Wõnmanlok im Bõk Tokjen Jen Imõniaroñroñ im Awake!
Kinke emwij kabõjrak air jilkintok subscription ko ñan Imõniaroñroñ im Awake! magazine ko, jej aikwij kate kij ñan kõmman bwe kij, im ro jej kwalok nan ñan ir, jen jab likjap in bõk juõn magazine.
Copy ko Ad Make: Ñe enaj jemlok subscription eo am make, kwon kalaplok order eo am ilo jikin magazine eo. Ro jemen im jinen ren kõmman bwe en bwe order in magazine ko air bwe kajjojo uan family eo en wõr copy eo air make. Je etõm ion copy eo am bwe kwon jab jirullok im leloke ilo jerbal in kwalok nan. Ñe magazine ko rej tõkeãktok, brother ro rej bõk eddon lale magazine ko ren mõkaj in ajeji ilo Kingdom Hall eo.
Magazine Route ko: Ri kwalok ro ren kate ir ñan kajutak juõn magazine route (karõk in bar jeblak ñan lelok magazine ko rekãl) ibben aolep ro rej itoklimo me rekõnan bõk kajjojo copy. Ilo am bõklok magazine ko ñan rein men in enaj kabellok ien ko remõn ñan kaddeklok itoklimo eo an armij eo im ñan ijjino Bible study ko.—Lale Ad Jerbal Ñan Ailiñ Eo, October 1998, peij 8.
Ro Ewõr Aikwij ko Ejej Uair: Elañe juõn armij ej kwalok an itoklimo ak ej jokwe ilo juõn jikin ejañin kar karõke ñan juõn congregation, renaj kamelim an bõk magazine ko ikijen juõn subscription. Elañe juõn armij ej jokwe ilo territory eo an juõn congregation im ej mol an kõnan bõk magazine ko ak ebin air jeblak ñan bõklok magazine ko ñan e, remaroñ konono kake armij in ibben Congregation Service Committee eo. Elañe rej kowãppene, remaroñ kõmman juõn subscription ñan armij in ej itoklimo. Remaroñ kajerbal subscription form ko (M-1 im M-101).
Jemaroñ liki bwe Jehovah enaj wõnmanlok im kajerammõn aolep jibadbad ko ad ñan keañ kin Ailiñ eo ikijen Imõniaroñroñ im Awake!