ear konono kin ir einwõt ro “jãtiõ” im ear kwalok an liki ir. Ear lelok ñan ir juõn jerbal eaorõk. (Mat. 28:10, 18, 19) Ejjabto tokelik, rar boub im “e jab mwij” air kwalok kin news eo emõn.—Jerb. 5:42.
5. Kwalok jet wãwen ko jej aikwij konono ñan elder ro kin juõn eo me ej inactive.
5 Mokta jen ad tilmake juõn katak kin Bible ibben eo me ej inactive ak mokta jen ad kir juõn brother eo me etto an kar inactive ñan an itok ibbed ilo jerbal in kwalok nan, jej aikwij bukõt jibañ jen elder ro. Elañe jej iion juõn ri kwalok etto an inactive ilo territory eo, jej aikwij kejelãik elder ro bwe ren maroñ lelok jibañ.
6. Ta lañliñ eo jenaj loe jen ad jibañ ro me rej inactive?
6 Einwõt an Bible eo lukkun kalikar, ro wõt me rej kijenmij ñan jemlokin renaj bõk lomor. (Mat. 24:13) Kin menin, lale wõn ro me rar lõkatip ak jebwãbwe. Elañe jej kwalok yokwe eo an Jehovah ilo ad kwalok itoklimo eo emol kin rein, jenaj lañliñ in lo air bar jino kõmmane jerbal eo ekwojarjar ibbed.—Luk 15:4-10.