Congregation eo Am Ewõr ke Juõn Territory Ekilep?
1 Jen jikin kwelok ko ilo Judea ñan bukwon ko ilo Galilee, ear let an Jesus kwalok nan ilujen territory eo ekilep an Israel eo etto. (Mark 1:38, 39; Luk 23:5) Kij bareinwõt jej aikwij jibadõk elõñ armij joñan ad maroñ im konono ibbeir kin news eo emõn. (Mark 13:10) Bõtab, men in emaroñ juõn jerbal ebin kõmmane. Etke?
2 Elõñ congregation ko ilo United States ewõr territory ko ekkã air etolok jen jikin kwelok eo, im elõñ buki square mile ko debakbakiir. Congregation ko rej konono bar juõn kajin remaroñ jerbal ilo jikin kwelok ko rekilep im elõñ armij ro rej jokwe ie, im bukõt armij ro rej konono kajin eo air. Ta eo jemaroñ kõmmane ñan jibañ armij ro rej jokwe ilo territory ko retolok ñan katak mol eo kin Jehovah, Jesus, im kin Ailiñ eo?
3 En Melak Karõk ko Kwoj Kõmmani: Service overseer eo im eo ej lale territory ko rej aikwij lolorjake jibadbad ko an congregation eo ñan kõtõbrak tokjen eo elaptata. Bõlen remaroñ kãlet jet Saturday ko ñe jarlepju in armij ro remaroñ jolok aolepen ran eo ñan kwalok nan. Ñe komij jerbal ilo territory ko retolok, karõk ñan kaetoklok ien ami kwalok nan, im bõk ibbemi kijemi ñan mõñã ilo elikin raelep. Emaroñ mõkajlok ami kwelok ñan kwalok nan bwe en wõr ien ami etal ñan territory eo ak kom maroñ kwelok ñan kwalok nan ilo juõn jikin ebak ñan territory eo kom naj jerbal ie. En jejjo wõt ri kwalok ro ilo kajjojo wa ko bwe en bwe moko remaroñ kwalok nan ie. Karõk ñan jerbal ilo jikin ko retolok ilo ien ko ñe emõn lañ im ial in ettõr.
4 Ro rej jerbal ilo territory ko rej konono bar juõn kajin remaroñ kejbãrok ien ilo an wõr ibbeir juõn lajrak ekãl in etan armij im address ko air im juõn map ekãl. Karõk territory ko bwe juõn kumi in ri kwalok ro en maroñ jerbale aolep address ko ilo juõn jikin.
5 Kwon kõmman bwe en bwe book ko komij bõki ibbemi. Elañe ejeja ami jerbal ilo territory eo, emaroñ ekkar bwe komin door juõn tract ak juõn magazine emor ilo moko ejako armij ro ie. Elañe ewõr tract eo Would You Like to Know More About the Bible? ilo kajin eo am, leloke ñan jabdewõt armij komij iioni im door juõn ilo moko ejako armij ro ie.
6 Jerbal Ibben Don: Jerbal ilo juõn territory ekilep ej aikwij bwe aolep ro ilo congregation eo ren jerbal ibben don. Ñe elap air aikwij ñan ettõr ilo wa, ro rej uwe ibben don remaroñ lelok ijo kunair ñan kõllã wõnãn gasoline. Kwon kwalok lolokjen ñe kwoj iion juõn armij ej mõnõnõ in bwebwenato. Kwon lemnak kin aikwij eo ñan jibadõk aolep ilo territory eo, im lemnak bareinwõt kin ro ilo kumi eo am im rej kõttar ilo wa eo. Elañe kwo kõnan kaetoklok am bwebwenato ibben juõn armij ej itoklimo, kom maroñ ke karõk bwe ro jet ilo kumi eo ren maroñ wõnmanlok im kwalok nan?
7 Kwon kõmman karõk ko ñan bar jeblak ibben aolep ro rar kwalok air itoklimo. Ijellokin address eo an, kajeoñ in bõk number in telephone eo an armij eo ej itoklimo bwe kwon maroñ kalaplok am bwebwenato ibben ikijen am telephone lok ñan e. Elañe ejelok ãt ko etan ial ko ak number in moko, jiñaik juõn map ak kamelele kin ewi wãwen kom maroñ bar lo armij eo ej itoklimo ñe komij bar jeblak.
8 Ej juõn jerammõn elap ibbed ñan kajejjet nan in jiroñ ko an Jesus: “Im ilo jabrewõt jikin kwelok elap ak erik kom naj dreloñ ie, komin kajitõk wõn eo emõn iloan”! (Mat. 10:11) Emol Jehovah enaj kajerammõn jibadbad ko am ñe kwoj kate yuk ilo jerbal in elaptata an wõr tokjen!