Kõjerbal Bok ko Ad ilo Mãlõtlõt

Jijej ear katakin im ba: “Kom̦ar bõk im ejej on̦ãn, en ãindein ami lel̦o̦k.” (Mt 10:8) Jej pokake naanin tõl in ilo ad jab kõm̦m̦an on̦ãn an armej ro ebbõk aer Baibõl̦ ak bok ko rej pedped ioon Baibõl̦. (2Ko 2:17) Meñe ãindein ak, bok kein rej kwal̦o̦k kõn katak ko rem̦ool me rej jãn Naanin Anij. Innem, kar kõjerbal el̦ap jããn ñan bũriini im jilkinl̦o̦k ñan aolep eklejia ko ilo pel̦aakin lal̦ in. Kõn men in, ñe jej ebbõk bok jej aikuj bõk wõt joñan eo jej aikuji.

Em̦m̦an ñan kõjerbal lol̦o̦kjen̦ ñe jej lel̦o̦k bok ko ñan armej, bareinwõt ilo iien eo jej kwal̦o̦k naan ilo lo̦bwilej. (Mt 7:6, UBS) Ijello̦kun ad lel̦o̦k bok ko ñan jabdewõt armej jej loe, kajjioñ bwebwenato ippãer ñan jel̦ã ñe rej itoklimo in roñjake. Uwaak eo am̦ ñan juon iaan kajjitõk ko ilo bo̦o̦k eo emaroñ ke aet? El̦aññe kwõjjab maroñ lukkuun kile ñe armej eo ej itoklimo in roñjake, em̦m̦anl̦o̦k ñan lel̦o̦k juon an peba in riit ak tũrããk. Bõtab el̦aññe ej kajjitõk juon iaan bok ko, eokwe jen bar m̦õn̦õn̦õ in lel̦o̦k an.​—JK 3:27, 28, UBS.