“Men in Letok eo ilo Armij” Rej Niknik in Shepherde Bwij eo an Anij
1 Jehovah ikijen Nejin ear kõmman juõn jibañ elap an yokwe ikijen an letok “men in letok eo ilo armij”! (Ep. 4:8, 11, 12, NW) Elõñ kain eddo ko ewõr ibbeir, ekoba air kijejeto im niknik in shepherde bwij eo an Anij. (1 Pit. 5:2, 3) Kij aolep jej bõk tokjen jen men in jibañ in elap ad aikwiji. Meñe jet rej iion abañ ko, rekãl ilo congregation eo, ewõr jet mõjno ko ibbeir, ak rar jebwãbwe, emaan rein elap air itoklimo kin mour in jitõb eo an aolep.—Pil. 2:4; 1 Tess. 5:12-14.
2 Ñe men ko renana rej walok ilo lal im rej kõmman ad inebata, shepherd rein rej kamol air “einwõt jikin tilekek jen kõto, im juõn kein tõrak jen lañ eo.” Ñe je mõk ak jej inek eddo ko relap im eñjake aikwij eo ñan bõk kainemõn, rej kakijeik kij, “einwõt river in dren ko ilo jikin e mõra” ak “einwõt lurin juõn dreka elap ilo juõn ene in mõk.”—Ais. 32:2.
3 Rejañ Ro Rej Inactive: Elder ro rej kõmman juõn jibadbad ejej uan ñan rejañ ro rar oktak im irregular (jakkeini air kwalok nan) ak inactive (eto air jab kwalok nan), im jibañ ir ñan bar keini air bõk kunair ilo aolep makitkit ko an congregation eo. Lolok ko reyokwe an shepherd ro kar jibañ elõñ ñan keini air bed ilo kwelok ko an congregation eo im kar kalek ir ilo jitõb ñan joñan eo rej bar bõk kunair ilo jerbal in kwalok nan. Jibadbad kein aolep an elder ro rej kwalok kejbãrok eo eyokwe an Jehovah im tel eo ekijejeto an Jesus Christ. Ear likit joñok eo kin kwalok itoklimo ñan jabdewõt ian sheep ro an me rar jebwãbwe.—Mat. 18:12-14; Jon 10:16, 27-29.
4 Shepherd ro rej kabukõt kakõlle ko me rej kalikar bwe jet remaroñ mõjnolok ilo jitõb. Jabdewõt ro rej kwalok kakõlle ko bwe rej iten ebwer, ro rej jakkeini air bed ilo kwelok ko, ak rej kadiklok jerbal in kwalok nan eo air ekkã air aikwiji jibañ ko ilo jitõb. Elder ro rej mõnõnõ in jibañ jabdewõt armij me nuknuk ko air ak baotokiir rej kwalok bwe rej jino bõk jitõb in lal in ak ro rej kaddeklok juõn lemnak in kõrraate congregation eo. Kin itoklimo eo emol im yokwe, overseer ro rej mõnõnõ in ‘lelok air mour’ ilo jibadbad ko ñan jibañ armij rein ñan kakajurlok yokwe eo air ñan Jehovah.—1 Tess. 2:8.
5 Ilo ien ko remotlok, jet Ri Christian ro emwij wujleplok air mour ear jako air itok ñan congregation eo, bõjrak air niknik ilo makitkit ko ilo jitõb kin air oktak im iabuñ kin abañ ko kin ejmour, jorrãn kin money, ak ijjibed ko an family eo. Ilo air jab narueir, elder ro rejoij rej lelok nan in kamol bwe Jehovah ej kea kake aolep sheep ro an im enaj baur ir ilo ien ko rebin. (Sam 55:22; 1 Pit. 5:7) Shepherd ro rej ekkõl an bwij eo remaroñ jibañ ir ñan kile bwe elañe rej ‘ruaklok ñan Anij, enaj ruaktok ñan ir,’ im kainemõn im kakajur ir.—Jem. 4:8; Sam 23:3, 4.
6 Kaorõk Ro Remõjno: Shepherd ro reyokwe rej bareinwõt itoklimo kin ro jemaroñ likjap in keini ir. Ilo kajjojo congregation ewõr jet ro remõjno, ro rej bed ilo em ko rej lale ri nañinmij ro, ak ro rakã. Alikar bwe ijo kunair ñan keañ kin ennan in Ailiñ eo enaj wõr joñan kin wãwen ko ibbeir. Bõlen ien ko remõn rej bellok wõt ñan ir ñan kwalok nan emaroñ itok ikijen ri lotok ro, ri nañinmij ro jet, ak ri lale ri nañinmij ro. Mekarta, jabdewõt men remaroñ kõmmane jemaroñ watõke einwõt kunair eaorõk ñan jerbal in kwalok nan. (Mat. 25:15) Meñe rej kwalok nan iumin 15 wõt minute, ren kar reporte, im renaj bwini ir einwõt ri kwalok ro ekkeini air kwalok kin Ailiñ eo.
7 “Men in letok eo ilo armij” elaptata air kile aikwij ko ilo jitõb an ro jeiir im jatiir ilo ter in ilo yiõ eo—ien Kwojkwoj eo. Ej juõn ien elap an jejjet ñan an elder ro kõmman juõn jibadbad ejej uan ñan jibañ aolep ro rar jebwãbwe ñan bar lo lañliñ eo im ainemõn ilo lemnak ej itok jen air koba ibben congregation eo! Jej lañliñ ñe jej lo rein “rej ber ilo nukin tõmak” im rej koba ibbed ilo kwelok ko an congregation eo im rej etal im kwalok nan, im ilo wãwen in kamol tõmak eo air ilo katok in binmour eo.—Gal. 6:10; Luk 15:4-7; Jon 10:11, 14.