Lelok Book ko ilo Territory ko Rej Konono Elõñ Kajin ko Ie
1 Ilo elõñ jikin ko, territory eo ear jino kobaik armij ro jen ailiñ ko jet. Elõñ ian rein emaroñ mõkaj lok air katak im emũlal lok air melele kin mol eo ñe rej katak ilo kajin eo air. Ta karõk ko kar kõmmani ñan lelok book ko rej wawa ion Bible eo ñan ro rej itoklimo ilo kajin eo emõntata air melele kake?
2 Ñããt Kwon Lelok Book ko: Ñe ruo ak elõñ lok congregation ko rej konono kajin ko reoktak jen don rej jerbal ilo ejja territory eo wõt, kumi in elder ro renaj jerbal ibben service overseer ro ñan kajutak juõn karõk me ej emõn ibben kajjojo congregation bwe en maroñ let an kajjojo kumi kwalok nan. Ñe rej kwalok nan jen em ñan em, ri kwalok ro rejamin lelok book ko ilo kajin eo an congregation eo juõn (ko jet). Bõtab, ñe ri kwalok ro rej kwalok nan ilo jabdewõt ien emõn tok ak ilo jikin ko ilobwilij, remaroñ lelok book ko ilo kajin ko an jukjuk im bed eo.—Lale October 1990 Ad Jerbal Ñan Ailiñ Eo Box in Kajitõk eo.
3 Ñããt Kwon Kakonkon Book ko: Ta eo jemaroñ kõmmane elañe ewõr juõn jar in armij ebwe an kilep im rej konono ilo bar juõn kajin ak ejelok juõn congregation ej konono kajin eo? Iumin wãwen kein, congregation ko remaroñ kakonkon jet book ko me ewõr ilo kajin eo, einwõt tract ko, Jen Kõmmõne im Jeran Anij brochure ko, im book eo Jelãlokjen. Ri kwalok ro remaroñ lelok book kein ilo jabdewõt ien rej iion armij ro remaroñ konono kajin eo.
4 Wãwen eo ñan Order Book ko: Elañe ejelok ilo congregation eo book ko ilo kajin eo an juõn armij eo ej itoklimo, ewi wãwen jemaroñ bõk book ko ilo kajin eo? Ri kwalok eo en kajitõk ibben eo ej lale jikin book eo ñan lale kain book ko ewõr ilo kajin eo bwe ren maroñ order ilo literature request in tok an congregation eo.
5 Elañe ej aikwij bõke ilo mõkaj, ri kwalok eo emaroñ kajitõk ibben juõn ian Congregation Service Committee eo elañe remaroñ jilkinlok request eo mokta jen literature request eo tok juõn kar karõke an congregation eo. Elañe rej kowãppen men in, eo ej lolorjake jikin book eo ak juõn eo ear jitõñ e emaroñ jilkinlok juõn request rej kakaiuriur kake ikijen mail ak ilo an telephone lok ñan ra eo. Renaj jilkinlok book eo ñan address in bõklamlelok eo an congregation eo ak ñan juõn bar juõn temporary address, elañe rekõnan. Elañe rekõnan bwe ren jilkintoke ilo juõn wõt boñ ak iumin ruo ran, wõnãn eo renaj bill e ñan congregation eo.
6 Jen kortokjen book ko an Christian ñan jibañ “armij otemjej,” jekdon kajin ko air, ‘ñan jelã mol eo im bõk lomor.’—1 Tim. 2:3, 4.
[Kajjitõk ko]
1. Etke elõñ congregation ko rej aikwiji book ko ilo bar juõn kajin?
2. Ñe ruo ak elõñ lok congregation ko rej konono kajin ko reoktak jen don rej jerbal ilo ejja territory eo wõt ta jerbal ibben don eo rej aikwiji?
3. Ñããt eo juõn congregation en kar kakonkon book ko ilo bar juõn kajin?
4. Ewi wãwen jemaroñ bõk book ko ilo juõn kajin me congregation eo ejjab kakone?
5. Ta eo jemaroñ kõmmane elañe jej aikwiji juõn book mokta jen naj bõk men ko ilo request in tok?
6. Ta mejenkajjik eo ad ilo ad kõmman bwe ren maroñ bõk book ko an Christian?