Kortokjen ilo Meletlet Book ko Ad Rej Bedbed ion Bible
1, 2. Ewi lemnak eo an elõñ armij kin book ko ad, im ta kajitõk eo ej walok?
1 “Iar jino readi book ko ami jen 1965. Ij lale Bible eo ñe ij read, im aolep men ko ilo book ko ami rej errã ibben Bible eo. Jen etto iar kõnan jelã mol eo kin Anij im Jesus, im I maroñ ba bwe ij lo uak ko remol ilo book ko ami im ilo Bible eo.” Eñin nan ko an juõn emaan ear jeje lok ñan office ko relap an Ri Kennan ro an Jehovah. Ilo ejja letter eo wõt, ear kajitõk bwe juõn en etal im katak Bible ibben.
2 Einwõt emaan in, elõñ million armij ro ibelakin lal rej kamolol kin book ko rej jibañ ir melele kin Bible eo me “dri korijer e tiljek im meletlet” ej litoki. (Mat. 24:45) Kajjojo yiõ, elukkun lõñ book ko rej kõmmani ñan jibañ armij ro emõn burueir ñan air “jela mol.” (1 Tim. 2:4) Ewi wãwen jemaroñ kortokjen ilo meletlet book ko ad rej bedbed ion Bible eo?
3. Ewi wãwen jemaroñ bõprae ad kokkure book ko ad?
3 Jab Kokkure: Iumin elõñ yiõ ko, emaroñ kar lõñ book ko jaar bõki ak jaar jab kajerbali. Ta eo jemaroñ kõmmane bwe jen jab kokkure book ko ad raorõk? Jej aikwij kwalok lolokjen ñe jej bõk book ko jenaj kajerbali ilo jerbal in kwalok nan. Ijellokin ad bõk elõñ copy ko an juõn book me jenaj leloke, jemaroñ bõk juõn ak ruo wõt copy ko im bar bõk jet tokelik ñe emwij ad liloki. Men in enaj bõprae ad kalõñlõñ book ko ilo moko imwed. Eindein, elañe elõñ magazine ko ibbed me jaar jab liloki, emõn elañe jej kadiklok joñan eo jej bõki.
4. Ta eo remaroñ kõmmane elañe elap an lõñ book ko ilo congregation eo?
4 Elap an Wõr Book ko: Elañe elap an lõñ book ko ilo congregation eo, eo ej lolorjake jikin book eo emaroñ kajitõk ibben congregation ko jet ilo bukwon eo elañe remaroñ kajerbali. Ri kwalok ro remaroñ lelok book ko remor ñan ro uan family eo me rejjab ri tõmak, ri katak Bible ro, im ro jet. Ro rekãl ilo congregation eo remaroñ bõk book kein remor im likiti ilo library eo air.
5. Ewi wãwen jemaroñ kwalok ad kamolol kin book ko ad?
5 Jekõnan bwe book ko ad ren kõtõbrak mejenkajjik eo ad ñan jibañ armij ro emol burueir ñan kalaplok air jelã kin karõk ko raibujuij an Jehovah. Einwõt Jesus ear jab kokkure bwen mõñã ko elikin an kar najidik ilo kabwilõñlõñ jar ko, en mejenkajjik eo ad in ñan kortokjen book ko ad rej bedbed ion Bible eo. (Jon 6:11-13) Ennan in lomor eo ej bed ilo book ko ad rejjab maroñ tõbar buruen armij ro ettã burueir elañe rej bedwõt ilo jikin book ak ilo ieb ko ad. Kin men in, jej aikwij kwalok kõmmanwa ñe jej bõk book ko kin jerbal in kwalok nan im ñan kajerbali ilo meletlet ñan jibañ ro jet.—Pil. 4:5.
[Kajjitõk ko]