Jen Aolep Nebar Jehovah im Nejin
Wãwen eo Aolep Ro Me Rej Bed ilo Kwojkwoj in Kejota eo ilo April 8 Ren Maroñ Bõk Tokjen ko Relaplok
1 Rej lelok nebar eo ejej uan ñan wõn ro rainin? Ro me elap an lal in kautiej kõtõbrak ko air. Bõtab ejjabto tokelik, ilo enañin aolep ien, rej melokloke aolep tõbrak ko air. Ak ta kin jerbal ko me emol an wõr tokjeir ñan aolep armij? Eo elaptata iair jenaj lale ñe jej kememe Kejota eo an Iroij elikin tulok in al ilo April 8, 2001.
2 Wõn eo etellokin bõk nebar eo elaptata? Bible eo ej uak: “Ekar ñõn Kwe [Jehovah], O Iroij im am Anij, bwe kwon bõk aibujuij im nebar im kajur; bwe kw’ar kõmõnmõn men ko otemjej, im kin ankil am r’ar ber im emwij kõmõnmõni.” (Rev. 4:11) Einwõt Ri Kõmanman eo, Jehovah ej Iroij Bõtata ijoko otemjej ilañ im ilal. An tellokin bõk nebar ejamin bõjrak!—1 Tim. 1:17.
3 Jesus Christ, Nejin Anij, ear kõmman jerbal ko remõn me renaj bõktok jerammõn ko indio ñan armij. Ear wãppen wãwen an kajeoñe Jemen. (Jon 5:19) Bokake im jerbal in tiljek eo an rar kõmman an ekkar “bwe En bõk kajur, im mweiuk ko, im meletlet, im maroñ, im nebar, im aibujuij im wijtak.” (Rev. 5:12) Jemen ear kautiej e ilo an kairoij e einwõt King. (Sam 2:6-8) Ak kin kij, ewõr ien emõn ibbed ñan nebar Jemen im Nejin jimor ñe jej kememe Kejota eo an Iroij ilo April 8, 2001.
4 Ekaburomõjmõj, bwe eiet armij ilo bwebwenato in armij rar lelok nebar ñan Jehovah im Nejin. Jet ien, bar armij ro etto an Anij, Ri Israel ro, kar jidik wõt air jerbal ñan Jehovah. Men in ear alikar air jab kwalok air kautiej. (Mal. 1:6, New World Translation) Kautiej ekkar ej aikwiji ad kwalok bokake eo etiljek eo ej wawa ion yokwe im kamolol kin aolep men ko Jehovah im Nejin rar kõmmani ñan kij. Ad lelok nebar im kautiej rot in ej melelen bwe jej kwalok mijak ekwojarjar, im kwalok ad kamolol ñan Jehovah im Jesus ilo wãwen ko ad otemjej. Congregation in Christian eo ej kate ñan katakin im jibañ ro jet ñan kõmman eindein.
5 Juõn Ien Ejej Uan ñan Kwalok Nebar: Kememe Kwojkwoj in Kejota ej kwelok eo eaorõktata an armij ro an Jehovah yiõ otemjej. Aolep ro me ewõr juõn kõnan ñan karejar im nebar Jehovah rej aikwij bed ilo ien in. (Luk 22:19) Jej kõtmene bwe ijellokin 6 million Ri Kennan ro an Jehovah, ro rej itoklimo me renaj kwelok ibbed renaj kalaplok oran ro rej bed ñan elõñlok jen 14 million armij. Ej juõn ien elap an emõn ñan nebar Jemed ilañ! Meñe kwojkwoj eo ej kin Jesus, nebar eo im kautiej eo jej kwaloke kin ta eo ear kõtõbrake ej kaibujuij Jemen, eo ear jilkintok e.—Jon 5:23.
6 Ta eo jemaroñ kõmmane ñan jurake ien in ejej uan? Jemaroñ jibañ ro rekãl ñan bõk tokjen eo elaptata jen e. Rejañ ir ñan bed, im ñe ewõr juõn aikwij, ilo joij ba bwe kwoj mõnõnõ in jibañ ir kin ial in air itok. Kameleleik ir kin unin katak eo. Kwalok kajjiir ñan ro jet. Men eo rej loe im roñjake emaroñ kamakit ir ñan koba ibbed ilo ad nebar Jehovah.
7 Kwon jab kajettokjen kajurin program eo. Juõn ri school in university ear emmakit ilo wãwen in: “Elõñ alen iar bed ilo Communion ilo kabuñ eo aõ, ak kwelok in elap an oktak. Ij kile bwe ej einwõt ta eo Bible ej ba, im Ij lemnak bwe mol eo ej bed ibbemi.” Ear jino im keini an bed ilo kwelok ko im ejjabto ear baptais.
8 Jibañ Ro Rekãl ñan Kõmman Wõnmanlok: Kwon lale aolep ro rekãl rej bed ilo Kwojkwoj in Kejota eo, im mõkaj im lolok ir ñan eliji aolep men ko rekãl rar katak im loi. Kejelãik ir kin kwelok ko jet, ijo remaroñ kalaplok melele eo air kin Bible eo. Elañe kwoj elij ibbeir katak 17 ilo book in Knowledge, “Find Security Among God’s People (Lo Jokane Ibwiljin Armij Ro An Anij),” ak katak 23 ilo book eo Mour Indrio, “Drolul Eo An Anij Me Jej Loe,” men in enaj kwalok ñan ir aolep men in letok ko ilo jitõb me congregation eo ej litoki, ko rej bellok ñan ir. Karõk bwe ren aluij video eo Our Whole Association of Brothers bwe ren maroñ lo burukuk, lañliñ, im kijejeto eo an armij ro an Jehovah kin mejeir make!
9 Eaorõk bwe ro rej itoklimo ren katak kin ewi wãwen remaroñ kwalok nebar im kautiej ñan Jehovah. Kamelele bwe jar jen buru ej kabuñburuen Jehovah im ej juõn unjen kakajur ilo jitõb. (1 Jon 5:14) Ilo am kajerbal katak 8 ñan 12 ilo Jen Kõmmõne brochure eo, kwalok kin kain rot mwil rej kautiej Jehovah. Ilo am bwebwenato kin ta eo ej ba ilo Jehovah’s Witnesses brochure eo, peij 30-1, kwomaroñ rejañ ro rekãl ñan lemnak kin maroñ eo ñan nebar Jehovah ilo air bõk kunair ilo jerbal in kwalok nan.
10 Kamolol kin katok eo an Jesus im kin jerammõn eo ad ñan jerbal einwõt ri kalor ro an ej kautiej Jemen im ej bõktok jerammõn ko ñan ro jet. Jesus ear kallimur: “Elañe jabrewõt armij ej jerbal ñõn Iõ, Jema e naj koutiej e.”—Jon 12:26.