Unin Jej Yokwe Dolul in Jimjãn Jimjatid Ibelakin Lal
Ilo lal in ejelok yokwe ie rainin, ewi wãwen ad maroñ wõnmanlok im kwalok yokwe emũlal ñan ro jeid im jatid ilo jitõb? (1 Pit. 2:17) Ewi wãwen jemaroñ kwalok ñan ro jet bwe elukkun wõr juõn dolul eo emol in jimjãn jimjatin eo ad ibelakin lal? (Mat. 23:8) Ikijen video (cassette in aluij) eo Our Whole Association of Brothers. Ej kwalok kin un ko unin jej yokwe don. Lale elañe kwomaroñ uake kajitõk kein:
(1) Ta jerbal ak makitkit ko jilu jej bõk kunad ie ibben aolepen dolul in jimjãn jimjatid ibelakin lal? (2) Ewi wãwen ro jeid im jatid rej kwalok bebe eo air ebin ñan kwalok nan (a) ilo ene jemaden eo ilo Alaska, (b) ilo harbor ko relap ilo Europe, im (c) ilo bukun wijki ko rebukwelep ilo Peru? (3) Kein jerbal et eo elaptata an bolemen ñan kwalok nan? (4) Etke jej aikwij jab bõk lemnak eo bwe jerbal in kwalok nan ej juõn jerbal bajjek? (5) Kwalok jet wanjoñok ko kin ewi wãwen Ri Kennan ro an Jehovah rar kainemõn im jurake don ilo ien ko rej walok abañ ko—makitkit lal ko, lañ ko, im tarinae ko. (Lale nan ko an Takao ilo peij 23 ilo August 22, 1995, Awake! im An Kotoyo ilo peij 20 ilo October 22, 1996, Awake!) (6) Ilo wãwen et ko rekeie kij aolep jemaroñ kwalok kakõlle eo elap kakõllan dolul eo ad in Christian jimjãn jimjatid? (Jon 13:35) (7) Ilo joñan et eo jen kaorõk kwelok ko an congregation eo? (8) An wõr juõn Kingdom Hall ijo jemaroñ kwelok ie ewi wãwen an jelet ro ear ejelok juõn air mokta? (9) Ke kien eo ear kemo jerbal eo ad ewi wãwen an kar ro jeid im jatid ilo Eastern Europe im Russia kejbãrok air kajur wõt ilo jitõb? (10) Kiõ bareinwõt, jibadbad ta ko relap elõñ Ri Kennan ro rej kõmmani ñan bed ilo convention ko, im etke? Ewi wãwen an kar men in jelet buruõm? (11) Etke kwar beek ilo buruõm ñan kabuñ ibben don ilo burukuk, ñan jibañ ro jet ilo ien aikwij ko, im ñan tiljek ilo am kwalok nan ilo jabdewõt jikin im jabdewõt wãwen kwomaroñ? (12) Etke ej emõn bwe en wõr am copy in video in im kwalok e ñan elõñ armij ro rej itoklimo joñan wõt am maroñ?