Kakuktok Armij Ro Jen Kajin ko Otemjej
1 Ej jejjet kitien Nan eo an Anij! Armij ro “jen kajin ko otemjej an ri ailiñ ko” rej bõk kabuñ eo emol. (Zech. 8:23, New World Translation) Ewi wãwen an Ri Kennan ro an Jehovah jibañ kajjojo armij jen ‘bwij ko, armij ro, im kajin ko’ otemjej ñan bõk juõn jutak erreo iman Jehovah, kin kejatdikdik eo ñan le jen “iñtan eo elap”?—Rev. 7:9, 14.
2 Dolul eo an Anij Ej Uak: Governing Body eo ear karõk bwe en wõr book in Bible ko ilo 380 kajin ko bwe armij ro ilo aolepen belakin lal in ren maroñ melele ilo alikar kin aorõkin news eo emõn. Keboje im kõmmane book ko ilo elõñ kajin ko ej juõn jerbal elap an lap. Ej kitibuj air kajutak kumi in ri ukok ro ewõr air maroñ im lelok ñan ir jibañ ko rej aikwiji ñan ukõte book ko ad ilo aolep kajin kein, im bareinwõt ñan kõmmani im jilkinloki. Bõtab, jerbal eo elaptata ej an kajjojo ri kwalok ro kin Ailiñ eo, ro rej bõklok ennan in lomor eo ilo Bible ñan armij.
3 Bõk Aitwerõk eo: Ilo elõñ jikin ko jemaroñ lo jar ko ebwe air lap in armij ro rej konono kajin ko jet. Ñan jibadõk armij rein kin news eo emõn, elõñ ri karejar ro an Anij rej kate ir ñan katak kajin China, Russia, Spain, ak kajin ko jet ekkã an wõr ilo bukwon eo air. Ro jet rej katak American Sign Language (konono ilo kajerbal peiir). Ilo United States wõt, ewõr 2,900 congregation ko im 240 kumi ko rej kwalok nan ilo 38 kajin ko ijellokin kajin English. Jet armij ro me rejañin kar roñ kin Jehovah ak rar jaje Bible eo rej kiõ bõk mol eo ilo Nan in Anij.—Rom 15:21.
4 Jemaroñ ke kate kij ñan keañ kin news eo emõn ñan armij ro ilo territory eo ad me rej itok jen bar juõn ailiñ? (Kol. 1:25) Elõñ congregation ko rej kõmman karõk ñan kwalok nan ilo jukjuk im bed in ruwamaejet ro ilo bukwon eo air. Mokta ri kwalok ro rej katak juõn kajin ilo joñan eo remaroñ kwalok juõn ennan elamwan, einwõt: “Yokwe. I kõnan lewõj juõn ennan emõn. [Inem lelok juõn tract ak brochure ewõr ilo kajin eo.] Bar yokwe.” Jehovah emol ej kajerammõn ijjino rot kein redik!
5 Ennan in Ailiñ eo ej kareel armij ro jen wãwen ko im kajin ko otemjej. Jen bõk ien eo emõn ñan jaketo-jaketake ibbeir.