Kwalok Magazine ko ilo Jerbal in Kwalok Nan eo Am
1, 2. Ewi wãwen an kar Imõniaroñroñ im Awake! jelet mour ko an armij?
1 “Ekaitoktoklimo, eaorõk, im ej kõketak.” “Magazine ko me elaptata air kõketak iar readi.” Nan kein rej kalikar eñjake ko an ro ibelakin lal me rej readi magazine in Imõniaroñroñ im Awake! Emol, magazine ko ad rej kein jerbal ko raorõk ñan jibadõk “armij otemjej” kin news eo emõn.—1 Tim. 2:4.
2 Juõn ri business ear bõk juõn magazine in Awake! me katak eo iloan ear kaitoklimoen. Tokelik, ear readi magazine in Imõniaroñroñ, eo ear wõr juõn katak me ear kamakit e ñan etale tõmak kin Trinity eo me eto an kar tõmake. Men in ear kaitoklimoen. Jiljino alliñ ko tokelik ear baptais. Bar juõn emaan ear keini an bõk magazine ko ad ak ear jab readi. Ijo tu-rãjet, lio belen ear jab kõnan konono ibben Ri Kennan ro ak ear readi magazine ko kar liloki ñan leo ibben. Kallimur eo ilo Bible kin juõn paradise ion lal eobrak kin armij ro rewãnik ear jelet buruen. Tokelik, e, leo nejin, im lio jatin rar erom ri karejar ro an Jehovah.
3. Ta tokjen eo ñan lelok magazine ko einwõt juõn pair?
3 Liloki einwõt juõn Pair: Einwõt an wanjoñok ko ilõñ kwalok, je jaje wõn ro renaj readi magazine ko ad ak ta eo emaroñ kaitoklimoiir. (Ekkl. 11:6) Kin men in, ewõr tokjen ñan lelok Imõniaroñroñ im Awake! eo ibben don einwõt juõn pair, meñe jenaj kwalok point ko jen juõn wõt magazine ilo ennan eo ad. Iumin jet wãwen ko, ekkar bwe jen lelok elõñ copy in magazine ko ad ilo juõn wõt ien.
4. Ewi wãwen jemaroñ karõk jerbal in lelok magazine?
4 Ewõr tokjen ñan karõk juõn ran ilo kajjojo week ñan bõk kunam ilo jerbal in lelok magazine. Ilo 2005 Calendar of Jehovah’s Witnesses, rej karõk kajjojo Saturday einwõt “Ran in Lelok Magazine.” Emol, kin an oktak wãwen ko ilo bukwon eo im ibben armij ro kajjojo, jet remaroñ karõk bar juõn ran ñan lelok magazine ko ad. Lelok magazine ko ej mõttan ke schedule eo am week otemjej?
5. Ta ien ko remõn jen bojak ñani in lelok magazine ko, im ta eo emaroñ jibañ kij kõmmane men in?
5 Kõmman juõn Am Mejenkajjik: Likit juõn mejenkajjik kajjojo alliñ ñan lelok magazine emaroñ jibañ kij kalaplok ad lemnak ñan lelok magazine. Ewõr ke juõn am magazine route (karõk in bar jeblak ñan lelok magazine ko rekãl)? Kwoj lelok ke magazine ko ñan ro kwoj iion ir ilo jerbal in kwalok nan? Kwomaroñ ke lelok magazine ko ilo jerbal in kwalok nan iturin ial, ilo jikin business ko, im ilo jikin ko ilobwilij? Kwoj ke bõk ibbam magazine ko ñe kwoj ito-itak, kaikujkuj, ak etal ñan appointment ko am? Kwon kortokjen jabdewõt ien ko rekkar ñan jibañ ro jet ñan bõk tokjen jen Imõniaroñroñ im Awake!
6. Ewi wãwen jemaroñ kortokjen magazine ko remor?
6 Jemaroñ bareinwõt kõmman bwe en mejenkajjik eo ad ñan lelok magazine ko remor me ewõr ibbed. Meñe jejjab lelok magazine ko iloan juõn ak ruo alliñ ko elikin ran eo ear walok magazine eo, melele ko iloan raorõk wõt. Lelok magazine ko ñan ro rej itoklimo. Ñan elõñ million armij, Imõniaroñroñ im Awake! magazine ko rar “juõn nan, . . . ekar air kwalok e.” (Ken. 25:11) Jen kajerbali ñan jibañ elõñ million ro jet ñan jelã im karejar ñan Jehovah.
[Kajjitõk ko]