“Etke Kom̦ij Jab Ebbõk Amim Bok Ke Kõmij Ebbõk Ami Bok?”

Eñin men eo jet armej rej ba. Bõtab, jejjab jãnij bok ippãn bok ko an kabuñ ko jet kõnke bok ko aer rej kajeeded katak ko rebõd. Innem, ta eo jemaroñ ba bwe ren jab illu ak l̦õkatip ippãd? (Rom 1:25, UBS) Eokwe jemaroñ ba: “Kom̦m̦ool ak bok n̦e ej ke kwal̦o̦k kõn ta eo enaaj n̦amejal̦an apañ ko an armej? [Kõtl̦o̦k an uwaak. El̦aññe ej ba kwõn riiti bok eo an bwe kwõn lo uwaak eo, eokwe kwõmaroñ kakeememej e bwe m̦okta jãn am̦ kar lel̦o̦k bok ñane, kwaar kõmel̦el̦eik kobban. Tokãlik, riiti ak kwal̦o̦k ta eo Matu 6:9, 10 ej ba.] Jijej ear ba bwe Aelõñ eo an Anij enaaj kajejjet ankilaan Anij ioon lal̦. Kõn men in, ij riiti wõt bok ko me rej kwal̦o̦k kõn Aelõñ eo an Anij. Imaroñ ke kwal̦o̦k ñan eok jet eoon me rej kaalikkar ta eo Aelõñ eo an Anij enaaj katõprake ioon lal̦?”